მატარებლის მემანქანის ჯანმრთელობის მდგომარეობის შესახებ ცნობის გაცემის უფლებამოსილების მქონე სამედიცინო დაწესებულების აღიარების პროცესი იწყება
სარკინიგზო ტრანსპორტის სააგენტო მატარებლის მემანქანის ჯანმრთელობის მდგომარეობის შესახებ ცნობის (ფორმა №IV-100/ა) გაცემის უფლებამოსილების მქონე სამედიცინო დაწესებულების აღიარების პროცესს იწყებს.
2026 წლის 1 იანვრიდან მატარებლის მემანქანეთა მართვის მოწმობის მისაღებად, აგრეთვე, მოქმედი მატარებლის მემანქანეთა პერიოდული სამედიცინო შემოწმების შედეგად ჯანმრთელობის მდგომარეობის შესახებ ცნობის (ფორმა №IV-100/ა) გაცემის უფლებამოსილება ექნება მხოლოდ სააგენტოს მიერ აღიარებულ სამედიცინო დაწესებულებასა და მის უფლებამოსილ ექიმს.
ცვლილებების მიზანია მატარებლის მემანქანეთა ჯანმრთელობის მდგომარეობის შეფასების ერთიანი და სრულყოფილი სისტემის ჩამოყალიბება, მატარებლის მემანქანეთა ჯანმრთელობის მდგომარეობის შეფასებაში საერთაშორისოდ აღიარებული სტანდარტებისა და მოთხოვნების დანერგვა და იმ სამედიცინო დაწესებულების რეესტრში აღრიცხვა, რომელიც უფლებამოსილი იქნება, შეაფასოს მემანქანის ჯანმრთელობის მდგომარეობა და გასცეს ჯანმრთელობის ცნობა.
შესაბამისი საკანონმდებლო ცვლილებების საფუძველზე განისაზღვრა სამედიცინო დაწესებულებისა და მისი უფლებამოსილი ექიმის აღიარების პირობები. უფლებამოსილების მქონე სამედიცინო დაწესებულებისა და მისი უფლებამოსილი ექიმის აღიარების თაობაზე გადაწყვეტილება მიიღება სააგენტოს მიერ, წარმოდგენილი განცხადებისა და თანდართული დოკუმენტაციის, განხილვისა და შეფასების საფუძველზე.
დეტალური ინფორმაციისთვის ეწვიეთ სააგენტოს ვებგვერდს:
https://www.rta.gov.ge/safety/train-drivers
სხვა სიახლეები
სარფის მებაჟე ოფიცრებმა დიდი ოდენობით არადეკლარირებული ოქროს ნაკეთობების შემოტანის ფაქტები აღკვეთეს
10.09.2025.15:24
ფინანსთა სამინისტროს შემოსავლების სამსახურის საბაჟო გამშვებ პუნქტში ,,სარფი", კანონდარღვევის 3 ფაქტი აღიკვეთა. კერძოდ, მებაჟე ოფიცრებმა ეჭვის საფუძველზე, საქართველოსა და უცხო ქვეყნის მოქალაქეების, როგორც ფიზიკური ასევე კუთვნილი ბარგის დეტალური დათვალიერების შედეგად, ჯამში 194 გრამი არადეკლარირებული ოქროს საიუველირო ნაკეთობები და მონეტები აღმოაჩინეს.
არადეკლარირებული საქონლის საერთო საბაჟო ღირებულებამ 40 030 ლარი შეადგინა.
კანონდამრღვევი ერთი მოქალაქის საქმის მასალები შემდგომი რეაგირების მიზნით, ფინანსთა სამინისტროს საგამოძიებო სამსახურს გადაეცა, ხოლო კანონდამრღვევი 2 მოქალაქე საბაჟო კოდექსის 168-ე მუხლის I ნაწილის შესაბამისად, ჯამში 21 433 ლარით დაჯარიმდა.
მიმდინარე წლის ოთხ თვეში საქართველოდან 31.9 მლნ აშშ დოლარის ღირებულების ატმისა და ვაშლატამას ექსპორტი განხორციელდა
10.09.2025.12:12
რიგის მიმართულებით წარმატებით შესრულდა ორი სუბსიდირებული ჩარტერი, რომელზეც ბილეთები სრულად გაიყიდა - ლევან მოსეშვილი
10.09.2025.12:06
მატარებლის მემანქანის ჯანმრთელობის მდგომარეობის შესახებ ცნობის გაცემის უფლებამოსილების მქონე სამედიცინო დაწესებულების აღიარების პროცესი იწყება
10.09.2025.11:38
მცხეთა–სტეფანწმინდა–ლარსის გზის 109-ე კმ-ზე ავტოტრანსპორტის მოძრაობა დროებით შეზღუდულია
10.09.2025.10:09
