რომის პაპი გარდაიცვალა

საზოგადოება

„რიყის დოქები“ არანაირად არ ჯდება ქალაქის ურბანულ განვითარებაში - კახა კალაძე

21.05.2025.14:33

მეც ასე ვფიქრობ, - ასე პასუხობს თბილისის მერი კახა კალაძე ჟურნალისტების კითხვას, პრემიერის მსგავსად ისიც სიმახინჯედ მიიჩნევს თუ არა „რიყის დოქებს“. კალაძემ თქვა, რომ „რიყის დოქები“ არანაირად არ ჯდება თბილისის ურბანულ განვითარებაში.

„არანაირად არ ჯდება ქალაქის ურბანულ განვითარებაში. არის უფუნქციო. არის ყველანაირად მოუწესრიგებელი. არის ნაგვის ბუდე და შესაბამისად საჭიროა კარგი პროექტის განხორციელება, რომელიც ურბანულადაც ლამაზად ჩაჯდება აღნიშნულ არეალში და იქნება ფუნქციონალური“, - ამბობს კალაძე.

კითხვაზე, „რიყის დოქების“ ადგილზე აშენდება თუ არა სასტუმრო, თბილისის მერი ამბობს, რომ შესაძლებელია, თუმცა ამ თემასაც შეთანხმება და გავლა სჭირდება.

„შეიძლება სასტუმროც, თუმცა გავივლით. აღნიშნული ზონა რაც არის, როგორ შეიძლება პარკში, სადაც რეკრეაციული ზონაა და ხალხი ისვენებს და სატყეო ზონაში ააშენო 9 სართულიანი კორპუსი. ძალიან დიდი ბოდიში ყველაფერს აქვს რაღაცა მნიშვნელობა.

რიყის პარკს რაც შეეხება უკვე დგას შენობა-ნაგებობა, უკვე აშენებულია. შესაბამისად მოხდება მისი დემონტაჟი და იგივე მოცულობის პროექტი განხორციელდება. შეიძლება იყოს სხვა ფორმით. ძალიან მარტივად. ჩვენ ხომ არ ვამბობთ, რომ ახალი ტერიტორია უნდა გამოიყოს და ის უნდა აშენდეს ახალი შენობა. აღნიშნული სიმახინჯის დემონტაჟი უნდა განხორციელდეს და მის ადგილზე, სადაც იდგა შენობა-ნაგებობა, იქ იგივე მოცულობის ახალი პროექტი გაკეთდეს“, - აცხადებს კალა კალაძე.