საქართველოს განათლების, მეცნიერებისა და ახალგაზრდობის მინისტრის განმარტებით განათლების რეფორმის დაანონსების შემდეგ სახელმწიფო უმაღლესი სასწავლებლების წარმომადგენლების აქტიური შეხვედრები მიმდინარეობდა. როგორც გადაცემა  „იმედის დილაში“ რუბრიკა Business Insider Georgia-ში სტუმრობისას გივი მიქანაძემ გადაცემა, აღნიშნულ შეხვედრებზე მათ მიეწოდათ დეტალური ინფორმაცია რეფორმის შესახებ - იყო საქმიანი დისკუსიებიც.

„ფაქტობრივად სრული მხარდაჭერა არის. პირველივე დღიდან, როდესაც საზოგადოებას ეცნობა უმაღლესი განათლების რეფორმის თაობაზე, არათუ სამინისტროს ხელმძღვანელობა, არამედ პირადად პრემიერ-მინისტრი ჩართული იყო პირდაპირ დისკუსიებში. პირდაპირი შეხვედრები ცხრამეტივე სახელმწიფო უნივერსიტეტის რექტორთან გაიმართა პრემიერ-მინისტრთან. სამ საათზე მეტი გაგრძელდა ეს შეხვედრა. პრემიერმა დეტალურად წარადგინა ამ კონცეფციის მნიშვნელობის არსი. დეტალურად კონკრეტული მაგალითებით განიხილა ეს პროცესი და შემდგომში აბსოლიტურად ყველა დამსწრეს შეეძლო კონკრეტული კითხვის დასმა, რაზეც სრული ამომწურავი და რაც მთავარია არგუმენტებით გაჯერებული პასუხები მიიღო. ჩვენ არაერთი რექტორთა საბჭოს სხდომა ჩავატარეთ. ისევე, როგორც მე ვესწრებოდი რექტორთა მუდმივმოქმედ კონფერენციას. იქ არაერთი შესაძლებლობა იყო იმისა, რომ ეს საკითხები განგვეხილა დისკუსიის რეჟიმში. ოპონირება მომხდარიყო და სწორედ ამის შედეგად იყო ის, რომ 3+1-ს დაემატა კიდევ ერთი წელიწადი. და ეს ჩვენ გავითვალისწინეთ. კონკრეტული ჯგუფების მიერ სპეკულაციური განცხადებებიც იყო. მაგრამ ამასაც გაეცა ამომწურავი პასუხი. ბოლო რექტორთა საბჭო ჩვენ რამდენიმე დღის წინ ჩვენ ქუთაისში გვქონდა სახელმწიფო უნივერსიტეტში, იქაც მიმდინარე რეფორმის თაობაზე სრული ინფორმაცია გავაცანით. ჩვენ მუდმივად ვაყენებთ საქმის კურსში არამარტო რექტორებს არამედ მთლიანად საზოგადოებას იმის შესახებ, რომ თუ რეფორმა როგორ ხორციელდება. პარალელურ რეჟიმში ბოლო ერთი თვის განმავლობაში მე პირადად მქონდა მთელი საქართველოს მასშტაბით 13 შეხვედრა სასკოლო საზოგადოებასთან. გუშინ მქონდა დასკვნითი შეხვედრა თბილისში, სადაც თითქმის 400-მდე პედაგოგი მონაწილეობდა და ასევე სკოლის დირექტორები, მშობლები - მინდა გითხრათ სრული მხარდაჭერაა იმ რეფორმებზე, რომელიც დაანონსებულია. 

​აქვე ვისარგებლებ შემთხვევით და არ შემიძლია ხაზი არ გავუსვა მნიშვნელოვან მიმართულებას, რასაც პროფესიული განათლება ჰქვია. ჩვენ რამდენიმე წლის წინ, სანამ ბიზნეს სექტორს აქტიურად შემოვიყვანდით პროფესიულ მიმართულებაში - დასაქმება კურსდამთავრებულების გვქონდა სულ რაღაც 24%-ი. დღეს უკვე 79%-ზე ვართ ასული. ეს არის ძალიან მნიშვნელოვანი თანამშრომლობის შედეგი. როდესაც ბიზნეს ვეუბნებით, თქვენ იყავით დამკვეთი რა პროფესიების მიმართულებით გადავამზადოთ კადრები ჩვენ უზრუნველყოფთ უფასოდ მათ გადამზადებას, ოღონდ გარანტირებულად მოხდეს მათი დასაქმება და მათთვის ღირსეული ხელფასის მიცემა. მინდა გითხრათ, რომ ეს პროცესი საკმაოდ კარგად მიმდინარეობს. რაც მთავარია საზოგადოების მხრიდან არის ნდობა გაზრდილი პროფესიული სასწავლებლების მიმართ და ამასთანავე გაიზარდა როგორც ადგილების რაოდენობა პროფესიულ სასწავლებლებში მისაღები ადგილების და ასევე კონკურსი. მინდა გითხრათ, რომ მთელი საქართველოს მასშტაბით 17 ათასი ადგილი გამოვაცხადეთ და 23 ათასმა შემოიტანა განაცხადი. რაც იმაზე მიუთითებს, რომ ძალიან პრაგმატული, სწორი ნაბიჯებით მივდივართ, თუმცა ძალიან ბევრი მიმართულება კიდევ განსავითარებელი და დასახვეწი გაქვს - და დასამატებელი იმისთვის, რომ სრულად უზრუნველყოთ ბაზრის მოთხოვნები“, - განაცხადა მინისტრმა .