უფალმა შეგვაძლებინოს ვიცხოვროთ ისე, როგორც მოგვიწოდებდა ჩვენი პატრიარქი - რწმენით და სიყვარულით l ქეთევან ჭავჭანიძე
თბილისის საკრებულოს წევრმა ქეთევან ჭავჭანიძემ საკრებულოს სხდომაზე სრულიად საქართველოს პატრიარქის, ილია II-ის გარდაცვალების გამო უდიდესი მწუხარება გამოთქვა და აღნიშნა, რომ მისი უწმინდესობისა და უნეტარესობის გარდაცვალებით როგორც ჩვენი დედაეკლესიისათვის, ასევე მთელი ერისთვის ერთი ეპოქა დასრულდა.
„ფასდაუდებელია მისი ღვაწლი ქვეყნისა და ერის წინაშე და ამიტომაც სრულიად საქართველო გახდა ჩვენი პატრიარქის ჭირისუფალი. ეს არ იყო ჩვეულებრივი გლოვა, თითოეული ჩვენგანი დაობლდა მისი გარდაცვალებით, უწმინდესმა და უნეტარესმა ილია II-მ ჩვენს გულებში მადლიერება და დიდი სიყვარული დატოვა“, - განაცხადა ქეთევან ჭავჭანიძემ.
მან ასევე აღნიშნა, რომ ამ უამრავ ხალხში ძალიან ბევრი ახალგაზრდა იყო, რომლებიც თვალცრემლიანი გლოვობდნენ პატრიარქს და სწორედ ეს ადამიანები იქნებიან, რომლებიც მომავალში ჩვენი ქვეყნის კეთილგონიერებას და განვითარებას უზრუნველყოფენ.
„მადლობა იმ სიყვარულისთვის და სინათლისთვის, რომელიც ჩვენს გულებში დატოვეთ. უფალმა შეგვაძლებინოს ვიცხოვროთ ისე, როგორც მოგვიწოდებდა ჩვენი პატრიარქი - რწმენით და სიყვარულით“, - აღნიშნა საკრებულოს წევრმა.
დღის ტოპ 10 სიახლე
სხვა სიახლეები
საქართველოს ფინანსთა მინისტრი JP Morgan-ის მმართველ დირექტორს შეხვდა
24.03.2026.18:08
საქართველოს ფინანსთა მინისტრი ლაშა ხუციშვილი შეხვდა JP Morgan-ის მმართველ დირექტორ სტეფან უაილერს და კომპანიის წარმომადგენლებს.
მხარეებმა მიმოიხილეს ორმხრივი თანამშრომლობის საკითხები. ფინანსთა მინისტრმა სტუმარს, კიდევ ერთხელ, მადლობა გადაუხადა ევროობლიგაციების რეფინანსირების პროცესში გაწეული მხარდაჭერისთვის. საუბარი, ასევე, შეეხო სახაზინო ფასიანი ქაღალდების ადგილობრივი ბაზრის განვითარებას და ამ მიმართულებით სამომავლო გეგმების დასახვას.
ქართული მხრიდან შეხვედრას დაესწრნენ ფინანსთა მინისტრის პირველი მოადგილე გიორგი კაკაურიძე, მინისტრის მოადგილე ეკატერინე გუნცაძე, სახელმწიფო ვალის მართვის დეპარტამენტის ხელმძღვანელი ირაკლი კაჭარავა.
არ მოიძებნება ისეთი სიტყვა, რომელიც ჩემს მადლიერებას გამოხატავს უწმინდესის მიმართ - შალვა ოგბაიძე
24.03.2026.17:43
ქართველმა ხალხმა უკანასკნელ გზაზე ამაყად გააცილა საქართველოს სიყვარულში დამაშვრალი თავისი პატრიარქი - ლეილა კოლომიკოვი
24.03.2026.17:09
უფალმა შეგვაძლებინოს ვიცხოვროთ ისე, როგორც მოგვიწოდებდა ჩვენი პატრიარქი - რწმენით და სიყვარულით l ქეთევან ჭავჭანიძე
24.03.2026.16:53
არაერთხელ მომისმენია პატრიარქის ქადაგება და თხოვნა ემიგრანტებისადმი, რომ საბოლოოდ დაბრუნებულიყვნენ საქართველოში - შალვა სუთიაშვილი
24.03.2026.16:48
პატრიარქი არ ყოფილა მხოლოდ ეკლესიის წინამძღვარი - იგი თავად იყო უახლესი საქართველოს სახელმწიფოებრიობის შექმნის თანაავტორი - ზაქარია წიკლაური
24.03.2026.16:44
დღეს ჩვენი ერთიანობა არის ის ძალა, რომელიც ინახავს ილია მეორის სულიერ მემკვიდრეობას - მარიამ გრიგოლიშვილი
24.03.2026.16:21
საბაჟო დეპარტამენტის სამსახურებრივი ძაღლის დახმარებით მებაჟე ოფიცრებმა დიდი რაოდენობით არადეკლარირებული სიგარეტი აღმოაჩინეს
24.03.2026.16:09
პატრიარქთან გამოსამშვიდობებლად მოსული ხალხი იყო დასტური იმისა, რომ ეს ქვეყანა არასდროს დამარცხდება - ბექა დავითულიანი
24.03.2026.16:06
