რა ეტაპზეა თბილისის ახალი ზოოპარკის მშენებლობის პროცესი
თბილისის ზღვის მიმდებარე ტერიტორიაზე ახალი ზოოპარკის მშენებლობა გრძელდება. ტერიტორიაზე მიმდინარეობს აფრიკის ვოლიერის მშენებლობა, სადაც სამომავლოდ სხვა ცხოველებთან ერთად ჟირაფების ჩამოყვანაც იგეგმება.
როგორც Business Insider Georgia-თან ზოოპარკის საზოგადოებასთან ურთიერთობის მენეჯერი მზია შარაშიძე აცხადებს, ვოლიერის მშენებლობა წელს დასრულება და ამის შემდეგ დაიწყება ჟირაფების მოძიება და ჩამოყვანა.
„თბილისის ზღვის მიმდებარე ტერიტორიაზე, ახალ ზოოპარკში მიმდინარეობს ე.წ. აფრიკის ვოლიერის მშენებლობა, რომელსაც ჩვენ „აფრიკის სავანა“ დავარქვით, რომელშიც თავმოყრილი იქნებიან აფრიკაში გავრცელებული სახეობები. ამჟამად დასრულებულია მხოლოდ დახურული ვოლიერის მშენებლობა, სადაც გათვალისწინებულია ჟირაფების სივრცეც. უბრალოდ ფინანსური და ტექნიკური პრობლემების გამო გასულ წელს ვოლიერის მშენებლობის დასრულება ვერ შევძელით, მაგრამ იმედი გვაქვს, წელს მოხერხდება, რომ სრულყოფილი სახე მივცეთ. მხოლოდ ვოლიერის მშენებლობის დასრულების შემდეგ დავიწყებთ მუშაობას ჟირაფების მოძიებაზე და ჩამოყვანაზე“, - განმარტავს მზია შარაშიძე.
მისი თქმით, მას შემდეგ რაც ვოლიერის მშენებლობა დასრულდება დაიწყება მოძიება და ამის შემდეგ განხორციელდება მათი ტრანსპორტირება.
„აფრიკის სავანაში“ იქნება ასევე ჰიპოპოტამის ვოლიერი. დახურულ სივრცეში არის ჰიპოპოტამის დახურული აუზი და გარე სივრცეშიც გათვალისწინებულია დიდი ტბორი. გარდა ამისა იქნებიან სხვადასხვა სახეობის ანტილოპები და აფრიკის წვრილი ცხოველები“, - აცხადებს მზია შარაშიძე.
ცნობისათვის, თბილისის ზოოპარკის ისტორია 1927 წლის 10 თებერვლიდან იწყება და ის კავკასიის ცხოველთა სააკლიმატიზაციო საზოგადოების ბაზაზე დაარსდა. საზოგადოება XX საუკუნის დასაწყისიდან ინახავდა ველურ ცხოველებს, თუმცა ზოოპარკის სტატუსი არ ჰქონდა.
ახლად დაარსებულ ზოოპარკს ქალაქის შემოგარენში, მდინარე ვერეს ხეობაში, 70 ჰექტარი ფართობი გამოეყო. ადგილმდებარეობა კარგად იყო შერჩეული – საუკეთესო მიკროკლიმატი იდეალურ პირობებს ქმნიდა ცხოველებისთვის.
რაც შეეხება ახალ ზოოპარკს მისი მშენებლობა 2016 წელს დაიწყო. ტერიტორია ბიოგეოგრაფიული ზონირების შესაბამისად დაიყოფა: ევროპა და კავკასია, აფრიკის სავანა, ცენტრალური აზიის სტეპი და მთიანეთი, ტროპიკული აზია, ავსტრალია, სამხრეთ და ჩრდილოეთ ამერიკა. ახალი ზოოპარკის პირველი ვოლიერები გერმანიის მთავრობის დაფინანსებით აშენდა.
ახალი ზოოპარკის მშენებლობის დასრულებამდე ცხოველების მონახულება ძველ ზოოპარკშია შესაძლებელი.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
2025 წლის აპრილის თვის მონაცემებით, უაქციზო თამბაქოს ნაწარმის მართლსაწინააღმდეგო შენახვა-რეალიზაციის 69 ფაქტი გამოვლინდა
16.05.2025.17:30
მიმდინარე წლის აპრილის თვის მონაცემებით, ფინანსთა სამინისტროს შემოსავლების სამსახურის საგადასახადო მონიტორინგის დეპარტამენტის თანამშრომლებმა, ქვეყნის მასშტაბით განხორციელებული კონტროლის ღონისძიებების შედეგად, 20 487 კოლოფი სიგარეტის მართლსაწინააღმდეგო შენახვა-რეალიზაციის 69 ფაქტი გამოავლინეს. აქციზური მარკის გარეშე ამოღებულმა თამბაქოს ნაწარმის საერთო ღირებულებამ 100 000 ლარს გადააჭარბა.
50 ფაქტზე, სამართალდამრღვევი პირების მიმართ საქართველოს ადმინისტრაციულ სამართალდარღვევათა კოდექსის 1552 მუხლის შესაბამისად, შედგა ადმინისტრაციული სამართალდარღვევის ოქმები და საქმის მასალები ქვემდებარეობის მიხედვით სასამართლოს გადაეგზავნა.
5 შემთხვევის მიმართ, საქმის მასალები საქართველოს საგადასახადო კოდექსის 271-ე მუხლის მე-7 ნაწილის შესაბამისად, ფინანსთა სამინისტროს საგამოძიებო სამსახურს გადაეცა.
შემოსავლების სამსახური შეგახსენებთ, რომ საქართველოს საგადსახადო კოდექსის 192-ე მუხლის შესაბამისად თამბაქოს ნაწარმი ექვემდებარება აქციზური მარკებით სავალდებულო ნიშანდებას და აღნიშნული პროცესი, უწყების მიერ მკაცრ მონიტორინგს ექვემდებარება.
ყაზბეგის საბაჟო გამშვები პუნქტის მებაჟე ოფიცრებმა გადაშენების საფრთხის წინაშე მყოფი 56 ცალი კუ და 13 ცალი თუთიყუში აღმოაჩინეს
16.05.2025.16:32
კახეთში 1200 ჰექტარამდე სასოფლო-სამეურნეო მიწის ფართობზე სარწყავი წყლის მიწოდება გაუმჯობესდება
16.05.2025.15:18
GITA - ს კახეთის რეგიონული ტექნოპარკების ორგანიზებით, კახეთის რეგიონისთვის ყოველწლიური ინოვაციური სასკოლო კონკურსი ჩატარდა
16.05.2025.14:02
სარფში მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტი აღკვეთეს
16.05.2025.12:53
დასავლეთ საქართველოში აზიური ფაროსანას მონიტორინგი და სპეციალური სადგურების დამონტაჟება მიმდინარეობს
16.05.2025.12:49
THE Crossroads-ის ხელშეწყობით Informa Connect Academy კავკასიის რეგიონში იწყებს ოპერირებას
16.05.2025.09:49
ურთიერთთანამშრომლობის მემორანდუმი ქ. თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურსა და GITA - ს შორის
15.05.2025.17:08
თინათინ ნიბლოშვილმა სახელმწიფო ენის სწავლებისა და ინტეგრაციის პროგრამის კურსდამთავრებულებს სერტიფიკატები გადასცა
15.05.2025.14:07
