საქართველოში 2025 წლის მეოთხე კვარტალში 4887 კონცენტრაცია დარეგისტრირდა
წინასწარ შეტყობინებას დაქვემდებარებული კონცენტრაციების შესაძლო ფაქტების გამოვლენისა და მათზე რეაგირების მიზნით, GCCA-მა 2025 წლის მე-4 კვარტალში განხორციელებულ 3 კონცენტრაციასთან მიმართებით საქმის წარმოება დაიწყო.
აღნიშნულ პერიოდში ქვეყანაში 4887 კონცენტრაცია დარეგისტრირდა. 4873 შემთხვევა არ აკმაყოფილებდა წინასწარი შეტყობინების ვალდებულების წარმოშობისთვის აუცილებელ კრიტერიუმებს, ხოლო 14 შემთხვევა შეფასდა კონცენტრაციად და დააკმაყოფილა წინასწარი შეტყობინების ვალდებულების წარმოშობისათვის აუცილებელი კრიტერიუმი ერთობლივი წლიური შემოსავლის
ნაწილშიც.
აღნიშნული 14 შემთხვევიდან 11 მოექცა კონკურენციის კანონმდებლობით განსაზღვრულ გამონაკლისებში, რამაც ისინი სააგენტოსათვის წინასწარი შეტყობინების წარმოდგენის ვალდებულებისაგან გაათავისუფლა. რაც შეეხება დარჩენილ 3 შემთხვევას, იდენტიფიცირებული მონაცემების მიხედვით, სავარაუდოდ, ადგილი ჰქონდა კონცენტრაციის თაობაზე სააგენტოსთვის წინასწარი შეტყობინების ვალდებულებას. შესაბამისად, GCCA-მა აღნიშნულ სამ კონცენტრაციაზე საქმის წარმოება დაიწყო.
2025 წელს საქართველოში 23768 კონცენტრაცია დარეგისტრირდა, საიდანაც GCCA-სთან წინასწარ შეტყობინებას საჭიროებდა და შესაბამისად, თანხმობა გაიცა 18 კონცენტრაციაზე.
ინფორმაციას კონკურენციის და მომხმარებლის დაცვის სააგენტო ავრცელებს.
დღის ტოპ 10 სიახლე
სხვა სიახლეები
სეს-მა ყავაში მოხალული ბარდის გამოყენების და რეგისტრაციის გარეშე საქმიანობისთვის საწარმოს საქმიანობა შეუჩერა
20.01.2026.12:35
სურსათის ეროვნული სააგენტოს თბილისის დეპარტამენტის ინსპექტორებმა სახელმწიფო კონტროლის ფარგლებში ყავის საწარმოში - შპს „ტრეიდერი“ (მისამართი: ქ. თბილისი, ქვალონის №1, ს/კ 404505905) არაგეგმური ინსპექტირება განახორციელეს. ინფორმაციას სურსათის ეროვნული სააგენტო ავრცელებს.
ინსპექტირების შედეგად დადგინდა, რომ ბიზნესოპერატორი ეკონომიკურ საქმიანობათა რეესტრში რეგისტრაციის გარეშე ახორციელებდა ყავის წარმოებას (მოხალვა, დაფქვა, დაფასოება) დასახელებით „ვილა“ და „ვილა გოლდი“. აღნიშნული პროდუქციის წარმოებისას ნედლეულად, ყავის მარცვლებთან ერთად, გამოყენებული იყო მოხალული ბარდა. პროდუქცია იყიდებოდა მცირე სავაჭრო ობიექტებში.
შემოწმების პროცესში გამოვლინდა კრიტიკული შეუსაბამობები, მათ შორის ეტიკეტირების და მიკვლევადობის წესების დარღვევა. გამოვლენილი დარღვევების გამო ბიზნესოპერატორი დაჯარიმდა, ხოლო შეუსაბამობების სრულად აღმოფხვრამდე საწარმოო პროცესი შეუჩერდა.
გუდაური (ფოსტა) - კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა
20.01.2026.12:29
თბილისში და შემოერთებულ ტერიტორიებზე გზების ტექნიკური მარილით დამუშავება ინტენსიურ რეჟიმში გრძელდება
20.01.2026.10:40
ბიზნეს სექტორს სჭირდება ხარისხზე ორიენტირებული განათლებით მიღებული პროფესიონალები - მინისტრი
19.01.2026.22:20
