Dyson VS Shark - რა ვითარებაა საქართველოში და როგორია მოთხოვნა პროდუქციაზე
გლობალური მასშტაბით და მათ შორის საქართველოში, საკმაოდ პოპულარულია Dyson-ის პროდუქცია, თმის საშრობი და სტაილერები. Dyson-თან ერთად ასევე პოპულარულია Shark-ის პროდუქტები. ამ ორი ბრენდის „შეჯიბრება“ განსაკუთრებით თვალში საცემია სოციალურ ქსელებში განთავსებული ვიდეოებიდან. აქ მომხმარებლების აზრი ორად იყოფა.
რა ვითარებაა საქართველოში და როგორია მოთხოვნა, ამ კითხვით Business Insider Georgia-მ iTechnics-ის დირექტორს სალომე გუგეშაშვილს მიმართა.
„Dyson-თან და Shark-თან თანამშრომლობა დიდი ხანია რაც დავიწყეთ. ორივე ბრენდი ძალიან აქტუალურია ბაზარზე. Dyson-ის ტექნოლოგიები ხშირად უფრო მაღალ კლასს მიეკუთვნება, რაც მომხმარებელთა დიდი ნაწილისთვის უფრო საინტერესოა, თუმცა არც Shark ჩამორჩება, თავისი ბენეფიტებით, როგორიცაა ხელმისაწვდომობა და ხარისხი.
iTechnics-ში ორივე ბრენდის პროდუქციაზე მაღალი მოთხოვნა შეინიშნება, თუმცა Dyson-ის საშრობები და სტაილერები უფრო აქტუალურია, რაც ამ ბრენდთან მიმართებაში მაღალი მოთხოვნის მაჩვენებელია“, - აცხადებს სალომე გუგეშაშვილი.
iTechnics-ის დირექტორი მიიჩნევს, რომ ამ ბრენდების წარმატება ძირითადად განპირობებულია ტექნოლოგიური ინოვაციების, ეფექტურობის და დიზაინის უნიკალური კომბინაციით.
„თმის სტაილერები თავად პროდუქტის კატეგორიის თვალსაზრისით ახალი არ არის, მაგრამ კონკრეტულ ბრენდებს, როგორიცაა Shark და Laifen, ნამდვილად აქვთ განსხვავებული მიდგომა, რაც მათ პოპულარობას განაპირობებს.
ამ ბრენდების წარმატება ძირითადად განპირობებულია ტექნოლოგიური ინოვაციების, ეფექტურობის და დიზაინის უნიკალური კომბინაციით. მაგალითად, მათი სტაილერები ხშირად გამოირჩევა სწრაფი და ზუსტი თმის მოვლის პროცესით, ეს ზოგავს დროს და უზრუნველყოფს სისუფთავეს.
ბრენდის პოპულარობა განპირობებულია პროდუქციის მაღალი ხარისხით, რომელიც ზრუნავს თმის სტრუქტურაზე და ანიჭებს მას ბზინვარებას. Shark და Laifen საკმაოდ ყურადღებას აქცევენ მომხმარებლის კომფორტსა და გამოცდილებას, რაც სხვა ბრენდებთან შედარებით უფრო საინტერესოს ხდის.
ამგვარად, მათი კონკურენტული უპირატესობა მდგომარეობს არა მხოლოდ ტრადიციულ სტაილერებში არსებული ფუნქციების დახვეწაში, არამედ ახალ, ინოვაციურ მეთოდებსა და ტექნოლოგიებში, რაც სტანდარტებს გადააჭარბებს“, - აცხადებს iTechnics-ის ხელმძღვანელი.
დღის ტოპ 10 სიახლე
„ამბასადორი აილენდ ბათუმი” ინოვაციურ პროექტს დუბაის უძრავი ქონების საერთაშორისო გამოფენაზე წარადგენს
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
UEFA Grassroots Awards | უეფას ბრინჯაოს პრიზი თბილისის კვარტალს გადაეცა
18 , 2025
უეფას მასობრივი ფეხბურთის ყოველწლიური ჯილდო, ნომინაციაში “საუკეთესო სამოყვარულო კლუბი” - ფეხბურთის კლუბ კვარტალს გადაეცა, რომელიც ბავშვთა ასაკობრივ გუნდებს, ამავე სახელწოდების საქართველოს ქალთა ლიგის და ვაჟთა მოყვარულთა ლიგის გუნდებს მოიცავს.
ბრინჯაოს პრიზი, თბილისურმა კლუბმა, სწორედ საფეხბურთო მოდელის ინკლუზიურობისთვის მიიღო, რომელიც ასაკობრივ გოგონათა და ვაჟთა გუნდების, ასევე ქალთა კლუბის და ვაჟთა მოყვარულთა ლიგის გუნდის 260 მოთამაშეს აერთიანებს.
ჯილდო, კლუბის საპატიო პრეზიდენტს - იაკო ხომერიკს, ფეხბურთის ფედერაციის პრეზიდენტმა - ლევან კობიაშვილმა დღეს გადასცა.
უეფას მასობრივი ფეხბურთის ჯილდოს შესახებ
აღნიშნული ჯილდო, 2010 წლიდან ყოველწლიურად გადაეცემათ ეროვნული ასოციაციებისა თუ ფედერაციებს მიერ სხვადასხვა კატეგორიაში წარდგენილ კლუბებს, პროექტებს და ინიციატივებს.
უეფას 55 წევრი სახელმწიფოს მიერ, საკუთარი ქვეყნიდან წარდგენილ ნომინანტებს, ფეხბურთის მმართველი ორგანო, თითო ნომინაციაში ბრინჯაოს, ვერცხლის და ოქროს პრიზებს გადასცემს.
“საუკეთესო სამოყვარულო კლუბის ჯილდო”, მიზნად ისახავს გამოარჩიოს ევროპის მასშტაბით ინკლუზიური მოწყობის კლუბები, რომელთა საქმიანობა ფეხბურთის რამდენიმე შრეს ფარავს და ადგილობრივ კომუნაზე დადებით გავლენას ახდენს. კვარტალის ბრინჯაოს პრიზთან ერთად, ვერცხლის პრიზი ფინურ - ჰაკას, ხოლო ოქროს პრიზი ნორვეგიულ - სმორასს გადაეცათ.
აღნიშნული ჯილდო, 2018 წელს ფეხბურთის ფედერაციამ “მოყვარულთა ლიგის” პროექტისთვის მიიღო (ვერცხლის ჯილდო), 2020 წელს კი სფფ-ის გრასრუტ კოორდინატორი - ჯესი სურმავა, უეფამ “გრასრუტ ლიდერის” ნომინაციაში, მარტვილის მუნიციპალიტეტში განხორციელებული პროექტისთვის დააჯილდოვა.
