საქართველოს პრეზიდენტმა მიხეილ ყაველაშვილმა რომის პაპ ლეო XIV საქართველოში მოიწვია
საქართველოს პრეზიდენტმა მიხეილ ყაველაშვილმა რომის პაპ ლეო XIV საქართველოში მოიწვია
მიხეილ ყაველაშვილი რომის პაპ ლეო XIV-ს დღეს შეხვდა. პრეზიდენტმა კიდევ ერთხელ მიულოცა მის უწმინდესობას კათოლიკური ეკლესიის წინამძღვრად არჩევა და განაცხადა, მისი პონტიფიკატის დასაწყისი მთელი მსოფლიოსთვის მომავლის იმედის, სულიერი განახლებისა და ერთიანობის სიმბოლოა.
შეხვედრაზე მხარეებმა განიხილეს საქართველოსა და წმინდა საყდარს
შორის არსებული ურთიერთობა და თანამშრომლობის გაძლიერების პერსპექტივები. მიხეილ ყაველაშვილის თქმით, ქრისტიანულ ფასეულობებზე დაფუძნებული კავშირი მჭიდრო პარტნიორობის მნიშვნელოვანი საფუძველია.
პრეზიდენტმა რომის პაპს ასევე მადლობა გადაუხადა საქართველოს სუვერენიტეტისა და ტერიტორიული მთლიანობის მხარდაჭერისათვის.
თავის მხრივ, რომის პაპმა, ლეო XIV-მ საქართველოს პრეზიდენტთან საუბრისას ყურადღება გაამახვილა მსოფლიოში მშვიდობის დამყარების მნიშვნელობაზე და საქართველოსთან არსებული პარტნიორობის გაღრმავების მზაობა გამოხატა.
დღის ტოპ 10 სიახლე
სხვა სიახლეები
ნათია თურნავა საერთაშორისო სავალუტო ფონდის მისიას შეხვდა
10.12.2025.16:19
საქართველოს ეროვნული ბანკის პრეზიდენტი ნათია თურნავა საერთაშორისო სავალუტო ფონდის მისიას შეხვდა.
ნათია თურნავამ მისიის წევრებს, ალეხანდრო ჰაჟდენბერგის ხელმძღვანელობით, ქვეყნის მონეტარული პოლიტიკის და ფინანსური სტაბილურობის მიმართულებით ქვეყანაში არსებული მდგომარეობა გააცნო. მან ასევე ყურადღება გაამახვილა მაკროეკონომიკურ პერსპექტივებსა და რისკებზე.
მიმდინარე მისიის მიზანია, საერთაშორისო სავალუტო ფონდის მიერ საქართველოში არსებული მაკროეკონომიკური მდგომარეობის, ქვეყნის ფისკალური და მონეტარული პოლიტიკის განხილვა.
საერთაშორისო სავალუტო ფონდის წარმომადგენლებთან შეხვედრაზე მხარეებმა ტექნიკური დახმარების მიმართულებით სამომავლო თანამშრომლობის საკითხებიც განიხილეს.
ეროვნულ ბანკში გამართულ შეხვედრას ასევე ესწრებოდნენ ეროვნული ბანკის პირველი ვიცე-პრეზიდენტი ეკატერინე მიქაბაძე, ვიცე-პრეზიდენტები ეკატერინე გალდავა და ნინო ჯელაძე. სსფ-ის მუდმივი წარმომადგენელი საქართველოში ენდრიუ ჯუველი და სებ-ის მიმართულებების ხელმძღვანელები.
GCCA-მა ამანათების და ტვირთების ტრანსპორტირების 2-კომპანიას უსამართლო კომერციული საქმიანობის ფაქტი დაუდგინა
10.12.2025.12:37
თბილისის საბავშვო ბაღებში საახალწლო არდადეგები 30 დეკემბრიდან 15 იანვრამდე გაგრძელდება
10.12.2025.11:41
UNESCO-მ „ქართული ხორბლის კულტურა" მსოფლიოს არამატერიალური მემკვიდრეობის ნუსხაში შეიტანა
10.12.2025.10:53
კერძო უნივერსიტეტში ჩარიცხული სტუდენტებისათვის სახელმწიფო უნივერსიტეტში მობილობის განსახორციელებლად შეზღუდვები იარსებებს - ზვიად გაბისონია
09.12.2025.16:02
უაქციზო სიგარეტის რეალიზაციის მორიგი მცდელობა - საგამოძიებო სამსახურმა ფაქტზე ერთი პირი დააკავა
09.12.2025.10:17
აბიტურიენტებს სხვადასხვა ფაკულტეტის არჩევაზე შეზღუდვა არ ექნებათ - განათლების სამინისტრო
08.12.2025.23:23
