სსიპ ბირთვული და რადიაციული უსაფრთხოების სააგენტოს თანამშრომლებისთვის კომუნიკაციის საკითხებზე ტრენინგი გაიმართა
გარემოსდაცვითი ინფორმაციისა და განათლების ცენტრისა და სსიპ ბირთვული და რადიაციული უსაფრთხოების სააგენტოს თანამშრომლობით, ბირთვული და რადიაციული უსაფრთხოების სააგენტოს თანამშრომლებისთვის ჩატარდა ტრენინგი თემაზე – „საქმიანი კომუნიკაციის ეფექტიანი სტრატეგიები და პრაქტიკული უნარები“.
ტრენინგი მიზნად ისახავდა მომხმარებლებთან კომუნიკაციის პროცესის მართვასთან დაკავშირებული უნარების გაძლიერებას, რაც ხელს შეუწყობს როგორც შიდა ორგანიზაციული კომუნიკაციის გაუმჯობესებას, ასევე, ორგანიზაციის გარეთ საქმიან ურთიერთობებში უფრო სწრაფი და ეფექტიანი შედეგების მიღწევას.
პროგრამის ფარგლებში მონაწილეებმა განიხილეს:
• კომუნიკაციის ფსიქოლოგიური საფუძვლები;
• კომუნიკაციის ტიპები, დონეები და ბარიერები;
• ვერბალური კომუნიკაციის ტექნიკები – აქტიური მოსმენა, პოზიტიური და საქმიანი ფორმულირება;
• არავერბალური კომუნიკაციის ეფექტიანი გამოყენება;
• მომსახურების სტანდარტები და პრინციპები;
• რთული (სტრესული და კონფლიქტური) კომუნიკაციის მართვა და ემოციების რეგულაცია;
• ნეგატიური ინფორმაციის მიწოდების ტექნიკები მომხმარებლის გაღიზიანების გარეშე.
ტრენინგი აერთიანებდა თეორიულ და პრაქტიკულ ნაწილს, რაც მონაწილეებს შესაძლებლობას აძლევდა მიღებული ცოდნა რეალურ სამუშაო პროცესში გადაეტანათ.
მსგავსი ტიპის საგანმანათლებლო აქტივობები ხელს უწყობს საჯარო სექტორში პროფესიული სტანდარტების გაძლიერებასა და მომხმარებელზე ორიენტირებული მომსახურების განვითარებას.
დღის ტოპ 10 სიახლე
სხვა სიახლეები
ეროვნული სატყეო სააგენტო უახლოეს პერიოდში 401 ტყის მცველისა და დამატებით 100 სპეციალისტის აყვანას გეგმავს
14.04.2026.12:00
ეროვნული სატყეო სააგენტო უახლოეს პერიოდში 401 ტყის მცველისა და დამატებით დაახლოებით 100 სპეციალისტის აყვანას გეგმავს, პარალელურად კი დეგრადირებული ტყის ფართობების აღდგენაზე მუშაობას აგრძელებს,- ამის შესახებ სააგენტოს წარმომადგენელმა, დათა კობახიძე განაცხადა. მისი თქმით, აღდგენის პროექტები მზადდება როგორც შიდა რესურსით, ისე შესყიდვების გზით ჩართული კომპანიების მონაწილეობით.
„თანამშრომლების რაოდენობის ზრდა ძალიან მალე იქნება, ანუ საბოლოო ეტაპზეა და უკვე ძალიან მალე იქნება შესაძლებელი 401 თანამშრომლის დამატება ტყის მცველების კუთხით. თუმცა გარდა ამ 401 თანამშრომლისა, დაახლოებით 100 ადამიანამდე სხვადასხვა მიმართულებით, მათ შორის ბუნებრივი რესურსების კუთხით სპეციალისტები, მეტყევეები და ასე შემდეგ, მათი დამატებაც იგეგმება, რაც ძალიან მნიშვნელოვანია და ყველაზე აქტუალური საკითხია. და აღდგენის კუთხით ჩვენ მუდმივ რეჟიმში ვმუშაობთ ასე ვთქვათ, ვავლენთ, ვაიდენტიფიცირებთ იმ დეგრადირებულ ფართობებს, შედეგად შესაბამისი აღდგენის გეგმები მზადდება, პროექტი მზადდება. პროექტზე ზოგიერთ შემთხვევაში შიდა რესურსით მიმდინარეობს მუშაობა, ზოგიერთ შემთხვევაში მიმდინარეობს ასე ვთქვათ შესყიდვის ფარგლებში და შესაბამისი კომპანიები, დაინტერესებული მხარეები მონაწილეობას იღებენ ამ აღდგენის პროექტებში“, - აცხადებს ეროვნული სატყეო სააგენტოს ტყის მოვლა-აღდგენის დეპარტამენტის უფროსი.
შესაბამისი სამსახურები უწყვეტად ახორციელებენ ხარისხის მონიტორინგს, რათა ქართული ღვინო საერთაშორისო სტანდარტებს აკმაყოფილებდეს - ღვინის ეროვნული სააგენტო
14.04.2026.11:32
საქართველოს ტყეებს ბუნებრივი თვითაღდგენის უნარი აქვთ, თუმცა პროცესის დასაჩქარებლად ჩარევაც აუცილებელია - დათა კობახიძე
14.04.2026.08:55
