იუნკრების სამაგალითო სიმამაცე და თავდადება თითოეული ჩვენგანისთვის სამშობლოს ერთგულებისა და პატრიოტიზმის მარადიულ სიმბოლოდ იქცა - ზურაბ აბაშიძე

საზოგადოება

პოლონეთში “HoReCa” სექტორის წარმომადგენლებისთვის ქართული ღვინის წარდგენა გაიმართა

21.04.2026.13:17

ქართული ღვინის საექსპორტო ბაზრების დივერსიფიკაციის მიზნით, ღვინის ეროვნული სააგენტოს ფინანსური მხარდაჭერით და სააგენტოს კონტრაქტორი პოლონური მარკეტინგული კომპანიის „People PR” ორგანიზებით, ქართული ღვინის დეგუსტაცია პოლონეთის ქალაქ გდანსკში გაიმართა.

ღონისძიებას ღვინის პროფესიონალები “HoReCa” - სასტუმრო, რესტორანი, კაფე - სექტორიდან დაესწრნენ.

პოლონეთი ქართული ღვინის ერთ-ერთ სტრატეგიულ ბაზარს წარმოადგენს, სადაც ქართული ღვინო ხელმისაწვდომია როგორც HoReCa სექტორში, ისე ქსელურ მარკეტებსა და ღვინის მაღაზიებში.

მიმდინარე წელს პოლონეთში ქართული ღვინის მარკეტინგულ კამპანიას „People PR” წარუძღვება, რომელთანაც ღვინის ეროვნული სააგენტო 2022 წლიდან თანამშრომლობს.
სააგენტოს ფინანსური უზრუნველყოფით, 2026 წელს, ქართული ღვინის დეგუსტაცია-სემინარები პოლონეთში ღვინის პროფესიონალების, ღვინით ვაჭრობის სფეროს წარმომადგენლებისა და მომხმარებლებისთვის გაიმართება; განხორციელდება მიზნობრივი სარეკლამო და მედია კამპანიები; ქართულ ღვინოსთან ერთად, წარმოჩენილი იქნება ქართული ღვინის კულტურა, ქართული სამზარეულო; საქართველოში მოეწყობა ღვინის პროფესიონალების ტურები.