დღევანდელი დღე არის უმნიშვნელოვანესი, 2025 წლის ეროვნული გამოცდები დაიწყო - სრული მზაობა არის, რომ უმაღლესი სტანდარტით ჩატარდეს ჩვენი ქვეყნისთვის ეს უმნიშვნელოვანესი პროცესი - გივი მიქანაძე
დღევანდელი დღე არის უმნიშვნელოვანესი, 2025 წლის ეროვნული გამოცდები დაიწყო, - განაცხადა განათლების, მეცნიერებისა და ახალგაზრდობის მინისტრმა გივი მიქანაძემ.
მან აღნიშნა, რომ პროცესის უმაღლესი სტანდარტით ჩასატარებლად სრული მზაობაა.
„საქართველოს მასშტაბით 39 ათასი აბიტურიენტი დარეგისტრირდა. მინდა, თითოეულ მათგანს დიდი წარმატება ვუსურვო. მათ ტავისი ცოდნის გამოვლინების მაქსიმალური შესაძლებლობა აქვთ. მთელი ქვეყნის მასშტაბით გახსნილია 24 საგამოცდო ცენტრი. არ არის რეგიონი, რომელშიც არ ტარდება გამოცდები. წინასწარი სამუშაოები, რაც განათლების, მეცნიერებისა და ახალგაზრდობის სამინისტრომ განახორციელა სხვადასხვა უწყებასთან ძალიან აქტიურ თანამშრომლობაში, იძლევა იმის თქმის საფუძველს, რომ სრული მზაობა არის, რომ უმაღლესი სტანდარტით ჩატარდეს ჩვენი ქვეყნისთვის ეს უმნიშვნელოვანესი პროცესი“, - განაცხადა გივი მიქანაძემ.
დღეიდან ერთიანი ეროვნული გამოცდები დაიწყო. პირველ გამოცდას აბიტურიენტები ქართულ ენასა და ლიტერატურაში გაივლიან.
დღის ტოპ 10 სიახლე
სხვა სიახლეები
თუშეთისკენ მიმავალ გზაზე ავტოტრანსპორტის მოძრაობა აიკრძალა
03.07.2025.12:48
საქართველოს ინფრასტრუქტურის სამინისტროს, საავტომობილო გზების დეპარტამენტის ინფორმაციით, ხევის ადიდების გამო, შიდასახელმწიფოებრივი მნიშვნელობის ფშაველი–აბანო–ომალოს საავტომობილო გზის კმ10-კმ72 მონაკვეთზე, დროებით იზღუდება ყველა სახის ავტოტრანსპორტის მოძრაობა.
ადგილზე მობილიზებულია შესაბამისი ტექნიკა და მიმდინარეობს გზის გაწმენდის ინტენსიური სამუშაოები, რათა უმოკლეს ვადებში აღდგეს ავტოტრანსპორტის მოძრაობა.
ფშაველი–აბანო–ომალოს საავტომობილო გზის კმ1-კმ9 მონაკვეთზე ავტოტრანსპორტის მოძრაობა თავისუფალია.
საქართველომ UNFCCC-ის სამდივნოს პირველივე ორწლიური გამჭვირვალობის ანგარიში (1BTR) და მეხუთე ეროვნული შეტყობინება (5NC) წარუდგინა
03.07.2025.12:23
კომერციულ ბანკებსა და მიკრობანკებში მომხმარებელთა მხრიდან დაფიქსირებული პრეტენზიების რაოდენობა შემცირებულია
03.07.2025.11:00
მინდა, აბიტურიენტებს და დარეგისტრირებულ მასწავლებლებს მივულოცო დღევანდელი ძალიან მნიშვნელოვანი ეტაპი მათ ცხოვრებაში - მარიამ ლაშხი
03.07.2025.10:46
