თამარ გახარია მსოფლიო ფინანსური მედია - გიგანტის პრიზმაში
Forbes Books-მა, გამომცემლობამ რომელიც ცნობილია მსოფლიოში გამორჩეული ლიდერული ისტორიების პოპულარიზაციით, რამდენიმე დღის წინ თამარ გახარიას ავტობიოგრაფია წიგნის სახით გამოსცა – „The Blitz: საქართველოს შვილის აღმასვლა ფინანსური დირექტორის თანამდებობაზე პოსტსაბჭოთა ეპოქაში“.
თამარ გახარია მსოფლიოს მასშტაბით რვა პროფესიონალს შორის მოხვდა, რომლებიც Forbes Book -მა გამოცემისთვის შეარჩია. თამარის ისტორია აღწერს სოციალური ცვლილებებითა და პირადი გამოწვევებით აღსავსე რთულ გზას, რომელმაც ის პროფესიულ წინსვლამდე, მსხვილ ბიზნესში წარმატებამდე და საკუთარი თავის შეცნობამდე მიიყვანა.
საქართველოს ეკონომიკაში დიდი წვლილის შემტანი - უმსხვილესი ჰოლდინგი აქტივებითა და თანამშრომლების რაოდენობით, “სიბიეს ჯგუფი” აერთიანებს ისეთ საკვანძო სექტორებს, როგორებიცაა ენერგეტიკა, კომუნიკაციები, ტრანსპორტი, უძრავი ქონება, ახალი ტექნოლოგიები და სტარტაპები. ფინანსური დირექტორის რანგში თამარ გახარია ერთ-ერთ მთავარ როლს ასრულებს „სიბიეს ჯგუფის“ წარმატებაში, პოზიციაზე რომელიც 25 წლისამ დაიკავა.
თამარის ისტორია სიმტკიცის და შეუპოვრობის შესანიშნავი მაგალითია, რაც განსაკუთრებულად აქტუალურია ქალებისა და დამწყები ლიდერებისათვის მთელ მსოფლიოში. „The Blitz“-ში ავტორი საუბრობს საკუთარ პირად და პროფესიულ გამოცდილებაზე, დაწყებული რთული ბავშვობიდან, რომელიც განვლო პოსტსაბჭოთა საქართველოს არასტაბილურ პირობებში, გაგრძელებული მძიმე გამოწვევებით ზრდასრულ ასაკში და დასრულებული მისი ამჟამინდელი პოზიციით. ეს ისტორია მკითხველს ემოციური ამბებისა და პრაქტიკული ასპექტების კომბინაციით აჩვენებს იმ ძალასა და ამბიციას, რომლებმაც განსაზღვრეს როგორც თამარის პიროვნული ზრდა, ასევე თანამედროვე საქართველოს განვითარება.
„Forbes Books-ის მიერ ჩემი წიგნის გამოცემა წარმოუდგენლად დიდი პატივია“, – განაცხადა თამარ გახარიამ. „ჩემი ისტორიის გაზიარებით მსურს შთავაგონო და გავაძლიერო სხვა ქალები და ლიდერები მთელს მსოფლიოში, რადგან დარწმუნდნენ, რომ ნებისმიერი დაბრკოლების გადალახვა შესაძლებელია. მინდა ვისარგებლო შემთხვევით და მადლობა გადავუხადო „სიბიეს ჯგუფის“ არაჩვეულებრივ გუნდს, მათი უზარმაზარი მხარდაჭერისთვის, როგორც ჩემი პროფესიული ზრდის თვალსაზრისით, ისე მოცემული წიგნის შექმნის პერიოდში. საკუთარი შეუპოვრობისა და მიზანდასახულობის გარდა, თითოეული ჩვენგანის წარმატებაში დიდი მნიშვნელობა აქვს იმას, თუ ვინ გვიდგას გვერდში”.
„The Blitz“ უკვე ხელმისაწვდომია ონლაინ მთელს მსოფლიოში - Amazon, Barnes & Noble, BAM!, BBookshop, Hudson Booksellers, Pochlight და წიგნის მაღაზიებში აშშ- ში, ხოლო საქართველოში ფიზიკურად წიგნის შეძენა რამდენიმე დღეში იქნება შესაძლებელი.
დამატებითი ინფორმაციისთვის გამოგვყევით ჩვენს გვერდებზე სოციალურ მედიაში:
დღის ტოპ 10 სიახლე
სხვა სიახლეები
საქართველოს ეკონომიკური ფორუმის მსგავსი ფორმატი უმნიშვნელოვანესია აგრო სექტორის განვითარებისთვის - გიორგი სვანიძე
21.10.2026.09:37
საქართველოს ეკონომიკური ფორუმის 32-ე დისკუსია „საქართველოს აგრარული პოლიტიკის პრიორიტეტები და ახალი შესაძლებლობები” გაიმართა.
ღონისძიება გარემოს დაცვისა და სოფლის მეურნეობის მინისტრმა დავით სონღულაშვილმა გახსნა.
ღონისძიებას მოდერატორობას უწევდა „ბიზნეს ინსაიდერი საქართველოს“ და "საქართველოს ეკონომიკური ფორუმის" დამფუძნებელი და ხელმძღვანელი გიორგი აბაშიშვილი.
ეკონომიკურ ფორუმში მონაწილეობდნენ: საქართველოს პარლამენტის სოფლის მეურნეობის კომიტეტის თავმჯდომარე გელა სამხარაული, „თეგეტა ჰოლდინგის“ მთავარი აღმასრულებელი ოფიცერი ეკატერინე ქავთარაძე, საერთაშორისო ანალიტიკური ლაბორატორიის დამფუძნებელი ნათია ცაბუტაშვილი, სადაზღვევო კომპანია ალდაგის გენერალური დირექტორი გიორგი ბარათაშვილი, საქართველოს ბანკის გენერალური დირექტორის მოადგილე ზურაბ ქოქოსაძე.
დისკუსიის „საქართველოს აგრარული პოლიტიკის პრიორიტეტები და ახალი შესაძლებლობები“ ფარგლებში მონაწილეებმა ყურადღება გაამახვილეს საქართველოს აგრარული სექტორის განვითარების ძირითად მიმართულებებზე, სოფლის მეურნეობის პროდუქტიულობისა და კონკურენტუნარიანობის ზრდაზე, თანამედროვე ტექნოლოგიებისა და ინოვაციური მიდგომების დანერგვაზე, აგრეთვე ადგილობრივი წარმოების გაძლიერებისა და საექსპორტო პოტენციალის გაფართოების შესაძლებლობებზე. განხილვის მნიშვნელოვანი მიმართულებები იყო აგრობიზნესისთვის ფინანსურ რესურსებზე ხელმისაწვდომობა, სახელმწიფო მხარდაჭერის მექანიზმების ეფექტიანობა, საინვესტიციო შესაძლებლობები და სექტორის მდგრადი განვითარების პერსპექტივები.
„მე ვფიქრობ, რომ ეს უმნიშვნელოვანესია, ესეთი ფორუმები აგრო სექტორის განვითარებისთვის. თქვენ დღეს ნახეთ, რომ მნიშვნელოვანი საკითხები იყო გავლილი. მე ვფიქრობ, რომ თვითონ აგრო სექტორის და ნებისმიერი აგრო დარგის განვითარებისთვის ესეთი ფორუმები უმნიშვნელოვანესია, როგორც ახალი ტექნოლოგიების შემოტანა, ასევე გაციფრულება აგრო სექტორის, რომელიც შემდგომ ფერმერებს უფრო გაუადვილდება მისი პლანტაციის და ბაღის მოვლა, პროდუქციის აღრიცხვა, წარმოება და ა.შ. აგრეთვე, სამინისტროს მინდა ძალიან დიდი მადლობა გადავუხადო, თვითონ იმ პროექტების და პროგრამების, რაც დღეს არსებობს საქართველოში, „დანერგე მომავალი“, „აწარმოე საქართველო“, ხელისშეწყობა, ის გრანტები, რაც დღეს ფერმერებს ეხებათ. მე ვფიქრობ, ეს ყველაფერი უმნიშვნელოვანესია სოფლის მეურნეობის დარგის განვითარებისთვის და დიდ როლს თამაშობს“, - აცხადებს გიორგი სვანიძე.
საქართველოს ეკონომიკური ფორუმის გენერალური სპონსორი - საქართველოს ბანკი
საქართველოს ეკონომიკური ფორუმის მუდმივი პარტნიორი - UGT - იუჯითი
პარტნიორები - თეგეტა ჰოლდინგი, საერთაშორისო ანალიტიკური ლაბორატორია, ალდაგი, ტასჰაბი, Forum Ekonomiczne / Economic Forum; Coca-Cola Bottlers Georgia; წყალი მთის • Water MTIS; Chelti Winery / მეღვინეობა ჩელთი
ამჟამად ნიადაგის დაცვის კანონმდებლობის განახლების მიმართულებით ვმუშაობთ - გელა სამხარაული
21.10.2026.08:50
გელა სამხარაულმა დისკუსიაში - „საქართველოს აგრარული პოლიტიკის პრიორიტეტები და ახალი შესაძლებლობები" მიიღო მონაწილეობა
21.10.2026.08:20
