შინაური ცხოველის ქუჩაში გაგდებისათვის ფიზიკური პირი 5 000 ლარით, ხოლო იურიდიული პირი 10 000 ლარით დაჯარიმდება - დეტალები
შინაური ცხოველის ქუჩაში გაგდებისათვის ფიზიკური პირი 5 000 ლარით, ხოლო იურიდიული პირი 10 000 ლარით დაჯარიმდება. შინაურ ბინადარ ცხოველთა საქართველოს კანონის პროექტის განხილვის პარალელურად ცვლილებები შედის ადმინისტრაციულ სამართალდარღვევათა კოდექსში, რომლის მოსმენებიც პარლამენტში უკვე დაწყებულია და ის საპარლამენტო სესიაზე დღეს პარლამენტის გარემოს დაცვისა და ბუნებრივი რესურსების კომიტეტის თავმჯდომარემ მაია ბითაძემ წარადგინა.
„ადმინისტრაციულ სამართალდარღვევათა კოდექსში გვქონდა 8 ლარიანი ჯარიმა შინაურ ბინადარი ცხოველების მოვლა-პატრონობის წესების დარღვევისთვის, რომელიც მარტო დედაქალაქში მოქმედებდა. შესაბამისად, გამომდინარე იქიდან, რომ ყველა მუნიციპალიტეტი ცალკე იქნება ვალდებული, რომ მოვლა-პატრონობს წესები დაადგინოს, აქ ჯარიმა რჩება და იზრდება 500 ლარამდე.
შემდგომ უკვე პატრონის მიმართ არაკეთილსინდისიერად მოქმედებებისთვის არის განსაზღვრული სანქციები, როგორც ანტირაბიული ვაქცინაციის წესების დარღვევისთვის, ასევე მუნიციპალიტეტის ინტენსიფიკაცია-რეგისტრაციის კანონმდებლობით დარღვეული მოთხოვნისთვის დარღვევისთვის 500-დან 1500 ლარამდე. ცხოველების სტერილიზაცია-კასტრაციის მოთხოვნის დარღვევისთვის ჯარიმა შემოვა 1500 ლარი, შინაური ბინადარი ცხოველის ქუჩაში გაგდება 5000 ლარი და იურიდიული პოლისთვის 10 000 ლარი“, - აღნიშნა მაია ბითაძემ.
დღის ტოპ 10 სიახლე
სხვა სიახლეები
არაგვის ხიდზე, დილის 07:00 საათამდე, ტრანსპორტის მოძრაობა 1 ზოლზე შეიზღუდება
17.07.2025.14:16
არაგვის ხიდზე, 07:00 საათამდე, ტრანსპორტის მოძრაობა ერთ ზოლზე შეიზღუდება.
საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის თბილისი-სენაკი-ლესელიძის ავტომაგისტრალის 26-ე კმ-ზე, მდინარე არაგვზე არსებულ ხიდზე (მარცხენა მხარე, თბილისის მიმართულება) დაზიანდა სავალი ნაწილის ფილა. უსაფრთხოების მიზნით, ხორციელდება ფილის დემონტაჟი, არმირების გაძლიერება და ახალი ფილის მოწყობა.
აღნიშნული სარემონტო სამუშაოების გამო, მოძრაობა ხიდზე ხორციელდება მხოლოდ ერთი ზოლის ფარგლებში და ეს რეჟიმი შენარჩუნდება ხვალ დილის 07:00 საათამდე.
არსებული ხიდის გვერდით უკვე მიმდინარეობს ახალი ხიდის მშენებლობა, რომლის ექსპლუატაციაში გაშვება მომავალი წლისთვის არის დაგეგმილი.
არსებული ხიდი 1973 წელს არის აშენებული და სავალ ნაწილზე არსებული დაზიანებები ხშირად საჭიროებს აღდგენით სამუშაოებს, რაც პერიოდულად ზღუდავს მოძრაობას და დისკომფორტს უქმნის მგზავრებს.
საავტომობილო გზების დეპარტამენტი ბოდიშს გიხდით შექმნილი დისკომფორტისთვის.
პროგრამა „ისწავლე და დასაქმდის“ ფარგლებში, დასაქმების 75%-იანი მაჩვენებელი გვაქვს - კახა კალაძე
17.07.2025.12:11
GCCA-მ ბავშვთა კვების ბაზარზე დაგეგმილ კონცენტრაციაზე თანხმობა გასცა - „გეფა" „ფაინ თრი ინთერნეიშენალის" 100%-იან წილს შეიძენს
17.07.2025.10:50
ნათია თურნავა ჩინეთის ტრანსსასაზღვრო ბანკთაშორისი გადახდების სისტემის პრეზიდენტს შეხვდა
17.07.2025.10:28
მსხვილი ამერიკული ბანკი The Bank of New York Mellon Corporation ქართულ საბანკო სექტორთან თანამშრომლობას აფართოებს
16.07.2025.14:46
