გარემოსდაცვითი ინფორმაციისა და განათლების ცენტრის ორგანიზებით, რუსთავში ხის დარგვის საერთაშორისო დღე აღინიშნა
22 ოქტომბერს, ქალაქ რუსთავში, გარემოსდაცვითი ინფორმაციისა და განათლების ცენტრის ინიციატივით, ხის დარგვის საერთაშორისო დღე აღინიშნა. ღონისძიების მიზანი იყო საზოგადოების ჩართვა გარემოზე ზრუნვის პროცესში და ეკოლოგიური ცნობიერების ამაღლება.
რუსთვის ცენტრალურ პარკში დაირგო ორმოცდაათ ერთეულზე მეტი ელდარის ფიჭვის და ვერხვის ნერგები. ხის დარგვის ღონისძიებაში მონაწილეობა მიიღეს სკოლის მოსწავლეებმა, პედაგოგებმა, რუსთავის მერიის წარმომადგენლებმა.
სკოლის მოსწავლეებმა გარემოსდაცვითი თემატიკის შესახებ საგანმანათლებლო აქტივობებშიც მიიღეს მონაწილეობა, მათ შორის, თემატურ თამაშებში, სადაც ბუნებისა და მწვანე სივრცეების მნიშვნელობაზე იმსჯელეს.
„ხის დარგვის დღის აღნიშვნა მნიშვნელოვანია როგორც გარემოს გაუმჯობესების, ისე საზოგადოების ცნობიერების ამაღლების თვალსაზრისით. მსგავსი ინიციატივები ხელს უწყობს ახალგაზრდებში ეკოპასუხისმგებლობის განვითარებას, ბუნების მიმართ ინტერესისა და სიყვარულის გაღვივებას, რაც, საბოლოოდ, გარემოზე პასუხისმგებელი ქცევის ჩამოყალიბებას უწყობს ხელს“, - აღნიშნა გარემოსდაცვითი ინფორმაციისა და განათლების ცენტრის დირექტორის მოვალეობის შემსრულებელმა თამთა დევდარიანმა.
მისივე თქმით, ცენტრი მომავალშიც გააგრძელებს მსგავს საგანმანათლებლო და პრაქტიკული ღონისძიებების განხორციელებას, რათა მოსახლეობა, მათ შორის ახალგაზრდა თაობა, უფრო აქტიურად ჩართოს გარემოზე ზრუნვის პროცესში.
დღის ტოპ 10 სიახლე
სხვა სიახლეები
ჩვენთვის პრიორიტეტია რეგიონული თანამშრომლობის გაძლიერება - განსაკუთრებით ფინანსური ტექნოლოგიების, კაპიტალის ბაზრისა და გადახდების მიმართულებით - ნათია თურნავა
23.10.2025.12:35
„თბილისის ფინანსური სამიტი” დღეს, 23 ოქტომბერს თბილისის ოპერისა და ბალეტის სახელმწიფო თეატრში ოფიციალურად გაიხსნა. სამიტი წელს პირველად ტარდება და იგი "აბრეშუმის გზის ფორუმის ფარგლებში" იმართება.
ღონისძიება ეროვნული ბანკის პრეზიდენტმა ნათია თურნავამ გახსნა. სტუმრებს მისასალმებელი სიტყვით საქართველოს პრემიერ-მინისტრმა ირაკლი კობახიძემ, საქართველოს პარლამენტის თავმჯდრომარემ შალვა პაპუაშვილმა და ეკონომიკისა და მდგრადი განვითარების მინისტრმა მარიამ ქვრივიშვილმა მიმართა.
,,ეროვნულ დონეზე ფინტექ ეკოსისტემისა და ფინანსური სერვისების განვითარებასთან ერთად, ჩვენთვის პრიორიტეტია რეგიონული თანამშრომლობის გაძლიერება — განსაკუთრებით ფინანსური ტექნოლოგიების, კაპიტალის ბაზრისა და გადახდების მიმართულებით. ჩვენი მიზანია, შუა დერეფნის ქვეყნებთან თანამშრომლობით, საქართველო მიმზიდველ საფინანსო ჰაბად ვაქციოთ, რაც ევროპისა და აზიის დაკავშირებადობის საქმეში ჩვენი ქვეყნის როლის შემდგომ გაძლიერებას ნიშნავს”, - აღნიშნა ნათია თურნავამ.
მისი შეფასებით, დღევანდელი ღონისძიება ქმნიზ უნიკალურ შესაძლებლობას, განხილულ იქნას ფინანსური სერვისების მიმართულებით არსებული გლობალური ტენდენციები, რეგიონული ინიციატივები და თანამშრომლობის შესაძლებლობები.
ცნობისთვის, თბილისის ფინანსური სამიტის ერთ-ერთი თანაორგანიზატორია „გლობალური ფინანსური და ტექნოლოგიური ქსელი“ (GFTN) — წამყვანი საერთაშორისო ქსელი ფინანსური ტექნოლოგიების სფეროში.
საქართველოს საბანკო სექტორი იქცა სასურველ ინვესტორად რეგიონის ეკონომიკებში -ნათია თურნავა
23.10.2025.12:16
როგორც რეგიონული, ისე გლობალური ინვესტორები სულ უფრო მეტ ინტერესს იჩენენ საქართველოს ფინანსურ სექტორში ინვესტირების მიმართულებით - ნათია თურნავა
23.10.2025.10:40
დღეს, საქართველო პირველად მასპინძლობს მასშტაბურ საერთაშორისო ღონისძიებას - თბილისის ფინანსურ სამიტს - ნათია თურნავა
23.10.2025.10:28
