თბილისის მერმა GWP-ის მფლობელი კომპანიის - „აქუალიას“ აღმასრულებელ დირექტორთან შეხვედრა გამართა
თბილისის მერი კახა კალაძე „ჯორჯიან უოთერ ენდ ფაუერის“ (GWP) 100-პროცენტიანი წილის მფლობელი კომპანიის - „აქუალიას“ აღმასრულებელ დირექტორს სანტიაგო ლაფუენტე პერეს ლუკასს შეხვდა. საუბრის მთავარი თემა სამომავლო თანამშრომლობის პერსპექტივებს შეეხებოდა.
კახა კალაძემ ხაზი გაუსვა დედაქალაქის ინფრასტრუქტურის განვითარებაში კომპანია „ჯორჯიან უოთერ ენდ ფაუერის“ საქმიანობის მნიშვნელობას.
„ჩვენ წლებია ვთანამშრომლობთ და ბევრ პროექტს ერთად ვახორციელებთ. ზოგადად, თბილისი ძველი ქალაქია და მიწისქვეშა კომუნიკაციების თვალსაზრისით, გარკვეული პრობლემები გვაქვს, თუმცა ბოლო წლების განმავლობაში, რაც ერთად გავაკეთეთ, ამდენი არასდროს გაკეთებულა. შემდეგ ოთხ წელში საკმაოდ ამბიციური გეგმები გვაქვს ინფრასტრუქტრული პროექტების თვალსაზრისით. იმედი გვაქვს თქვენი მხარდაჭერის, რომ ერთად მოვაწესრიგებთ სხვადასხვა გამზირსა და ქუჩას“, - განაცხადა კახა კალაძემ.
გაცნობითი ხასიათის შეხვედრა წყლის მომავლის პირველი საერთაშორისო ფორუმის ფარგლებში გაიმართა.
თბილისის მერთან შეხვედრას ესწრებოდნენ „აქუალიას“ რეგიონული დირექტორი ხოსე ენრიკე ბოფილი, „აქუალიას“ ფინანსური დირექტორი ისიდორო მარბან ფერნანდესი, GWP-ის აღმასრულებელი დირექტორი ხოსე მიგელ სანტოსი, ამავე კომპანიის კომუნიკაციების დირექტორი ეკა ბერიძე და ტექნიკური დირექტორი გიგა ნადირაძე.
დღის ტოპ 10 სიახლე
სხვა სიახლეები
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი - გარემოს ეროვნული სააგენტო
03.04.2026.13:30
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი, - აღნიშნულია გარემოს ეროვნული სააგენტოს განცხადებაში.
„3 აპრილის დღის ბოლოდან 5 აპრილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი და ქარის გაძლიერება. 5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი.
მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო)“, - აღნიშნულია განცხადებაში.
რთველის სამზადისი წელს ადრე დავიწყეთ, რაც მოგვცემს შესაძლებლობას პროცესი უფრო ორგანიზებულად წარიმართოს - ლევან მეხუზლა
03.04.2026.10:46
აჭარის ფინანსთა და ეკონომიკის მინისტრი ედნარ ნატარიძე ფორუმს თემაზე „პროფესიული განათლება და ბიზნესი-თანამშრომლობა რეგიონული განვითარებისათვის“ დაესწრო
03.04.2026.09:45
აუტიზმის შესახებ ცნობადობის ამაღლების საერთაშორისო დღესთან დაკავშირებით ბექა მიქაუტაძე ბავშვთა და მოზარდთა ცენტრ „პროსპეროს“ ესტუმრა
02.04.2026.15:37
უშუალოდ ბაგა-ბაღის ჭიშკრის წინ არ უნდა მოხდეს ცხოველის დატოვება, თუმცა ეს არ ზღუდავს ახლო ტერიტორიაზე მის დაბრუნებას - ლაშა ავალიანი
02.04.2026.14:48
