აუცილებლად უნდა დავრჩენილიყავით B ჯგუფში, რადგან აქ უფრო კონკურენტუნარიანი მეტოქეები გვეყოლება და უფრო გავიზრდებით - გიორგი მამარდაშვილი
არ ვიტყვი, რომ რთული თამაში გამოვიდა, მარტივად გავიმარჯვეთ, - განაცხადა საქართველოს ეროვნული ნაკრების მეკარე გიორგი მამარდაშვილმა სომხეთის გუნდთან მოგებული თამაშის შემდეგ.
„აუცილებლად უნდა დავრჩენილიყავით B ჯგუფში, რადგან აქ უფრო კონკურენტუნარიანი მეტოქეები გვეყოლება და უფრო გავიზრდებით“, - აღნიშნა მან.
საქართველოს და სომხეთის ნაკრებების მატჩი ანგარიშით 6:1, საქართველოს სასარგებლოდ დასრულდა.
დღის ტოპ 10 სიახლე
სხვა სიახლეები
საქართველოს კალათბურთელთა ნაკრები დღეს ამხანაგურ მატჩში პოლონეთს დაუპირისპირდება
14.08.2025.14:01
საქართველოს კალათბურთელთა ნაკრები დღეს, ევროპის ჩემპიონატისთვის მოსამზადებელ ეტაპზე მეოთხე ამხანაგურ შეხვედრას გამართავს. ჩვენი გუნდის მეტოქე პოლონეთის ნაკრები იქნება. მატჩი ქალაქ სოსნოვიეცში ჩატარდება და თბილისის დროით 20:00 საათზე დაიწყება.
ალეკსანდარ ჯიკიჩმა გუნდი პოლონეთში ჩასვლიდან მეორე დღეს, 12 აგვსტოს დატვირთულად ავარჯიშა. საწვრთნელმა სესიამ ლამის 3 საათი გასტანა. ვარჯიშში მონაწილეობა პოლონეთში მყოფმა 15-ივე კალათბურთელმა მიიღო, რომელთაგან ყველა მწყობრშია.
შეხვედრაში გუნდს ვერ დაეხმარება თორნიკე შენგელია. საქართველოს ნაკრების კაპიტანი პირადი მიზეზით ესპანეთში იმყოფება და წინასწარი ინფორმაციის ნაკრებს ჩეხეთში შეუერთდება.
ევროპის ჩემპიონატი 27 აგვისტოს დაიწყება. ჩვენი ნაკრები კი პირველ შეხვედრას ტურნირზე 28 აგვისტოს, თბილისის დროით 16:00 საათზე, ესპანეთის ნაკრების წინააღმდეგ ჩაატარებს.
