ქართული ღვინის მასშტაბური წარდგენა იაპონიის სამ ქალაქში გაიმართება
იაპონიის ქალაქებში - საპორო, სენდაი და ტოკიო, 7-13 აპრილს ქართული ღვინის დეგუსტაციები და სემინარები, ე.წ. „Road Show“ გაიმართება. ინფორმაციას ღვინის ეროვნული სააგენტო ავრცელებს.
აღნიშნული ღონისძიებები ქართული ღვინის მწარმოებელ კომპანიებს უნიკალურ შესაძლებლობას აძლევს, ერთ სივრცეში შეხვდნენ პოტენციურ იმპორტიორებს, დისტრიბუტორებს, HoReCa სექტორის წარმომადგენლებს და ღვინის ექსპერტებს.
მსგავსი საერთაშორისო პლატფორმები კომპანიებს საშუალებას აძლევს, წარადგინონ საკუთარი პროდუქცია და იაპონელ მომხმარებლებს გააცნონ ქართული ღვინის მრავალსაუკუნოვანი ისტორია, უნიკალური ყურძნის ჯიშები და მეღვინეობის ტრადიციები, რომლებიც მსოფლიო კულტურული მემკვიდრეობის მნიშვნელოვან ნაწილს წარმოადგენს.
იაპონია ქართული ღვინის ერთ-ერთ სტრატეგიულ საექსპორტო ბაზარს წარმოადგენს. 2025 წელს აღნიშნულ ბაზარზე ექსპორტირებული იყო 200 ათას ლიტრამდე ქართული ღვინო, რაც 42%-ით აღემატება 2024 წლის ანალოგიურ მაჩვენებელს.
იაპონიის ბაზარი გამოირჩევა მაღალი ხარისხის პროდუქციისადმი განსაკუთრებული მოთხოვნით და ავთენტური, განსხვავებული გემოებისადმი მზარდი ინტერესით. სწორედ ამ კონტექსტში ქართული ღვინო, თავისი მრავალფეროვანი გემოებით და ტრადიციული წარმოების მეთოდებით, მნიშვნელოვან კონკურენტულ უპირატესობას იძენს.
დღის ტოპ 10 სიახლე
სხვა სიახლეები
ეროვნულ ბანკში საერთაშორისო სავალუტო ფონდის მისიის პრესკონფერენცია იმართება
07.04.2026.12:40
საქართველოს ეროვნულ ბანკში საერთაშორისო სავალუტო ფონდის მისიის პრესკონფერენცია იმართება. პრესკონფერენციას საერთაშორისო სავალუტო ფონდის მისიის ხელმძღვანელი ალეხანდრო ჰაჟდენბერგი, ეროვნული ბანკის პრეზიდენტთან ნათია თურნავასთან და საქართველოს ფინანსთა მინისტრთან ლაშა ხუციშვილთან ერთად ატარებს.
კულტურა არის ბიზნესის და ეკონომიკის წინსვლის ერთ-ერთი მამოძრავებელი ძალა - თინათინ რუხაძე
07.04.2026.07:56
დიდ ძალისხმევას ვდებთ იმაში, რომ ჩვენი ტრადიციული ხელოვნება და კულტურა განვითარდეს და ესეც ბიზნესის ნაწილია - თინათინ რუხაძე
06.04.2026.22:01
კინო კულტურის ერთ-ერთი ისეთი ინდუსტრიაა, რომელიც მაღალი შემოსავლიანობითა და ეკონომიკური მაჩვენებლებით გამოირჩევა - თინათინ რუხაძე
06.04.2026.22:00
