ნაყინის ნიმუშებში შეუსაბამობები არ გამოვლინდა - სეს
სურსათის ეროვნული სააგენტო, ზაფხულში გაზრდილი მოთხოვნის გათვალისწინებით, ნაყინის საწარმოებსა და სარეალიზაციო ობიექტებს აქტიურად ამოწმებს.
ინსპექტირების ფარგლებში მოწმდება წარმოების, რეალიზაციისა და შენახვის პირობები, სანიტარიულ-ჰიგიენური ნორმები, ვადები და ტემპერატურული რეჟიმი.
ამავდროულად, მონიტორინგის პროგრამით, სალმონელაზე, ლისტერიასა და ტრანსცხიმებზე კვლევის მიზნით, სააგენტოს ინსპექტორები სხვადასხვა სახეობის ადგილობრივი და იმპორტირებული ნაყინის ნიმუშს მთელი საქართველოს მასშტაბით იღებენ. აღნიშნულ მაჩვენებლებზე აკრედიტებულ ლაბორატორიაში უკვე გამოკვლეულია ნაყინის 100-მდე ნიმუში, ყველა მათგანი შესაბამისობაშია კანონმდებლობით დადგენილ ნორმებთან. მიმდინარე წელს ნაყინის კიდევ 60 ნიმუშის აღებაა დაგეგმილი.
დღის ტოპ 10 სიახლე
სხვა სიახლეები
სივრცითი და ქალაქთმშენებლობითი განვითარების სააგენტოს შესაძლებლობების განვითარების პროგრამის ფარგლებში, საპროექტო კომპანიებთან და ადგილობრივი თვითმმართველობების წარმომადგენელთან შეხვედრა გაიმართა
04.07.2025.17:54
სივრცითი და ქალაქთმშენებლობითი განვითარების სააგენტოს შესაძლებლობების განვითარების პროგრამის (CapDev) ფარგლებში, სააგენტოს, საპროექტო კომპანიების და ადგილობრივი თვითმმართველობების წარმომადგენელთა ერთობლივი შეხვედრა გაიმართა.
გერმანელმა სპეციალისტებმა სააგენტოს, საპროექტო კომპანიების და ადგილობრივი თვითმმართველობების წარმომადგენლებთან ერთად ინსტიტუციურ, ტექნოლოგიურ და მეთოდოლოგიურ გადაწყვეტებზე იმსჯელეს. განიხილეს უწყებებს შორის არსებული კოორდინაცია და გაუმჯობესების გზები, ასევე ინსტიტუციურ დონეებს შორის ეფექტიანი თანამშრომლობის მთავარი გამოწვევები და კოორდინაციის გაუმჯობესებისთვის საერთო პრიორიტეტები განსაზღვრეს.
სამუშაო შეხვედრა მიზნად ისახავდა საქართველოში სივრცითი დაგეგმარებისა და ქალაქთმშენებლობითი დაგეგმვის სისტემაში როლების, გამოწვევებისა და შესაძლებლობების ერთობლივი აღქმის ხელშეწყობას.
პროექტი, „საცხოვრებლად ვარგისი ქალაქების საინვესტიციო პროგრამის (LCIP)“ ფარგლებში, აზიის განვითარების ბანკის (ADB) მხარდაჭერით ხორციელდება. სამუშაო პროცესს საკონსულტაციო კომპანია „Thomas Stellmach Planning and Architecture” წარმართავს.
მაგისტრალებთან სავაჭრო ობიექტების უკანონო განთავსებაზე ჩვენი მიდგომა იქნება მკაცრი - რევაზ სოხაძე
04.07.2025.15:50
გლდანის რაიონის გამგეობამ 6 თვის განმავლობაში 7 142 787 ლარის ღირებულების ინფრასტრუქტურული პროექტები განახორციელა
04.07.2025.13:32
UAG-ის თანამშრომლებს საგანგებო ვითარების დროს უსაფრთხოების შესახებ თეორიული და პრაქტიკულის წავლება ჩაუტარდათ
04.07.2025.12:17
საქართველომ UNFCCC-ის სამდივნოს პირველივე ორწლიური გამჭვირვალობის ანგარიში (1BTR) და მეხუთე ეროვნული შეტყობინება (5NC) წარუდგინა
03.07.2025.12:23
