სემეკის გადაწყვეტილებით, ელექტრომომარაგების გაუმჯობესებისათვის სს „თელასი“ და სს „ენერგო პრო ჯორჯია“ მომდევნო 5 წელში 2 მილიარდ ლარამდე ინვესტიციას განახორციელებენ
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე სს „თელასისა“ და სს „ენერგო პრო ჯორჯიას“ მიერ 2026-2030 წლებში განსახორციელებელი ინვესტიციები დაამტკიცა.
საჯარო სხდომაზე მიღებული გადაწყვეტილების შესაბამისად, საქართველოს მასშტაბით, ელექტრომომარაგების გაუმჯობესებისათვის, მომდევნო 5 წლის განმავლობაში სს „თელასი“ და სს „ენერგო პრო ჯორჯია“ ჯამში 1,964,369,002 ლარის ინვესტიციას განახორციელებენ.
სს „თელასი“ 2026-2030 წლებში 400,308,116 ლარის ინვესტიციას განახორციელებს, ხოლო სს „ენერგო პრო ჯორჯიას“ მიერ განხორციელდება 1,564,060,886 ლარის ინვესტიცია. საინვესტიციო გეგმები ითვალისწინებს სააბონენტო ქსელში ჭკვიანი მრიცხველების მოწყობას და სხვადასხვა პროექტებს, რომელთა განხორციელებაც აუცილებელია გამანაწილებელი ქსელების უსაფრთხო, უწყვეტი და საიმედო ელექტრომომარაგებისათვის.
დღის ტოპ 10 სიახლე
2 000-მდე მეორადი საბურავი - „თეგეტამ“ გიორგიწმინდის დასახლება საავტომობილო ნარჩენებისგან გაწმინდა
სხვა სიახლეები
ვირტუალური აქტივის სერვის პროვაიდერების პრუდენციული ზედამხედველობა მიმართულია მომხმარებელთა უფლებების დაცვის გამყარებისაკენ - ბექა დოჭვირი
12.12.2025.17:24
ვირტუალური აქტივის სერვის პროვაიდერების შემთხვევაში იზრდება საქართველოს ეროვნული ბანკის მანდატი. ეს ცვლილება მიმართულია მომხმარებელთა უფლებების დაცვის გამყარებისაკენ. ასევე, სებ-ს ექნება უფლებამოსილება, რომ სრული ზედამხედველობა განახორციელოს ვირტუალური აქტივის პროვაიდერებზე, რაც გულისხმობს პრუდენციულ ზედამხედველობას, - ამის შესახებ საქართველოს ეროვნული ბანკის აღმასრულებელმა დირექტორმა ბექა დოჭვირმა განაცხადა და აღნიშნა, რომ ქვეყნის ცენტრალური ბანკი ვირტუალური აქტივის პროვაიდერების რეგისტრაციას 2023 წლიდან ახორციელებს, ამ დროისთვის კი დაახლოებით 31 სუბიექტია რეგისტრირებული.
მისივე თქმით, ეს დარგი არის სწრაფად განვითარებადი და მომხმარებელთა უფლებები მეტად უნდა იყოს დაცული.
ეროვნული ბანკის ორგანულ კანონში შესული ცვლილებით, სებ-ს მიენიჭა უფლება ვირტუალური აქტივის მომსახურების პროვაიდერისაგან მოითხოვოს და მიიღოს ნებისმიერი სახის ინფორმაცია როგორც ადგილზე, ასევე დისტანციური შემოწმების ფარგლებში, დაადგინოს მინიმალური საზედამხედველო კაპიტალის ოდენობა და მისი გაანგარიშების წესი, კაპიტალის და აქტივების მიმართ მოთხოვნები, რისკების მართვის სტანდარტები, რისკების მართვის ჩარჩო და სხვა დამატებითი მოთხოვნები.
ბექა დოჭვირის განცხადებით, საქართველოში, ისევე როგორც გლობალურად, ვირტუალური აქტივის მომსახურების სფერო სწრაფად იცვლება და ვითარდება. ასევე ვითარდება ვირტუალური აქტივის მომსახურებები და იზრდება ამ მომსახურებების მომხმარებელთა რაოდენობაც, რაც ეროვნული ბანკის მხრიდან გაძლიერებულ ზედამხედველობას მოითხოვს.
