საერთაშორისო ვაჭრობაში ჩართული პირებისათვის NCTS-ის ახალ მოდულში რეგისტრაციის შესახებ სწავლება გაიმართა
ფინანსთა სამინისტროს აკადემიისა და შემოსავლების სამსახურის საბაჟო დეპარტამენტის მხარდაჭერით, საერთაშორისო ვაჭრობაში ჩართული პირებისათვის ახალი კომპიუტერიზებული სატრანზიტო სისტემის (NCTS) მოდულში რეგისტრაციის შესახებ სწავლება გაიმართა.
კურსის ფარგლებში, მსმენელებმა შეისწავლეს შემოსავლების სამსახურის ვებგვერდზე www.rs.ge არსებულ ერთიან სისტემაში დაშვების პირობები, მათ შორის ტრანზიტის დეკლარაციის შევსება და შესაბამისი განაცხადების წარდგენა, რაც გაცილებით გაამარტივებს ახალ პლატფორმაზე ორიენტირების პროცესს.
შეგახსენებთ, რომ 2025 წლის 1 თებერვლიდან, საქართველოში წარდგენილი ერთი დეკლარაციითა და ერთი გარანტიით, ევროკავშირისა და კონვენციის წევრი 36 სახელმწიფოს ტერიტორიაზე უკვე მარტივადაა შესაძლებელი საქონლის ტრანზიტული გადაადგილება.
აღსანიშნავია, რომ ერთიანი პრაქტიკის დანერგვისა და ამ სისტემის შეუფერხებლად მუშაობის უზრუნველსაყოფად, ფინანსთა სამინისტროს შემოსავლების სამსახურის საბაჟო დეპარტამენტში შეიქმნა ახალი სტრუქტურული ერთეული - საბაჟო ტრანზიტის სამმართველო, რომლის ფუნქციებში შედის NCTS-ის სისტემის გამართული მუშაობის უზრუნველყოფა და მომხმარებლისთვის ყველა სერვისის შეუფერხებელი მიწოდება.
დამატებითი ინფორმაცია და ხშირად დასმული კითხვები განთავსებულია შემოსავლების სამსახურის ვებგვერდზე
https://www.rs.ge/LegalEntityCustomsControl?cat=3&tab=1
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
GITA - ს კახეთის რეგიონული ტექნოპარკების ორგანიზებით, კახეთის რეგიონისთვის ყოველწლიური ინოვაციური სასკოლო კონკურსი ჩატარდა
16.05.2025.14:02
საქართველოს ინოვაციების და ტექნოლოგიების სააგენტოს კახეთის რეგიონული ტექნოპარკების ორგანიზებით, წინანდალში, ინოვაციური სასკოლო კონკურსის Tech Sparks-ის დემო დღე გაიმართა. კონკურსი 3 კვირის განმავლობაში მიმდინარეობდა ახმეტის, თელავისა და გურჯაანის ტექნოპარკებში. პროექტის მიზანია ახალგაზრდებში მეცნიერების, ინოვაციებისა და STEAM განათლების პოპულარიზაცია.
კონკურსში მონაწილეობას იღებდა კახეთის რეგიონის 32 საჯარო სკოლა. გუნდებმა ჟიურის წინაშე წარმოადგინეს მათ მიერ შექმნილი სტარტაპ პროექტები განათლების სფეროში არსებული გამოწვევების საპასუხოდ.
გამოვლინდა 2025 წლის ინოვაციური და ტექნოლოგიური სკოლა - ლაგოდეხის მუნიციპალიტეტის სოფელ ცოდნისკარის საჯარო სკოლა. გამარჯვებულ გუნდს კახეთის მხარეში სახელმწიფო რწმუნებულის ადმინისტრაციამ საჩუქრად გადასცა 3D პრინტერი, ხოლო თითოეულმა მუნიციპალიტეტმა რჩეულ გუნდებს სიმბოლური პრიზები უსახსოვრა.
სარფში მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტი აღკვეთეს
16.05.2025.12:53
დასავლეთ საქართველოში აზიური ფაროსანას მონიტორინგი და სპეციალური სადგურების დამონტაჟება მიმდინარეობს
16.05.2025.12:49
THE Crossroads-ის ხელშეწყობით Informa Connect Academy კავკასიის რეგიონში იწყებს ოპერირებას
16.05.2025.09:49
ურთიერთთანამშრომლობის მემორანდუმი ქ. თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურსა და GITA - ს შორის
15.05.2025.17:08
თინათინ ნიბლოშვილმა სახელმწიფო ენის სწავლებისა და ინტეგრაციის პროგრამის კურსდამთავრებულებს სერტიფიკატები გადასცა
15.05.2025.14:07
საბაჟო გამშვებ პუნქტებში დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს
15.05.2025.12:53
