გივი მაჭარაშვილი პარიზის ოლიმპიადის ფინალშია
გივი მაჭარაშვილმა (97 კგ) პარიზის ოლიმპიადის ნახევარფინალში იჭიდავა. მან აზერბაიჯანის სახელით მოასპარეზე მაგომედხან მაგომედოვს ანგარიშით 5:0 სძლია და კარიერაში პირველად ოლიმპიადის ფინალში იასპარეზებს.
სადებიუტო ოლიმპიადაზე მერვედფინალში გივი მაჭარაშვილმა სამხრეთაფრიკელ ნიკოლას დე ლანჟს ანგარიშით 12:2 სძლია, მეოთხედფინალში კი უკრაინის სახელით მოასპარეზე მურაზ მჭედლიძე 11:0 დაამარცხა. ფინალი 11 აგვისტოს გაიმართება.
27 წლის ქართველი სპორტსმენი მსოფლიოს ჩემპიონატის ორი ბრინჯაოსა და ევროპის ჩემპიონატის ორი ოქროს მედლის მფლობელია.
შეგახსენებთ, რომ დღეს თავისუფალი სტილით მოჭიდავე გენო პეტრიაშვილი (125 კგ) ოლიმპიადის ფინალში ზედიზედ მეორედ იასპარეზებს, ის ირანელ ამირ ჰოსეინ ზარეს შეხვდება.
ამ ეტაპზე საქართველოს ანგარიშზე ოთხი ოლიმპიური მედალია. ძიუდოისტებმა ტატო გრიგალაშვილმა და ილია სულამანიძემ ვერცხლის მედლები მოიპოვეს, ლაშა ბექაური ზედიზედ მეორედ გახდა ოლიმპიური ჩემპიონი, მოკრივე ლაშა გურულმა კი ბრინჯაო მიიღო.
სხვა სიახლეები
როგორი ამინდია მოსალოდნელი11 მარტს საქართველოში
11.03.2026.09:55
11 მარტს ქუთაისში მზიან ამინდს ელოდებიან, დღისით +15 და ღამით +7 გრადუსია მოსალოდნელი.
ნალექს არც ოზურგეთში ელოდებიან, დღისით +16 გრადუსი დაფიქსირდება, ღამით კი +3 გრადუსი იქნება. ბათუმში დღისით ჰაერი +17 გრადუსამდე გათბება, ხოლო ღამით +3 გრადუსი დაფიქსირდება.
უნალექო ამინდია ფოთშიც. დღისით +12 გრადუსი დაფიქსირდება, ღამით კი +8 გრადუსია მოსალოდნელი. ნალექი არც ზუგდიდში იქნება, დღისით ტემპერატურა +17, ღამით კი +7 გრადუსია ნავარაუდევი.
სოხუმშიც უნალექო დღეა. +15 გრადუსია მოსალოდნელი დღისით, ღამით +4 გრადუსი დაფიქსირდება.
მესტიაში დღისით +8 გრადუსი იქნება, ღამით კი -9 გრადუსი დაფიქსირდება. ამბროლაურშიც მზიანი ამინდია. დღისით ჰაერი +14 გრადუსამდე გათბება, ღამით კი -4 გრადუსი დაფიქსირდება.
ჭიათურაში მზიანი ამინდია, დღისით +13 გრადუსი, ღამით კი +2 გრადუსი დაფიქსირდება. ახალციხეშიც მზიანი დღეა, დღისით +8 გრადუსი, ღამით კი -8 გრადუსი იქნება.
ნალექს არც ახალქალაქში ელოდებიან. ტემპერატურა დღისით +8, ღამით კი -6 დაფიქსირდება.
ბორჯომში მზიანი დღეა, +8 იქნება დღისით, ღამით კი -4 გრადუსი დაფიქსირდება. უნალექო დღეა მოსალოდნელი ბაკურიანში, დღისით +1 გრადუსია მოსალოდნელი, ღამით -14 გრადუსი დაფიქსირდება.
უნალექო დღეს ელოდებიან გორში, დღისით +12 გრადუსი, ღამის განმავლობაში კი -2 გრადუსი დაფიქსირდება. ცხინვალში ჰაერის ტემპერატურა +11 გრადუსი იქნება, ღამით კი -3 გრადუსი დაფიქსირდება.
გუდაურშიც მზიანი ამინდია. დღის განმავლობაში -4 გრადუსი დაფიქსირდება, ღამით კი ჰაერის ტემპერატურა -14 გრადუსი იქნება. მზიანი დღეა ნავარაუდევი ომალოშიც, სადაც დღისით, -2 ღამით კი -12 გრადუსი დაფიქსირდება.
ლაგოდეხში უნალექო ელოდებიან. ჰაერის ტემპერატურა დღის განმავლობაში +9 გრადუსი იქნება, ღამით კი +0 გრადუსი დაფიქსირდება. მზიანი დღეა თელავშიც, სადაც დღისით +6 გრადუსი დაფიქსირდება, ღამით კი -1 გრადუსია ნავარაუდევი.
უნალექო დღე იქნება გურჯაანშიც. დღისით +10 გრადუსი, ღამით კი 0 გრადუსი დაფიქსირდება. სიღნაღში მოსალოდნელი ნალექი, თოვლის სახით. დღისით +8 გრადუსია მოსალოდნელი, ღამით -1 გრადუსი დაფიქსირდება.
რუსთავში წვიმიანი დღეა მოსალოდნელი, დღისით +10 გრადუსია მოსალოდნელი, ღამით კი +1 გრადუსი დაფიქსირდება.
თბილისში ხანმოკლე წვიმას ვარაუდობენ. ჰაერის ტემპერატურა დღისით +10 გრადუსს მიაღწევს, ღამით კი +1 გრადუსი იქნება.