ცესკომ საქართველოს ტექნიკური უნივერსიტეტის სტუდენტებს უმასპინძლა
ცენტრალურმა საარჩევნო კომისიამ (ცესკო) ახალგაზრდებს უმასპინძლა. საქართველოს ტექნიკური უნივერსიტეტის სტუდენტებს ცესკოს თავმჯდომარე გიორგი კალანდარიშვილი პირადად შეხვდა. ინფორმაციას ცესკო ავრცელებს.
შეხვედრის განმავლობაში მან არჩევნების ისტორიაზე, საარჩევნო ელექტრონულ ტექნოლოგიების დანერგვასა და მის უპირატესობებზე, უწყების წინაშე არსებულ გამოწვევებსა და სხვადასხვა საარჩევნო საკითხებზე, მათ შორის 4 ოქტომბერს გასამართი მუნიციპალიტეტის ორგანოთა არჩევნებისთვის სამზადისზე დეტალურად ისაუბრა. ყურადღება გამახვილდა იმ დეზინფორმაციაზე, რომელიც საარჩევნო პროცესებთან მიმართებაში ვრცელდება და ამასთან დაკავშირებით საარჩევნო ადმინისტრაციის სტრატეგიასა და რეაგირებაზე.
„დღევანდელ შეხვედრაზე ახალგაზრდებთან გვქონდა შესაძლებლობა გვესაუბრა სხვადასხვა მნიშვნელოვან საკითხებზე და მოხარული ვარ, რომ მაღალი იყო ინტერესი სტუდენტების მხრიდან. დეტალურად განვიხილეთ, როგორც გასული წლის არჩევნები, ასევე ის ტექნოლოგიური მიღწევები, რომელიც საარჩევნო ადმინისტრაციას გააჩნია და გვქონდა საინტერესო მიმოხილვა საარჩევნო საკითხებთან დაკავშირებით. რა თქმა უნდა, ასეთი ტიპის შეხვედრები მომავალშიც გაგრძელდება და ჩვენ ცნობიერების ამაღლების ჭრილში, ისევე როგორც საინფორმაციო კამპანიების ნაწილში გვექნება ხშირი შეხვედრები ახალგაზრდებთან, რათა ერთის მხრივ მივაწოდოთ მათ ინფორმაცია საარჩევნო საკითხებთან დაკავშირებით და ამით გავზარდოთ მათი მოტივაცია სხვადასხვა საარჩევნო პროცესებში ჩართულობასთან დაკავშირებით.“, - განაცხადა გიორგი კალანდარიშვილმა.
„ელექტრონული ტექნოლოგიების მუშაობასთან დაკავშირებით სტუდენტებს დეტალური ინფორმაცია ელექტრონული ტექნოლოგიების პროექტის მენეჯერმა ნიკოლოზ იოვაძემ მიაწოდა. ვიზიტის ფარგლებში ახალგაზრდებმა ცენტრალური საარჩევნო კომისიის სამუშაო სივრცეებიც დაათვალიერეს, უწყების მუშაობის სპეციფიკა მათ ცესკოს პრეს-სპიკერმა ნათია იოსელიანმა გააცნო.
შეხვედრა ინტერაქციულ რეჟიმში გაიმართა, სადაც ახალგაზრდებს ჰქონდათ შესაძლებლობა, პასუხები მიეღოთ მათთვის საინტერესო და აქტუალურ კითხვებზე. მსგავსი ტიპის შეხვედრები მომავალში გაგრძელდება, რაც ხელს შეუწყობს სამოქალაქო ცნობიერების ამაღლებას საარჩევნო საკითხებზე და საარჩევნო პროცესებისადმი ინტერესის გაღვივებას", - აღნიშნულია ინფორმაციაში.
დღის ტოპ 10 სიახლე
სხვა სიახლეები
სარეიტინგო სააგენტო Moody’s-მა ეროვნულ ბანკთან თანამშრომლობით თბილისში საერთაშორისო კონფერენციას უმასპინძლა
03.12.2025.17:58
ეროვნულ ბანკთან თანამშრომლობით, სარეიტინგო სააგენტო Moody’s-მა საქართველოს მაკროეკონომიკური პერსპექტივების, საბანკო სექტორში მიმდინარე ტენდენციებისა და იპოთეკური ობლიგაციების ბაზრის განვითარების საკითხებზე თბილისში საერთაშორისო კონფერენციას უმასპინძლა.
Moody’s-ის ანალიტიკოსებმა, საქართველოს ფინანსთა მინისტრის მოადგილის ეკატერინე გუნცაძისა და ეროვნული ბანკის ფინანსური სტაბილურობის დეპარტამენტის უფროსის დავით უტიაშვილის ჩართულობით, ქვეყნის სუვერენული რეიტინგის საფუძვლები და მაკროეკონომიკური პერსპექტივები განიხილეს. შეხვედრაზე ასევე ყურადღება დაეთმო ქართულ საბანკო სექტორში მიმდინარე ტენდენციების მიმოხილვასა და აუდიტორიისათვის იპოთეკური ობლიგაციების სარეიტინგო შეფასების მეთოდოლოგიის გაცნობას.
ღონისძიების დასკვნით ნაწილში, Moody’s-ის მოდერაციით გაიმართა პანელური დისკუსია კომერციული ბანკების დაფინანსების ახალი ინსტრუმენტის - იპოთეკური ობლიგაციების ბაზრის განვითარების თემაზე. მასში მონაწილეობდნენ საქართველოს ეროვნული ბანკის ფასიანი ქაღალდების ბაზრის ზედამხედველობის დეპარტამენტის უფროსი დავით აბესაძე, „თიბისი ბანკის“ მთავარი ფინანსური ოფიცრის მოადგილე დავით ტალახაძე და საპენსიო ფონდის მმართველობითი საბჭოს წევრი ლევან შავკაციშვილი.
პანელის მონაწილეებმა განიხილეს იპოთეკური ობლიგაციების ბაზრის ჩამოსაყალიბებლად საჯარო და კერძო სექტორის მიერ განხორციელებული ღონისძიებები და მიღწეული შედეგები, ასევე იმსჯელეს სამომავლო ნაბიჯებზე. მათ შორის, აღინიშნა ევროპის რეკონსტრუქციისა და განვითარების ბანკის (EBRD) დაფინანსებითა და ეროვნული ბანკის მხარდაჭერით მიმდინარე პროექტი, რომელიც ქართულ კომერციულ ბანკებს იპოთეკური ობლიგაციების გამოსაშვებად შესაბამისი პროგრამული უზრუნველყოფის დანერგვაში დაეხმარება. როგორც პანელის მონაწილეებმა აღნიშნეს, ჩართული მხარეების ერთობლივი ძალისხმევა საქართველოში იპოთეკური ობლიგაციების საინაუგურაციო ემისიისათვის მყარ საფუძველს ქმნის.
საერთაშორისო კონფერენციას - „საქართველოს სუვერენული, საბანკო და იპოთეკური ობლიგაციების ბრიფინგი“ ქართული საფინანსო სექტორის წარმომადგენლები და საკითხით დაინტერესებული უცხოელი სტუმრები ესწრებოდნენ.
ხე-ტყის უკანონოდ მოპოვებისა და ტრანსპორტირების ფაქტებზე კანონმდებლობა გამკაცრებულია
03.12.2025.15:42
საახალწლო ღონისძიებები 12 დეკემბრიდან 7 იანვრის ჩათვლით პირველი რესპუბლიკის მოედანზე გაიმართება
03.12.2025.11:59
საქართველოს გარემოს დაცვისა და სოფლის მეურნეობის მინისტრის ოფიციალური ვიზიტი იერუსალიმის პატრიარქთან
03.12.2025.10:29
მებაჟე ოფიცრებმა სარფში არადეკლარირებული ოქროს ნაკეთობების შემოტანის ორი ფაქტი აღკვეთეს
02.12.2025.16:04
