ჯანდაცვის სამინისტროში, წიგნისა და საავტორო უფლებების საერთაშორისო დღისადმი მიძღვნილი ღონისძიება გაიმართა
წიგნის ჩუქების დღეს, ჯანდაცვის მინისტრმა მიხეილ სარჯველაძემ, მოადგილეებთან და სამინისტროს თანამშრომლებთან ერთად, პენიტენციური დაწესებულებების ბიბლიოთეკებს, 500-მდე წიგნი, მხატვრული და შემეცნებითი ლიტერატურა გადასცა.
აქვე, გაიმართა მსჯავრდებულთა ნამუშევრების გამოფენა-გაყიდვა, რომელიც მიხეილ სარჯველაძემ, იუსტიციის მინისტრის მოადგილე გიორგი დგებუაძესთან ერთად დაათვალიერა.
როგორც ჯანდაცვის მინისტრის მოადგილე გიორგი ცაგარეიშვილმა აღნიშნა, პენიტენციური დაწესებულებების ბიბლიოთეკების მუდმივი განახლება და მსჯავრდებულების ხელნაკეთი ნივთებით გამოფენა-გაყიდვის მოწყობა, საიდან შემოსული თანხაც პირად ანგარიშზე ერიცხებათ, ხელს უწყობს მათ სოციალიზაციას.
23 აპრილს, წიგნისა და საავტორო უფლებების საერთაშორისო დღე UNESCO-მ 1995 წელს გამოაცხადა. ინიციატივის მიზანია ლიტერატურის პოპულარიზაცია, კითხვის წახალისება და მთელი მსოფლიოსთვის, ინტელექტუალური საკუთრების მნიშვნელობის შეხსენება. ამ დღეს, სხვადასხვა ქვეყანაში, ერთმანეთს, წიგნებს ჩუქნიან, რის აღსანიშნავადაც 23 აპრილი წიგნის ჩუქების დღედ მოიხსენიება.
ჯანდაცვის სამინისტროში გამართულ ღონისძიებას ასევე ესწრებოდნენ: ჯანდაცვის მინისტრის მოადგილეები: ირაკლი სასანია, ირინე წაქაძე და თეა გიორგაძე, მსჯავრდებულთა პროფესიული მომზადებისა და გადამზადების ცენტრის დირექტორი თამთა დემურიშვილი, სამინისტროსა და ცენტრის თანამშრომლები.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
საქართველოში უახლოეს პერიოდში სსფ-ს მისია ჩამოვა და გვექნება უფრო საგნობრივი დისკუსია შემდგომი თანამშრომლობის ძირითად საკითხებზე - ნათია თურნავა
24.04.2025
„აშშ-ში, სსფ-სა და მსოფლიო ბანკის საგაზაფხულო შეხვედრების ფარგლებში შევხვდით საერთაშორისო სავალუტო ფონდის აღმასრულებელ და ალტერნატიულ დირექტორებს. ვისაუბრეთ საქართველოში არსებულ მაკროეკონომიკურ მდგომარეობაზე და სამომავლო თანამშრომლობის პერსპექტივებზე.
ასევე ვისაუბრეთ შემდგომ მისიაზე, რომელიც საქართველოში უახლოეს პერიოდში ჩამოვა და გვექნება უფრო საგნობრივი დისკუსია შემდგომი თანამშრომლობის ძირითადი საკითხების შესახებ", - განაცხადა ნათია თურნავამ, საერთაშორისო სავალუტო ფონდის აღმასრულებელ დირექტორ იერუნ კლიკსა და ალტერნატიულ დირექტორ მარნიქს ვან რეისთან შეხვედრის შემდეგ.
შეხვედრას ასევე ესწრებოდნენ ფინანსთა მინისტრი ლაშა ხუციშვილი, საქართველოს ეროვნული ბანკის ვიცე-პრეზიდენტები ეკატერინე მიქაბაძე და ეკატერინე გალდავა, ასევე ფინანსთა და ეკონომიკის მინისტრის მოადგილეები.
სსფ-ის აღმასრულებელი დირექტორის იერუნ კლიკის განცხადებით, მოუთმენლად ელის საქართველოში ვიზიტს მისიის ფარგლებში.
