ენერგეტიკის სასწავლო ცენტრში ყირგიზეთის ენერგეტიკის რეგულირების დეპარტამენტის თანამშრომლებისათვის სასწავლო კურსი ჩატარდა
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) მიერ დაფუძნებულ ენერგეტიკის სასწავლო ცენტრში ყირგიზეთის ენერგეტიკის სამინისტროსთან არსებული საწვავისა და ენერგეტიკის კომპლექსური რეგულირების დეპარტამენტის თანამშრომლებისათვის რეგულირების საკითხებზე სასწავლო კურსი ჩატარდა.
სასწავლო კურსის ფარგლებში, ყირგიზეთის რეგულირების დეპარტამენტის წარმომადგენლებს ჩაუტარდათ ტრენინგები სატარიფო რეგულირებისა და მეთოდოლოგიების, ელექტროენერგეტიკის ბაზრის სტრუქტურისა და ტექნიკური რეგულირების, ევროკავშირის კანონმდებლობასთან საქართველოს საკნონმდებლო ბაზის ჰარმონიზების საკითხებზე. მონაწილეები დეტალურად გაეცნენ მარეგულირებელი აუდიტის პრინციპებსა და მნიშვნელობას. ტრენინგები ჩაატარეს სემეკის თანამშრომლებმა, რომლებსაც გააჩნიათ შესაბამისი კვალიფიკაცია.
2-დღიანი სასწავლო კურსის დასრულების შემდეგ მონაწილეებს გადაეცათ სერტიფიკატები.
ენერგეტიკის სასწავლო ცენტრის მიზანია ხელი შეეწყოს ენერგეტიკის საკითხებზე საზოგადოების ცნობიერებისა და ენერგეტიკის სექტრში დასაქმებული პირების კვალიფიკაციის ამაღლებას. დღემდე, ენერგეტიკის სასწავლო ცენტრში 4000-მდე პირი გადამზადდა.
დღის ტოპ 10 სიახლე
სხვა სიახლეები
გავრცელებული ინფორმაციას, თითქოს ფოთის საზღვაო ნავსადგურში სანქცირებული გემი იმყოფება, არის სიცრუე და სიმართლეს არ შეესაბამება - საზღვაო ტრანსპორტის სააგენტო
10.10.2025.13:45
გავრცელებული ინფორმაციას, თითქოს ფოთის საზღვაო ნავსადგურში სანქცირებული გემი იმყოფება, არის სიცრუე და სიმართლეს არ შეესაბამება, - ამის შესახებ ინფორმაციას საზღვაო ტრანსპორტის სააგენტო ავრცელებს.
„ტანკერი „Olga“, რომელიც ამჟამად იმყოფება ფოთის საზღვაო ნავსადგურში, არ წარმოადგენს ევროკავშირის ან შეერთებული შტატების სანქციების ობიექტს. გემმა ჩამოიტანა დიზელის საწვავი, რომლის საბოლოო დანიშნულებაა სომხეთის რესპუბლიკა. * საქართველოს ყველა ნავსადგურში გემების შესვლა მკაცრად კონტროლდება საერთაშორისო სამართლისა და ეროვნული კანონმდებლობის სრული დაცვით.მოვუწოდებთ მედიასაშუალებებს, გამოიჩინონ მეტი პასუხისმგებლობა, თავი შეიკავონ მცდარი და გადაუმოწმებელი ინფორმაციის გავრცელებისგან, რაც საზოგადოების შეცდომაში შეყვანას ისახავს მიზნად“, - აღნიშნულია სააგენტოს განცხადებაში.
ქვეყნის მასშტაბით სეზონური გრიპის საწინააღმდეგო ვაქცინაცია დაიწყო, აცრა ყველა მოქალაქისთვის უფასოდ იქნება ხელმისაწვდომი - ჯანდაცვის სამინისტრო
10.10.2025.13:01
როცა საახალწლო ღონისძიებები დამთავრდება, გვინდა დავიწყოთ რუსთაველის გამზირის რეაბილიტაცია - კახა კალაძე
10.10.2025.12:58
ბიუჯეტში თანხები გაიზარდა და ავარიული საცხოვრებელი კორპუსების ჩანაცვლებისთვის 100 მილიონია გამოყოფილი - კახა კალაძე
10.10.2025.12:50
„აწარმოე საქართველოში" კაპიტალის ბაზრის მხარდაჭერის სახელმწიფო პროგრამა გაფართოვდება - ირაკლი ნადარეიშვილი
09.10.2025.16:36
მარიამ ქვრივიშვილმა საქართველოს საფოსტო სფეროს წარმომადგენლებს პროფესიული დღე - ფოსტის მსოფლიო დღე მიულოცა
09.10.2025.16:14
