ეკატერინე გალდავა კორეის ცენტრალური ბანკის წარმომადგენლებს შეხვდა
საქართველოს ეროვნული ბანკის ვიცე-პრეზიდენტი ეკატერინე გალდავა, კორეაში ვიზიტის ფარგლებში, კორეის ცენტრალური ბანკის წარმომადგენლებს შეხვდა.
საქართველოს ეროვნულ ბანკსა და კორეის ცენტრალურ ბანკს შორის გაფორმებული ორმხრივი თანამშრომლობის შეთანხმების ფარგლებში, კორეის ცენტრალურ ბანკში გამართული სამუშაო შეხვედრის მთავარი თემა თანამშრომლობის ახალი მიმართულებებისა და გადახდების სფეროში ინტეროპერაბელობის ინიციატივების განხილვა იყო.
შეხვედრაზე კორეის ცენტრალური ბანკის წარმომადგენლებმა რეგიონული მასშტაბის საგადახდო სისტემების ინტეროპერაბელობის ინიციატივა წარადგინეს, რომელიც ითვალისწინებს არა მხოლოდ საქართველოსა და კორეას შორის თანამშრომლობას, არამედ სხვა ქვეყნების ჩართულობის შესაძლებლობასაც. აღნიშნული ინიციატივის მიზანია საგადახდო სისტემების ურთიერთთავსებადობის გაზრდა და საერთაშორისო გადარიცხვების გამარტივება.
შეხვედრაზე ეკატერინე გალდავამ აღნიშნა, რომ საქართველოში გადახდებისა და ანგარიშსწორების ინფრასტრუქტურა აქტიურად ვითარდება - ამ ეტაპზე მიმდინარეობს დროის რეალურ რეჟიმში ანგარიშსწორების სისტემის (RTGS) განახლებისა და მყისიერი გადახდების სისტემის (IPS) დანერგვის პროექტები, რაც ქვეყნის საგადახდო ეკოსისტემის ტექნოლოგიურ გარდაქმნას უზრუნველყოფს.
„კორეის ცენტრალური ბანკის მიერ ინიცირებული რეგიონული ინტეროპერაბელობის ხედვა ქმნის ახალ შესაძლებლობებს როგორც ორმხრივი, ისე მრავალმხრივი თანამშრომლობისთვის. ეს არის მნიშვნელოვანი ნაბიჯი საქართველოს, როგორც რეგიონული ფინანსური კავშირის აქტიური მონაწილის პოზიციის გაძლიერებისკენ“, - განაცხადა მან.
საქართველოს ეროვნული ბანკისა და კორეის ცენტრალური ბანკის პარტნიორობა ემსახურება საგადახდო სისტემების მოდერნიზებას, ცოდნისა და საუკეთესო საერთაშორისო პრაქტიკის გაზიარებას და საქართველოს ფინანსური სისტემის საერთაშორისო ინტეგრაციის გაძლიერებას.
კორეის ცენტრალურ ბანკში გამართულ შეხვედრას ასევე ესწრებოდა საქართველოს ეროვნული ბანკის საგადახდო სისტემების დეპარტამენტის უფროსი ნატალია ჭყოიძე და საგადახდო სისტემების გუნდი.
დღის ტოპ 10 სიახლე
სხვა სიახლეები
მარიამ ქვრივიშვილი სამხედრო თვითმფრინავის ავიაკატასტროფის გამო თურქეთის მთავრობას და ხალხს სამძიმარს უცხადებს
12.11.2025.11:50
ეკონომიკისა და მდგრადი განვითარების მინისტრი მარიამ ქვრივიშვილი 11 ნოემბერს თურქული სამხედრო თვითმფრინავის ავიაკატასტროფის გამო სამძიმარს უცხადებს თურქეთის მთავრობას და დაღუპულთა ოჯახებს.
„შეძრწუნებული ვარ მომხდარი ტრაგედიის გამო - ვიზიარებ თურქი ხალხის მწუხარებას და პირადად ჩემი და მთელი სამინისტროს სახელით ვუსამძიმრებ გარდაცვლილთა ოჯახებს, თურქეთის მთავრობას და თითოეულ მოქალაქეს. დაიღუპა 20 ადამიანი - ეს უდიდესიდანაკარგია მთელი თურქეთისთვის, ამ მძიმე დღეებში ყველაფერს გავაკეთებთ ჩვენი მეგობარი სახელმწიფოს მხარდასაჭერად", - აღნიშნულია მარიამ ქვრივიშვილის სამძიმრის ტექსტში.
BARTA-ს კონკურსი საქართველოში ანგარიშგების კულტურის გაძლიერებასა და ინვესტორთა ნდობის ზრდას უწყობს ხელს - ეკატერინე მიქაბაძე
12.11.2025.11:43
ნათია თურნავამ ალბანეთის ბანკის 100 წლისთავისადმი მიძღვნილ კონფერენციაზე პანელურ დისკუსიაში მიიღო მონაწილეობა
12.11.2025.11:00
საქართველოში ჩამოვარდნილი თვითმფრინავის ბორტზე 20 ადამიანი იმყოფებოდა - თურქეთის თავდაცვის სამინისტრო
11.11.2025.19:14
ჩვენ, როგორც ICAO- ს წევრი ქვეყანა მუდმივად ვცდილობთ დავნერგოთ ახალი სტანდარტები და რეგულაციები საქართველოს ყველა აეროპორტში - ლევან მოსეშვილი
11.11.2025.17:28
2028 წლის 1 იანვრამდე გაგრძელდება თამბაქოს ნედლეულის იმპორტთან დაკავშირებული შეღავათის მოქმედების ვადა
11.11.2025.15:59
