გიორგი ტყემალაძე და ზურაბ ჩიკვილაძე აუტიზმის საერთაშორისო დღესთან დაკავშირებით „კამილიელთა სამედიცინო ცენტრს“ ეწვივნენ
თბილისის საკრებულოს თავმჯდომარე გიორგი ტყემალაძე დედაქალაქის წარმომადგენლობითი ორგანოს ჯანმრთელობის დაცვის და სოციალურ საკითხთა კომისიის თავმჯდომარესთან, ზურაბ ჩიკვილაძესთან დამერიის ჯანდაცვისა და სოციალური მომსახურების საქალაქო სამსახურის უფროსთან, გელა ჩივიაშვილთან, ერთად აუტიზმის საერთაშორისო დღესთან დაკავშირებით აუტიზმის სპექტრის დარღვევის აბილიტაციის პროგრამაში ჩართულ სერვისის მიმწოდებელ ორგანიზაციას - „კამილიელთა სამედიცინო ცენტრს“ - ესტუმრა.
სტუმრებს ცენტრის აღმასრულებელმა დირექტორმა კობა კაბოსნიძემ უმასპინძლა, სამედიცინო დაწესებულებაში არსებული გარემო დაათვალიერებინა და დეტალური ინფორმაცია მიაწოდა იმ სერვისებზე, რომლებსაც ბენეფიციარები იღებენ.
თბილისის საკრებულოს თავმჯდომარემ სამედიცინო დაწესებულებაში სტუმრობისას განაცხადა, რომ უმნიშვნელოვანესია მუნიციპალიტეტის მხარდაჭერა იმ ბავშვებისა და მოზარდების მიმართ, რომლებიც აუტიზმის სპექტრის დარღვევის აბილიტაციის პროგრამაში არიან ჩართულნი.
„დღეს პროგრამით მოსარგებლეთა ლიმიტი 300 ერთეულით არის გაზრდილი, რაც ნიშნავს, რომ ქვეპროგრამის ფარგლებში დაფინანსებას 2400 ბენეფიციარი იღებს. ჩვენ 11 სერვისის მიმწოდებელ ორგანიზაციასთან ვთანამშრომლობთ, რომლებშიც ბენეფიციარები არიან
გადანაწილებულნი, პროგრამისთვის გამოყოფილი თანხა კი საერთო ჯამში 11 მილიონ ლარზე მეტია.
უმნიშვნელოვანესია, რომ დღეს არცერთი ბავშვი არ არის მომლოდინეთა სიაში. მინდა დიდი მადლობა გადავუხადო თითოეულ ადამიანს, რომელიც ძალიან ბევრს შრომობს იმისათვის, რათა აუტიზმის სპექტრის დარღვევის მქონე ბავშვებისთვის სერვისი მაღალი ხარისხით იყოს მიწოდებული“, - განაცხადა გიორგი ტყემალაძემ.
ცენტრში გამართულ შეხვედრაზე ზურაბ ჩიკვილაძემ ყურადღება აუტიზმის სპექტრის მქონე ბენეფიციარებთან მუშაობის პრინციპზე, მათ საჭიროებებსა და მუნიციპალიტეტის მიერ ამ მიმართულებით განხორციელებულ პროგრამებზე გაამახვილა.
„დღეს ჩვენ ვიმყოფებით აუტიზმის სპექტრის დარღვევის აბილიტაციის პროგრამაში ახლადჩართულ სერვის-ცენტრში, რომელიც საერთაშორისო სტანდარტებს შეესაბამება და სადაც ჩვენი პატარები მათთვის საჭირო თერაპიულ სეანსებს იღებენ. მოხარული ვარ, რომ „აუტიზმის სპექტრის დარღვევის მქონე ბავშვთა აბილიტაციის“ პროგრამა წარმატებით მიმდინარეობს. ჩვენთვის პროგრამით მოსარგებლე ბენეფიციართა და მათი ოჯახების ხელშეწყობა უმნიშვნელოვანესია, ყველაფერს ვაკეთებთ იმისთვის, რომ თითოეულმა ამგვარი საჭიროების მქონე პატარამ და მოზარდმა ისარგებლონ არსებული სერვისებით და მუდმივად ვმუშაობთ აღნიშნული პროგრამის განვითარებაზე,“ - განაცხადა ზურაბ ჩიკვილაძემ.
2007 წელს გაეროს გენერალურმა ასამბლეამ 2 აპრილი აუტიზმის შესახებ ინფორმაციის გავრცელების მსოფლიო დღედ გამოაცხადა. აუტიზმის მსოფლიო დღის აღნიშვნის მიზანია, გაზარდოს საზოგადოების ცნობიერების დონე აუტიზმთან დაკავშირებით. ასევე ხელი შეუწყოს აუტიზმის მქონე ადამიანების ფუნდამენტური უფლებების დაცვასა და რეალიზაციას.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
08.05.2025.19:15
ეროვნული ბანკის პირველმა ვიცე-პრეზიდენტმა ეკატერინე მიქაბაძემ კონკურსი „ფინანსური ასოციაციობანას“ გამარჯვებული მასწავლებლები - მცხეთის მუნიციპალიტეტის სოფელ ნატახტრის საჯარო სკოლის მასწავლებელი მარინე გულაშვილი და სერვანტესის სახელობის გიმნაზია აია-ჯესს-ის მასწავლებელი მარიამ ბოლქვაძე დააჯილდოვა.
სიტყვით გამოსვლისას მან ფინანსური განათლების მნიშვნელობაზე ისაუბრა და აღნიშნა, რომ ეროვნული ბანკის მიზანია მრავალფეროვანი და ინფორმაციული საგანმანათლებლო მასალების შექმნა, რომელთა დახმარებითაც საგაკვეთილო პროცესი გაცილებით პროდუქტიულად წარიმართება.
„მიხარია, რომ ასეთი შემოქმედი, საქმის ერთგული და მოყვარული მასწავლებლები გვყავს, რომელთა როლი ფასდაუდებელია მომავალი თაობის წარმატებაში. ეროვნულ ბანკში ფინანსური განათლების პროექტებზე მუშაობისას ჩვენი მიზანია შევქმნათ ისეთი საგანმანათლებლო მასალები, რომელთა დახმარებითაც გაკვეთილები გახდება კიდევ უფრო საინტერესო და შთამაგონებელი“, - განაცხადა ეკატერინე მიქაბაძემ.
კონკურსი ფინანსური განათლების ინოვაციური გზით მიწოდების წასახალისებლად ეროვნული ბანკის ფინანსური განათლების პლატფორმა ფინედუზე (www.finedu.gov.ge) დაინიცირდა. მისი მიზანი იყო ფინანსური განათლების ეროვნული სტრატეგიის ფარგლებში წამოწყებული საგანმანათლებლო აქტივობის მდგრადობის ხელშეწყობა. კონკურსში მონაწილე მასწავლებლებმა ფინანსური განათლების სამაგიდო თამაშის „ფინანსური ასოციაციობანას“ გამოყენებით მრავალფეროვანი საკლასო აქტივობები შექმნეს.
კონკურსის ფარგლებში შემოსული ნამუშევრები შეგიძლიათ იხილოთ ამ ბმულზე.