ეროვნულ სატყეო სააგენტოს ტყის დაცვის ფუნქცია დაუბრუნდა და უწყება ახალი 401 ტყის მცველით გაძლიერდება, ამის შესახებ ტელეკომპანია „მაესტროს“ ეთერში  გადაცემა Business Insider Georgia-ში სტუმრობისას სააგენტოს ტყის მოვლა-აღდგენის დეპარტამენტის უფროსმა, დათა კობახიძე განაცხადა. მისი თქმით, სატყეო რეფორმა დასკვნით ფაზაშია და ცვლილებები ტყის დაცვის ეფექტიანობას მნიშვნელოვნად გაზრდის.

„სატყეო რეფორმა, რომელიც წლებია მიმდინარეობს, უკვე დასკვნით ფაზაზეა, პრაქტიკულად ჩამოყალიბებულია მიმართულება, რა მიმართულებითაც შედის ის საკვანძო ცვლილებები სატყეო სექტორში და მთავარი, რაც უნდა აღვნიშნოთ არის ის, რომ ეროვნულ სატყეო სააგენტოს დაუბრუნდა ტყის დაცვის ფუნქცია. რაც გულისხმობს - თანამშრომლების გადამზადებას, გაძლიერებას, თანამშრომლების რესურსის გაზრდას. მათ შორის ეროვნულ სატყეო სააგენტოს ემატება 401 ტყის მცველი, რაც ძალიან დიდი რესურსია ადამიანური კუთხით და კონკრეტულ ფართობებზე იქნება კონკრეტულად მიმაგრებული პირი, ტყის მცველი, რომელიც პასუხისმგებელი იქნება მის დასაცავ ფართობზე. მათ შორის რა თქმა უნდა აღსანიშნავია, გაზრდილი ტყის მცველთა რაოდენობა გაზრდის ეფექტიანობას, იმიტომ რომ წარსულში თუ პირობითად 10 000 ჰექტარი მოდიოდა ერთ თანამშრომელზე, ამჟამად გაცილებით შემცირებულია, დაახლოებით 2 000 ჰექტარი იქნება სამართავი ფართობი და დაცვის ფუნქცია უნიკალური იქნება ამ შემთხვევაში ამ ჩვენი სახელმწიფო ტყისთვის, ამ ჩვენი უნიკალური სიმდიდრისთვის რაც საქართველოს გააჩნია“, - აღნიშნა დათა კობახიძემ.

ეროვნული სატყეო სააგენტოს წარმომადგენლის განმარტებითვე, ინვენტარიზაციის შედეგად საქართველოში დეგრადირებული ტყის ფართობები გამოვლინდა, რაც ათწლეულების განმავლობაში დაგროვილი პრობლემების შედეგია.

„გამოწვევა ეროვნული ინვენტარიზაციის შედეგად გამოიკვეთა, საუბარია დეგრადირებული ტყის ფართობებზე.

დეგრადირებულ ტყე - ზოგადად დეგრადაციის ცნება შედარებით ფართოა და გარკვეულწილად გარკვეული შეხედულების შემთხვევაში შეიძლება ჩაითვალოს დეგრადირებულად ან არ ჩაითვალოს. ჩვენს შემთხვევაში დეგრადირებულში იგულისხმება ის ტიპური ტყე, რაც უნდა იყოს იმ ეკოსისტემისთვის, რაც უნდა ქმნიდეს იმ ჰაბიტატს, რასაც სრულფასოვნად ასრულებს ასე ვთქვათ ტყის ფუნქცია. ანუ ნაკლოვანება, მათ შორის მაგალითად უკანონო ჭრების შედეგად - ეს ათწლეულებზეა საუბარი რა თქმა უნდა და ბოლო ერთი-ორი და თუნდაც ხუთი და ათი წლის შედეგი არ არის.

ამას ემატებოდა არარაციონალური ბუნებათსარგებლობა ის უკანონო ჭრების სახით იქნებოდა თუ სხვადასხვა კუთხით და ამ ყველაფერმა განაპირობა დეგრადაციის შედარებით მაღალი დონე. დაახლოებით 30 პროცენტი, 30 პროცენტზე მეტიც, რაც შეიძლება ითქვას, რომ საყურადღებოა და შეიძლება ითქვას, რომ საგანგაშოა.

რეფორმა ორიენტირებულია აღდგენის კუთხითაც და მათ შორის ჩვენ გვაქვს პროექტები, მიმდინარე პროექტები ტყის აღდგენის კუთხით. ეს სხვადასხვა კუთხით არის საუბარი, მათ შორის ჩვენ ხელს ვუწყობთ ბუნებრივი განახლების პროცესებს პირობითად წარსულში მასიურად ჭრაგავლილ ფართობებზე, სადაც ბუნებრივად ტყეს უჭირს აღდგენითი პროცესები, ამ შემთხვევაში ადამიანის ჩარევით, შესაბამისი პროექტების განხორციელებით მიმდინარეობს ამ დეგრადირებული ფართობების აღმოფხვრა და ჩვენი ერთ-ერთი უმთავრესი მიზანი ეს არის მიმდინარე ეტაპზე“, - განმარტა ეროვნული სატყეო სააგენტოს ტყის მოვლა-აღდგენის დეპარტამენტის უფროსმა.