პრემიერის შეფასება Business Insider Georgia-ს კითხვებზე საინვესტიციო გარემოსა და ლარის კურსის შესახებ

საზოგადოება

საინტერესო შეთანხმებებს მივაღწიეთ სინგაპურში გამართულ შეხვედრებზე, ვფიქრობთ, ძალიან მალე ქართული სტარტაპ ეკოსისტემა ისარგებლებს იმ ძალიან საინტერესო მექანიზმებით, რომლებიც კიდევ უფრო დაეხმარება სტარტაპ კომპანიებს გაფართოებასა და ჩვენს ქვეყანაში ინვესტიციების მოზიდვაში - ავთანდილ კასრაძე

26.10.2026.15:02

„ჩვენი მთავარი ამოცანაა, სინგაპურის მხარესთან ერთად შევთანხმდეთ იმ კონკრეტულ გზებზე, რომელიც ქართულ სტარტაპ კომპანიებს სინგაპურის ბაზარზე გაფართოებაში, დამკვიდრებასა და აქაური ინვესტიციების მოზიდვაში დაეხმარება“ - განაცხადა ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარემ ავთანდილ კასრაძემ, რომელიც სინგაპურის უმსხვილეს ტექნოლოგიურ ფორუმში SWITCH 2026-ში მონაწილეობს.

ფორუმის ფარგლებში, ავთანდილ კასრაძემ, საქართველოს ეკონომიკისა და მდგრადი განვითარების მინისტრის მოადგილე ირაკლი ნადარეიშვილთან ერთად, შეხვედრები გამართა სინგაპურის ციფრული განვითარებისა და ინფორმაციის სამინისტროსა და სააგენტოში Enterprise Singapore.

ავთანდილ კასრაძის თქმით, ინოვაციებისა და ტექნოლოგიების კვირეულში მონაწილეობა ქართული სტარტაპ ეკოსისტემის განვითარებისთვის განსაკუთრებით მნიშვნელოვანია. ის ყურადღებას ამახვილებს სინგაპურის ბაზრის როლზე ქართული სტარტაპებისთვის და აღნიშნავს, რომ სინგაპური ქართული სტარტაპების გაფართოებისთვის სამხრეთ - აღმოსავლეთ აზიაში ერთგვარი კარიბჭეა.

„საინტერესო შეთანხმებებს მივაღწიეთ სინგაპურში გამართულ შეხვედრებზე, ვფიქრობთ, ძალიან მალე ქართული სტარტაპ ეკოსისტემა ისარგებლებს იმ ძალიან საინტერესო მექანიზმებით, რომლებიც კიდევ უფრო დაეხმარება სტარტაპ კომპანიებს გაფართოებასა და ჩვენს ქვეყანაში ინვესტიციების მოზიდვაში“, - აღნიშნა სააგენტოს თავმჯდომარემ.