ქალაქ გორის ვაჟა-ფშაველას სახელობის საჯარო სკოლაში 19 სკოლის მოსწავლეებთან საინფორმაციო შეხვედრა გაიმართა
ქალაქ გორის ვაჟა-ფშაველას სახელობის საჯარო სკოლაში 19 სკოლის მოსწავლეებთან საინფორმაციო შეხვედრა გაიმართა. ინფორმაციას განათლების, მეცნიერებისა და ახალგაზრდობის სამინისტრო ავრცელებს.
გამართულ ღონისძიებაზე განხილული იყო გარემოსდაცვითი საკითხები, მათ შორის, კლიმატის ცვლილებები და მისი შედეგები. მოსწავლეებმა ინფორმაცია მიიღეს ატმოსფერული ჰაერის დაცვის მნიშვნელობის, ნარჩენების მართვის თანამედროვე მიდგომებისა და პლასტიკის გარემოზე ზემოქმედების შესახებ.
შეხვედრას, მოსწავლეებთან ერთად, პედაგოგები და სკოლის დირექტორები ესწრებოდნენ, რომლებსაც საჩუქრად წიგნები და შემეცნებითი მასალები გადაეცათ.
ღონისძიების ფარგლებში საუბარი შეეხო გარემოსდაცვით მიმართულებაში არსებულ მოთხოვნად პროფესიებს, როგორიცაა აგრონომი, მეფუტკრე, ვეტერინარი, მეტყევე, მეტეოროლოგი და სხვა.
„განათლება არის ის ძალა, რომელიც აძლიერებს საზოგადოებას - განსაკუთრებით იქ, სადაც სიმტკიცე და ერთიანობა ყველაზე მეტად ფასობს. გარემოსდაცვითი ცოდნა მხოლოდ ინფორმაციის ფლობა არ არის - ეს არის პასუხისმგებლობა, რომ ვიზრუნოთ ჩვენს გარემოზე,“ - აღნიშნა გარემოსდაცვითი ინფორმაციისა და განათლების ცენტრის დირექტორმა თამთა დევდარიანმა.
დღის ტოპ 10 სიახლე
სხვა სიახლეები
გუდაური (ფოსტა) - კობის მონაკვეთზე მისაბმელიანი და ნახევრად მისაბმელიანი ავტოტრანსპორტის მოძრაობა აღდგა
04.03.2026.10:51
საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)-კობის მონაკვეთზე მისაბმელიანი და ნახევრად მისაბმელიანი ავტოტრანსპორტის მოძრაობა აღდგენილია.
გარემოს ეროვნული სააგენტოს ცნობით, მლეთა-გუდაურის და გუდაური(ფოსტა)–კობის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში, გუდაური(ფოსტა)–კობის მონაკვეთზე მხოლოდ ზვავდამცავი გვირაბების გავლით.
მისაბმელიანი, ნახევრად მისაბმელიანი ავტოტრანსპორტის და M3 კატეგორიის (გააჩნია 8-ზე მეტი დასაჯდომი ადგილი (მძღოლის ადგილის გარდა) და აქვს 5 ტონაზე მეტი სრული მასა) მგზავრთა გადასაყვანად განკუთვნილი ავტოსატრანსპორტო საშუალებების მოძრაობა გვირაბებში, განხორციელდება ცალმხრივად.
ქალაქ გორის ვაჟა-ფშაველას სახელობის საჯარო სკოლაში 19 სკოლის მოსწავლეებთან საინფორმაციო შეხვედრა გაიმართა
04.03.2026.10:15
გომი-კორბოულის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა აღდგა
04.03.2026.08:27
