სემეკთან შეთანხმებით, მომდევნო 5 წელში გაზგამანაწილებელი კომპანიები ჯამში 300 მილიონ ლარზე მეტ ინვესტიციას განახორციელებენ
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე ბუნებრივი გაზის გამანაწილებელი კომპანიების - შპს „თბილისი ენერჯის“, შპს „სოკარ ჯორჯია გაზის“, სს „საქორგგაზის“, შპს „თელავგაზისა“ და შპს „ეს ჯი გაზ-კომპანის“ 2026-2030 წლების საინვესტიციო გეგმები შეითანხმა. ჯამში, კომპანიების მიერ მომდევნო 5 წლის განმავლობაში განსახორციელებელი ინვესტიციების მოცულობა 307,093,676 ლარს შეადგენს.
სემეკთან შეთანხმებული საინვესტიციო გეგმები მოიცავს მომსახურების ხარისხის გაუმჯობესების მიზნით, უსაფრთხო და უწყვეტი გაზმომარაგების უზრუნველსაყოფად განსახორციელებელ პროექტებს.
შპს „თბილისი ენერჯი“ 2026-2030 წლებში 92,781,057 ლარის ინვესტიციას განახორციელებს. კომისიასთან შეთანხმებული საინვესტიციო პროექტების ფარგლებში კომპანია უზრუნველყოფს ქ. თბილისში გამანაწილებელი ქსელის საიმედოობასთან, მდგრადობასა და ეფექტიან ოპერირებასთან დაკავშირებული სამუშაოების შესრულებას.
შპს „სოკარ ჯორჯია გაზი“ 2026-2030 წლებში 102,848,296 ლარის ინვესტიციას განახორციელებს, სს „საქორგგაზი“ – 105,756,241 ლარის, ხოლო შპს „თელავგაზი“ – 3,680,209 ლარის ინვესტიციას. საინვესტიციო პროექტები მოიცავს ქსელის საიმედოობასთან, მდგრადობასა და ეფექტიან ოპერირებასთან დაკავშირებულ სამუშაოებს. ამავე პერიოდისთვის შპს „ეს ჯი გაზ-კომპანის“ მიერ განხორციელდება 2,027,873 ლარის ინვესტიცია.
დღის ტოპ 10 სიახლე
სხვა სიახლეები
Wolt-ზე ქალთა და დედის დღის შეთავაზებები - 50%-მდე ფასდაკლებები 8 მარტამდე
03.03.2026.12:49
ქალთა და დედის დღესთან დაკავშირებით Wolt მომხმარებლებს სპეციალურ კამპანიას სთავაზობს, რომლის მიზანია სადღესასწაულო საყიდლები უფრო ხელმისაწვდომი გახდეს. 2 მარტიდან 8 მარტის ჩათვლით, პლატფორმაზე ხელმისაწვდომი იქნება 50%-მდე ფასდაკლება სხვადასხვა კატეგორიაში.
კამპანიის ფარგლებში მომხმარებელს დახვდება მრავალფეროვანი არჩევანი და სპეციალური შეთავაზებები ყვავილებზე, საჩუქრებზე, ტკბილეულზე, სილამაზისა და მოვლის პროდუქტებზე, ასევე, სხვა შესაბამის კატეგორიებზე, რომლებიც 3 და 8 მარტის აღსანიშნავად განსაკუთრებით მოთხოვნადია.
Wolt-ის მიზანია, ერთ სივრცეში გააერთიანოს ყველაფერი, რაც საყვარელი ადამიანებისთვის სასიამოვნო სიურპრიზის მოსაწყობად არის საჭირო, სწრაფი მიწოდებითა და კონკურენტული ფასებით. კამპანია შესაძლებლობას აძლევს მომხმარებლებს, წინასწარ დაგეგმონ საყიდლები და სასურველი პროდუქტები განსაკუთრებული პირობებით შეიძინონ.
სპეციალური შეთავაზებები ვრცელდება Wolt-ის აპლიკაციაში ხელმისაწვდომ პარტნიორ ობიექტებზე და მოქმედებს 2-დან 8 მარტის ჩათვლით.
Wolt აგრძელებს მომხმარებელზე ორიენტირებული სერვისების განვითარებას და სადღესასწაულო პერიოდშიც უზრუნველყოფს საჩუქრების სწრაფ, მარტივ და კომფორტულ შეძენას ერთ აპლიკაციაში.
საქართველოს ტექნიკური უნივერსიტეტის დელეგაცია სამუშაო ვიზიტით ლვივში Erasmus+ პროექტის, PROMENT-ის დასკვნით ღონისძიებაზე იმყოფებოდნენ
02.03.2026.14:05
GCCA მომხმარებლის უფლებების დაცვის მიმართულებით, მიმდინარე წლის 2 თვის სტატისტიკას აქვეყნებს - განცხადებების რაოდენობა 92 %-ით არის გაზრდილი
02.03.2026.11:18
