გურამ გურამიშვილი | მიმდინარე პროცესები ანაკლიის პორტში

საზოგადოება

უნიკალური ობიექტია - ნიკოლოზ ჩხეტიანი აბასთუმნის ფილტვის ცენტრზე

07.09.2026.09:46

„ფონდი ქართუ“ პირველივე დღეებიდან ჩართული იყო პროცესში. ეს ძალიან მრავალშრიანი პროცესია და გულისხმობს ამ ტერიტორიის კომპლექსურ, სისტემურ განვითარებას როგორც გზების, ისე ძველი შენობების რეაბილიტაციის კუთხით, ისე სხვა ტიპის ინფრასტრუქტურის აღდგენის კუთხით, - განაცხადა გადაცემაში „იმედის კვირა“ ფონდი „ქართუს“ გამგეობის თავმჯდომარემ, ნიკოლოზ ჩხეტიანმა კურორტ აბასთუმნის რეაბილიტაციაზე საუბრისას.

მან ისაუბრა ფონდი „ქართუს“ ძალისხმევით აშენებულ მრავალმილიონიან ულტრათანამედროვე ფილტვის ცენტრზეც.

„უნიკალური ობიექტია და გასაგებია ჩვენთვის, პოლიტიკურად ანგაჟირებული წრეები - ეს ჩვენთვის ახალი არ არის, რატომაც ცდილობენ, ამ უდიდეს ქველმოქმედებას როგორმე ჩირქი მოსცხონ და ნეგატიურ კონტექსტში წარმოსახონ მიმდინარე პროცესები. მაგრამ, ჩვენ ჩვენს საქმიანობას ვაგრძელებთ და ხელს ვუწყობთ ჩვენი ქვეყნის განვითარებას“, - აღნიშნა ფონდი „ქართუს“ გამგეობის თავმჯდომარემ.

ამასთან, ჩხეტიანი დარწმუნებულია, რომ რეგიონი, რომელიც წლების განმავლობაში მივიწყებული იყო, იქ განხორციელებული პროექტების შედეგად გამოცოცხლდა და ამჯერად უკვე სხვა სახით წარდგება როგორც ქართველი, ისე უცხოელი ვიზიტორისა და დამსვენებლის წინაშე.

ბათუმის საერთაშორისო საზღვაო ფორუმი ხელს შეუწყობს რეგიონის განვითარებას, განიხილება შავი ზღვის უსაფრთხოების საკითხები, შუა დერეფანი, ჩვენი სატრანზიტო პოტენციალი, ახალი კონტაქტები და ტვირთბრუნვის გაზრდა - ზურაბ პატარაძე 07.09.2026.09:41

პრემიერ-მინისტრ ირაკლი კობახიძის განკარგულებით, საქართველოს ყველა ქალაქსა თუ სოფელში 40 000-ზე მეტი პირველკლასელი პირველ ნერგს დარგავს 07.09.2026.09:37