რა ვითარებაა საავტომობილო გზებზე
ზვავსაშიშროების საფრთხე გუდაური-კობის მონაკვეთზე ისევ მაღალია, აკრძალულია ყველა სახის საგზაო მოძრაობა. ასევე, ზვავსაშიშროების, ძლიერი თოვის, ცუდი ხილვადობისა და ქარბუქის გამო ყველა სახის ავტოტრანსპორტის მოძრაობა დროებით შეზღუდულია კიდევ რამდენიმე მუნიციპალიტეტში შიდა სახელმწიფოებრივი მნიშვნელობის გზებზე.
„უხვი ნალექისა და დიდთოვლობის გამო გზებზე სხვადასხვა მიმართულებით დაწესებულია მოძრაობის სპეციალური რეჟიმები. 24-საათიან რეჟიმში გრძელდება გაწმენდითი სამუშაოები და ტარდება ყველა სახის საჭირო ღონისძიება. ზვავსაშიშროების გამო შეზღუდულია ყველა სახის ავტოტრანსპორტისთვის მოძრაობა გუდაური-ფოსტა-კობის მონაკვეთზე. ასევე ყველა სახის ავტოტრანსპორტისთვის მოძრაობა აკრძალულია ნიჩბისი-დიდგორი-დიდი თონეთის საავტომობილო გზაზე, ფარავნის უღელტეხილზე, ბათუმი-ახალციხის გზის კურორტი გოდერძი-უტყისუბნის მონაკვეთზე, კალა-უშგულისა და მელე-ლასდილის მონაკვეთზე.
უახლოეს საათებში ველოდებით მისაბმელიანი ავტოტრანსპორტის შეზღუდვის მოხსნას თბილისი-სენაკი-ლესელიძის საავტომობილო გზის მიმართულებით. მისაბმელიან ავტოტრანსპორტზე გადაადგილების შეზღუდვა ნარჩუნდება გომი-საჩხერე-ჭიათურა-ზესტაფონის საავტომობილო გზაზე, კოდა-ფარცხისი-მანგლისი-წალკა-ნინოწმინდის გზაზე, ახალციხე-ნინოწმინდისა და ახალქალაქი-კარწახის გზებზე, საჩხერე-ონის გზაზე, ნაქერალას უღელტეხილზე“, - განაცხადა საავტომობილო გზების დეპარტამენტის თავმჯდომარის მოადგილემ გიორგი ორმოცაძემ.
დღის ტოპ 10 სიახლე
სხვა სიახლეები
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი - გარემოს ეროვნული სააგენტო
03.04.2026.13:30
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი, - აღნიშნულია გარემოს ეროვნული სააგენტოს განცხადებაში.
„3 აპრილის დღის ბოლოდან 5 აპრილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი და ქარის გაძლიერება. 5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი.
მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო)“, - აღნიშნულია განცხადებაში.
რთველის სამზადისი წელს ადრე დავიწყეთ, რაც მოგვცემს შესაძლებლობას პროცესი უფრო ორგანიზებულად წარიმართოს - ლევან მეხუზლა
03.04.2026.10:46
აჭარის ფინანსთა და ეკონომიკის მინისტრი ედნარ ნატარიძე ფორუმს თემაზე „პროფესიული განათლება და ბიზნესი-თანამშრომლობა რეგიონული განვითარებისათვის“ დაესწრო
03.04.2026.09:45
აუტიზმის შესახებ ცნობადობის ამაღლების საერთაშორისო დღესთან დაკავშირებით ბექა მიქაუტაძე ბავშვთა და მოზარდთა ცენტრ „პროსპეროს“ ესტუმრა
02.04.2026.15:37
უშუალოდ ბაგა-ბაღის ჭიშკრის წინ არ უნდა მოხდეს ცხოველის დატოვება, თუმცა ეს არ ზღუდავს ახლო ტერიტორიაზე მის დაბრუნებას - ლაშა ავალიანი
02.04.2026.14:48
