სემეკსა და მონღოლეთის ენერგეტიკის მარეგულირებელ კომისიას შორის მემორანდუმი გაფორმდა
საქართველოს ენერგეტიკისა და წყალმომარაგების მარეგულირებელ ეროვნულ კომისიასა (სემეკ) და მონღოლეთის ენერგეტიკის მარეგულირებელ კომისიას შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს სემეკის თავმჯდომარემ, დავით ნარმანიამ და მონღოლეთის მარეგულირებელი კომისიის თავმჯდომარემ.
მემორანდუმი ითვალისწინებს ენერგეტიკის საკითხებზე ინფორმაციის გაზიარებას, მხარეთა მიერ ორგანიზებულ ღონისძებებში მონაწილებას, დოკუმენტების, კვლევებისა და პუბლიკაციების გაცვლას.
მემორანდუმის გაფორმებასთან ერთად, სემეკში სამუშაო შეხვედრა გაიმართა, რომლის ფარგლებშიც სემეკის წარმოამდგენლებმა მონღოლ კოლეგებს გააცნეს საქართველოს ელექტროენერგეტიკის სექტორში რეფორმის მიმდინარეობა, გამანაწილებელი ქსელის განვითარებისა და ნორმატიული დანაკარგების გაანგარიშების საკითხები, სატარიფო რეგულირების პრინციპები და მომსახურების ხარისხის კონტროლის მექანიზმები, დანახარჯების მარეგულირებელი აუდიტი და ერთიანი საბუღალტრო-სააღრიცხვი სისტემა.
დღის ტოპ 10 სიახლე
სხვა სიახლეები
,,წითელი ხიდის“ მებაჟე ოფიცრებმა არადეკლარირებული ოქროს ნაკეთობების შემოტანის ფაქტი აღკვეთეს
16.12.2025.17:33
ფინანსთა სამინისტროს შემოსავლების სამსახურის საბაჟო გამშვები პუნქტი -,,წითელი ხიდის“, მებაჟე ოფიცრების მიერ, ეჭვის საფუძველზე, უცხო ქვეყნის მოქალაქის, როგორც ფიზიკური, ასევე მისი მართვის ქვეშ არსებული ავტომობილის დეტალური დათვალიერების შედეგად, არადეკლარირებული ოქროს საიუველირო ნაკეთობები (საერთო წონა - 165 გრამი) გამოვლინდა. სამართალდამრღვევი მოქალაქე, საბაჟო კონტროლის პროცედურების განხორციელებისას, შეეცადა პოლიეთილენის შეფუთვაში განთავსებული ძვირფასეულობა ავტომობილის სალონში მალულად განეთავსებინა. ინფორმაციას შემოსავლების სამსახური ავრცელებს.
არადეკლარირებული საქონლის საერთო საბაჟო ღირებულებამ 42 907 ლარი შეადგინა.
საქმის მასალები, შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა.
სემეკსა და მონღოლეთის ენერგეტიკის მარეგულირებელ კომისიას შორის მემორანდუმი გაფორმდა
16.12.2025.14:42
არასტანდარტული ვაშლის მოსავალი დაბინავებულია - ფერმერებმა 12 მლნ ლარი შემოსავალი მიიღეს
16.12.2025.10:10
ჩამორთმეულ მართვის მოწმობებზე იანვრიდან ფართომასშტაბიანი ამნისტია ცხადდება - დეტალები
16.12.2025.00:07
სივრცითი და ქალაქთმშენებლობითი განვითარების სააგენტოსა და საქართველოს ტურიზმის ასოციაციას შორის ურთიერთთანამშრომლობის მემორანდუმი გაფორმდა
15.12.2025.16:09
