ონის მუნიციპალიტეტის სივრცის დაგეგმარების, ქალაქ ონისა და სოფელ ღების განაშენიანების გეგმების შემუშავების პროცესში ჩატარებული კვლევითი სამუშაოების შედეგები სივრცითი და ქალაქთმშენებლობითი განვითარების სააგენტოს ორგანიზებულ შეხვედრაზე განიხილეს
ონის მუნიციპალიტეტის სივრცის დაგეგმარების, ქალაქ ონისა და სოფელ ღების განაშენიანების გეგმების შემუშავების პროცესში ჩატარებული კვლევითი სამუშაოების შედეგები სივრცითი და ქალაქთმშენებლობითი განვითარების სააგენტოს ორგანიზებულ შეხვედრაზე განიხილეს. სამუშაო შეხვედრა ონის მუნიციპალიტეტში სააგენტოს სივრცითი დეპარტამენტის, პროექტზე მომუშავე საერთაშორისო კომპანიის ექსპერტების, ონის მუნიციპალიტეტის მერისა და ადგილობრივი თემების წარმომადგენლების მონაწილეობით შედგა.
კვლევის შედეგებზე დაყრდნობით, საცხოვრებელი გარემოს გაუმჯობესების და ეკონომიკური განვითარების შესაძლებლობებზე იმსჯელეს. ასევე, საუბარი შეეხო, მუნიციპალიტეტში არსებულ გამოწვევებს. აღინიშნა, რომ გეგმარების პროცესი გაითვალისწინებს და შეაჯერებს მთიან რეგიონში არსებულ ინტერესებს, ონის კულტურული და ლანდშაფტური მემკვიდრეობის, ბუნებრივი რესურსების შენარჩუნებისა და კლიმატის ცვლილების ფაქტორებს. ამასთან, გეგმა წარმოადგენს მდგრადი დაგეგმვისა და განხორციელების მექანიზმებს.
პროექტს სივრცითი და ქალაქთმშენებლობითი განვითარების სააგენტო, აზიის განვითარების ბანკის (ADB) მხარდაჭერით ახორციელებს. კონსორციუმის ლიდერია იტალიური კომპანია “JV between Keios Srl”, მისი თანაპარტნიორი კი “CMC LLC” (საქართველო) ხოლო ქვეკონსულტანტი “Adapt 40” (დიდი ბრიტანეთი).
დღის ტოპ 10 სიახლე
სხვა სიახლეები
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი - გარემოს ეროვნული სააგენტო
03.04.2026.13:30
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი, - აღნიშნულია გარემოს ეროვნული სააგენტოს განცხადებაში.
„3 აპრილის დღის ბოლოდან 5 აპრილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი და ქარის გაძლიერება. 5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი.
მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო)“, - აღნიშნულია განცხადებაში.
რთველის სამზადისი წელს ადრე დავიწყეთ, რაც მოგვცემს შესაძლებლობას პროცესი უფრო ორგანიზებულად წარიმართოს - ლევან მეხუზლა
03.04.2026.10:46
აჭარის ფინანსთა და ეკონომიკის მინისტრი ედნარ ნატარიძე ფორუმს თემაზე „პროფესიული განათლება და ბიზნესი-თანამშრომლობა რეგიონული განვითარებისათვის“ დაესწრო
03.04.2026.09:45
აუტიზმის შესახებ ცნობადობის ამაღლების საერთაშორისო დღესთან დაკავშირებით ბექა მიქაუტაძე ბავშვთა და მოზარდთა ცენტრ „პროსპეროს“ ესტუმრა
02.04.2026.15:37
უშუალოდ ბაგა-ბაღის ჭიშკრის წინ არ უნდა მოხდეს ცხოველის დატოვება, თუმცა ეს არ ზღუდავს ახლო ტერიტორიაზე მის დაბრუნებას - ლაშა ავალიანი
02.04.2026.14:48
