ფინანსთა მინისტრი ლაშა ხუციშვილი აზიის განვითარების ბანკის ვიცე-პრეზიდენტ ინგმინ იანგს შეხვდა
ფინანსთა მინისტრი ლაშა ხუციშვილი შეხვდა აზიის განვითარების ბანკის ვიცე-პრეზიდენტ ინგმინ იანგს, რომელიც საქართველოში ვიზიტით იმყოფება.
შეხვედრას დაესწრნენ ფინანსთა მინისტრის მოადგილე ეკატერინე გუნცაძე, აზიის განვითარების ბანკის საქართველოს მუდმივი წარმომადგენლობის დირექტორი ლესლი ბეარმან ლამი.
მხარეებმა მიმოიხილეს საქართველოსა და აზიის განვითარების ბანკს შორის წარმატებული თანამშრომლობის ისტორია, ბანკის მიერ მხარდაჭერილი მიმდინარე და სამომავლო პროექტები.
ფინანსთა მინისტრმა ბანკის ვიცე-პრეზიდენტს მადლობა გადაუხადა იმ წვლილისთვის, რომელიც ADB-ის შეაქვს საქართველოს ეკონომიკის მდგრადი განვითარებისთვის.
შეხვედრაზე საუბარი შეეხო საქართველოს ეკონომიკურ მდგომარეობას, მიმდინარე და საშუალოვადიან პროგნოზებს.
თავის მხრივ, ADB-ის ვიცე-პრეზიდენტმა ხაზი გაუსვა საქართველოსთან პარტნიორობის მნიშვნელობას, როგორც ორმხრივ ისე რეგიონულ ჭრილში და იმედი გამოთქვა, რომ თანამშრომლობა მომავალში კიდევ უფრო განვითარდება.
დღის ტოპ 10 სიახლე
სხვა სიახლეები
თამარ იოსელიანმა მსოფლიო საფოსტო კავშირის (UPU) რეგიონული წარმომადგენლობის გახსნაში მიიღო მონაწილეობა
21.10.2025.16:58
ეკონომიკისა და მდგრადი განვითარების მინისტრის მოადგილე თამარ იოსელიანი მსოფლიო საფოსტო კავშირის (UPU) რეგიონული წარმომადგენლობის გახსნაში მიიღო მონაწილეობა. ღონისძიებაზე დასასწრებად საქართველოში სპეციალურად ჩამოვიდა UPU - ს გენერალური დირექტორის მოადგილე მარიან ოსვალდი.
როგორც მინისტრის მოადგილემ განაცხადა, საქართველოში ასეთი მნიშვნელოვანი და ავტორიტეტული ორგანიზაციის წარმომადგენლობის გახსნა UPU-ის მხრიდან ასახავს ჩვენი ქვეყნის ნდობას და აღიარებას მუდმივი ერთგულებისთვის რეგიონული თანამშრომლობისა და საფოსტო სექტორში მდგრადი პროგრესის მიმართ.
თამარ იოსელიანის განცხადებით, 1993 წელს მსოფლიო საფოსტო კავშირში გაწევრიანების შემდეგ, საქართველოს ორგანიზაციის აქტიური წევრია, გარდა ამისა, ქვეყანა ახორციელებს მნიშვნელოვან რეფორმებს საფოსტო სფეროში და მონაწილეობს UPU - ს ეგიდით განხორციელებულ ყველა მნიშვნელოვან პროექტში. მან ასევე დადებითად შეაფასა საქართველოს მესამედ არჩევა საფოსტო ოპერაციების საბჭოს წევრად 2026 – 2029 წლების ვადით, რაც ჩვენი ქვეყნის კიდევ ერთი საერთაშორისო აღიარებაა. როგორც მინისტრის მოადგილემ აღნიშნა, საქართველოს თანამშრომლობა UPU - სთან ხელს შეუწყობს ქვეყანაში საერთაშორისო სტანდარტების და სერვისების დანერგვას, გაააქტიურებს სექტორის ციფრული ტრანსფორმაციის პროცესს და დამატებით სტიმულს მისცემს კერძო სექტორს მნიშვნელოვანი ინვესტიციები განახორციელონ საფოსტო სფეროში.
პრეზენტაციას ასევე დაესწრო საქართველოს ფოსტის გენერალური დირექტორი გიორგი ერაძე.
თბილისის აბრეშუმის გზის ფორუმი უდიდესი შესაძლებლობაა, საქართველომ გაიმყაროს პოზიციონირება საერთაშორისო არეალზე - მარიამ ქვრივიშვილი
21.10.2025.16:44
დავით ნარმანიამ სემეკის 2023-2024 წლების საქმიანობის ანგარიში ეკონომიკური პოლიტიკის კომიტეტის სხდომაზე წარადგინა
21.10.2025.15:37
ფინანსთა მინისტრი ლაშა ხუციშვილი აზიის განვითარების ბანკის ვიცე-პრეზიდენტ ინგმინ იანგს შეხვდა
21.10.2025.15:11
დღეის მდგომარეობით, 14,000 ტონაზე მეტი არასტანდარტული ვაშლი ჩაბარებულია, ფერმერებმა 4 მლნ ლარზე მეტი შემოსავალი უკვე მიიღეს
21.10.2025.13:22
