ელექტროენერგიის ავარიულად გათიშვის გამო, თბილისის მეტროს პირველი ხაზი დროებით ვერ ემსახურება მგზავრებს - თბილისის სატრანსპორტო კომპანია

საზოგადოება

თბილისის ვიცე-მერი კომპანია Zaha Hadid Architects-ის დირექტორს შეხვდა | რა განიხილეს

29.10.2026.16:28

თბილისის ვიცე-მერი გიორგი ტყემალაძე მსოფლიოს ერთ-ერთი წამყვანი არქიტექტურული კომპანია Zaha Hadid Architects-ის დირექტორს მანუელა გატოს და ბიზნესის განვითარების მენეჯერს მარიამ ნოვრუზის შეხვდა.

შეხვედრის მიზანი თბილისის მერიასა და კომპანიას შორის შესაძლო თანამშრომლობის პერსპექტივების განხილვა იყო.

როგორც ვიცე-მერმა შეხვედრის დასრულების შემდეგ განაცხადა, მნიშვნელოვანია, რომ ისეთი ავტორიტეტისა და მასშტაბის კომპანია, როგორიცაა Zaha Hadid Architects, პროექტებს თბილისში ახორციელებდეს.

„მათი მხრიდან წარმოდგენილი იყო პრეზენტაცია, რომელიც მოიცავს კომპანიის მიერ განხორციელებულ პროექტებს მსოფლიოს სხვადასხვა ქალაქში. ჩვენთვის ძალიან მნიშვნელოვანია, რომ ასეთი ავტორიტეტული და მაღალი კვალიფიკაციის მქონე კომპანია ოპერირებდეს ჩვენს ქალაქში. აღნიშნული კომპანია თბილისში ერთ პროექტს უკვე ახორციელებს და იმედი გვაქვს, მომავალში სხვა პროექტებითაც იქნება წარმოდგენილი. მათ გამოთქვეს სურვილი და მზადყოფნა ამისთვის, ჩვენ კი, ჩვენი მხრიდან აღვუთქვით მხარდაჭერა ყველა იმ პროცდურასა თუ მიმართულებაში, რაც მათი საქმიანობისთვის იქნება საჭირო“, - განაცხადა გიორგი ტყემალაძემ.

შეხვედრას თბილისის მერიის ტრანსპორტისა და ურბანული განვითარების სააგენტოს ხელმძღვანელი ნინო ბაგაშვილი და არქიტექტურის სამსახურის უფროსი თემურ ბოლოთაშვილი ესწრებოდნენ.