ყოველწლიურად, 6-7%-ით იზრდება ავტომობილების იმპორტი, 2012 წელს დაახლოებით 180 ათასი ავტომობილი გადაადგილდებოდა დედაქალაქში, დღეის მდგომარეობით პიკის საათში დაფიქსირებულია 670 ათასი - კახა კალაძე
სატრანსპორტო პოლიტიკა ერთ-ერთი სერიოზული გამოწვევაა. ძალიან იმატებს ავტომობილების რაოდენობა. ყოველწლიურად, 6-7 პროცენტით იზრდება ავტომობილების იმპორტი, - განაცხადა თბილისის მერმა, პარტია „ქართული ოცნების“ გენერალურმა მდივანმა კახა კალაძემ.
„2012 წელს დაახლოებით 180 ათასი ავტომობილი გადაადგილდებოდა დედაქალაქში, დღეის მდგომარეობით პიკის საათში დაფიქსირებულია 670 ათასი ავტომობილი. ეს ძალიან დიდი ციფრია, რომელიც მზარდია. ქვეყნის ეკონომიკურ ზრდასთან ერთად ავტომობილების რაოდენობა კიდევ გაიზრდება და თუ ჩვენ მომზადებული არ დავხვდით, თუ არ მოხდა საზოგადოებრივი ტრანსპორტის განვითარება, თუ კიდევ უფრო ხელმისაწვდომი არ გახდა საზოგადოებრივი ტრანსპორტი, რა თქმა უნდა ძალიან მძიმე და რთული სიტუაცია იქნება.
საუკეთესო მაგალითები და მიდგომები რაც აქვთ სხვადასხვა განვითარებულ ქვეყნებში ამ პრობლემების წინააღმდეგ, როგორიც არის საცობი, ავტომობილების რაოდენობა, ეტაპობრივად ჩვენც გადმოგვაქვს, ვაკეთებთ და ვახორციელებთ იგივე პროექტებს. ცხადია, არის ისეთი გადაწყვეტილებები, რომლებიც შეიძლება მტკივნეული იყოს, მაგრამ ამას ასე უცებ ვერ ვაკეთებთ, ამას გარკვეული დრო სჭირდება. კონკრეტული კვანძების მოწესრიგება პრიორიტეტულია. ლაგუნა ვერეს ტერიტორიაზე უმძიმესი მდგომარეობა იყო, დღეს ყველანაირად მოწესრიგებულია“, - აღნიშნა კახა კალაძემ.
დღის ტოპ 10 სიახლე
სხვა სიახლეები
ჩატარდა ძალიან საქმიანი შეხვედრა, ვისაუბრეთ სხვადასხვა თემაზე, გავშალეთ ციფრები, მიზეზ-შედეგობრივი კავშირები - Retail Association-ის აღმასრულებელი დირექტორი სამთავრობო საკოორდინაციო კომისიის სხდომაზე
21.01.2026.17:27
ჩატარდა ძალიან საქმიანი შეხვედრა, ვისაუბრეთ სხვადასხვა თემაზე, გავშალეთ ციფრები, მიზეზ-შედეგობრივი კავშირები, - განუცხადა ჟურნალისტებს Retail Association-ის აღმასრულებელმა დირექტორმა სოფიკო ქაშაკაშვილმა სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომის დასრულების შემდეგ.
მისი თქმით, გაჟღერდა, რომ აუცილებლად უნდა წახალისდეს ადგილობრივი წარმოება და სახელმწიფო, თავისი მხრივ მზად არის, რომ ამაში მონაწილეობა მიიღოს.
„ჩატარდა ძალიან საქმიანი შეხვედრა, ვისაუბრეთ სხვადასხვა თემაზე. გავშალეთ ციფრები, მიზეზ-შედეგობრივი კავშირები. ყველა, აბსოლუტურად გამჭვირვალედ, არის მზად, რომ ნებისმიერი ციფრი გაიაროს უკვე ინდივიდუალურ რეჟიმშიც, ჯგუფურ რეჟიმშიც. საერთოდ არ ყოფილა დამტკიცების რეჟიმში საუბარი. ეს იყო დიალოგი, ძალიან კონსტრუქციული, ორმხრივი. დაისვა კითხვები ჩვენი მხრიდანაც, მათი მხრიდანაც.
დღესაც გაჟღერდა, რომ აუცილებლად უნდა წახალისდეს ადგილობრივი წარმოება. სახელმწიფო, თავისი მხრივ მზად არის, რომ ამაში მონაწილეობა მიიღოს. რაღაც გრძელვადიანი პროგნოზი და გეგმები შემუშავდება“, - აღნიშნა სოფიკო ქაშაკაშვილმა.
საახალწლო განათებების დემონტაჟის გამო რუსთაველის გამზირზე საავტომობილო მოძრაობა ღამის საათებში შეიზღუდება
21.01.2026.16:49
გუდაური (ფოსტა) - კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა
21.01.2026.12:31
გარემოს ეროვნული სააგენტოს ინფორმაციით, ნალექის ინტენსივობა 22 იანვრიდან შემცირდება, თუმცა მოსალოდნელია ყინვა
21.01.2026.10:08
საახალწლო განათებების დემონტაჟის გამო მელიქიშვილის გამზირზე და კოსტავას ქუჩის ნაწილზე ღამის საათებში საავტომობილო მოძრაობა შეიზღუდება
20.01.2026.17:29
