დავით სონღულაშვილი ზუგდიდში, თხილის გადამმუშავებელ საწარმოში იმყოფებოდა
გარემოს დაცვისა და სოფლის მეურნეობის მინისტრი დავით სონღულაშვილი, სამეგრელო-ზემო სვანეთის მხარის სახელმწიფო რწმუნებულ დავით ვერავასთან და სოფლის განვითარების სააგენტოს დირექტორ გიორგი დარჩიასთან ერთად, ზუგდიდის მუნიციპალიტეტის სოფელ ინგირში იმყოფებოდა, სადაც კომპანიის „ჯიმა ნუთში“ თხილის გადამმუშავებელ საწარმოში მიმდინარე სამუშაო პროცესს გაეცნო. ინფორმაციას გარემოს დაცვისა და სოფლის მეურნეობის სამინისტრო ავრცელებს.
მინისტრი თხილის მწარმოებელ ფერმერებს შეხვდა და მათგან დარგში არსებულ გამოწვევებზე მიიღო ინფორმაცია.
როგორც დავით სონღულაშვილმა აღნიშნა, თხილის წარმოება დასავლეთ საქართველოს მოსახლეობის ერთ-ერთი მთავარი შემოსავლის წყაროა. მინისტრის განცხადებით, ფაროსანა კვლავ მთავარ გამოწვევად რჩება; სამინისტრო წელსაც აქტიურ სამუშაოებს განახორციელებს მავნებელთან ბრძოლის მიმართულებით, თუმცა, კვლავ მნიშვნელოვან ფაქტორად რჩება ადგილობრივი ფერმერების აქტიურობა.
კომპანიის „ჯიმა ნუთსი“ თხილის გადამმუშავებელი საწარმო, სოფლის განვითარების სააგენტოს პროექტის „შეღავათიანი აგროკრედიტი“ ფარგლებში, 2020 წელს ამოქმედდა. კომპანიამ საწარმოს შექმნისათვის 2 მლნ ლარზე მეტი ინვესტიცია განახორციელა. საწარმოში, სადაც დასაქმებულია 35 ადამიანი, 1500 ტონა გაუტეხავი თხილის გადამუშავებაა შესაძლებელი. სოფლის განვითარების სააგენტოს ტექნიკური დახმარების პროგრამის ფინანსური მხარდაჭერით, თხილის საწარმოში სურსათის უვნებლობის საერთაშორისო სისტემა BRC დაინერგა. 2022 წლიდან, კომპანია წარმოებული პროდუქციის ექსპორტს ახორციელებს, ძირითადად, აზიისა და აფრიკის ქვეყნებში.
აღსანიშნავია, რომ პროექტის ,,შეღავათიანი აგროკრედიტი“ ფარგლებში, თხილის შენახვა-გადამუშავების მიზნობრიობით, საქართველოს მასშტაბით, 80 მლნ ლარზე მეტი ღირებულების სესხებია გაცემული, სადაც სოფლის განვითარების სააგენტოს თანადაფინანსება 24 მლნ ლარს აღემატება. რაც შეეხება სამეგრელო-ზემო სვანეთის რეგიონს, აღნიშნული მიზნობრიობით 54,6 მლნ ლარის ღირებულების სესხებია გაცემული, სადაც სოფლის განვითარების სააგენტოს დაფინანსება 16,7 მლნ ლარს აღემატება.
გარემოს დაცვისა და სოფლის მეურნეობის სამინისტრო უკვე წლებია ფერმერების საჭიროებებზე მორგებულ პროგრამებს ახორციელებს. ეს მხარდაჭერა მომავალშიც აქტიურად გაგრძელდება.
დღის ტოპ 10 სიახლე
MAIZEN-მა საქართველოს ბანკის Ads მენეჯერით გაყიდვები გაზარდა — გაიცანით სივრცე უნიკალური კონცეფციით
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
დღეს ყველა საუბრობს ხელოვნურ ინტელექტზე, თუმცა, ტექნოლოგიები ყოველთვის იყო და დარჩება დამხმარე ინსტრუმენტად, მასწავლებელს ვერაფერი შეცვლის - ალექსანდრე წულაძე
20.05.2025.19:00
დღეს ყველა საუბრობს ხელოვნურ ინტელექტზე, თუმცა ტექნოლოგიები ყოველთვის იყო და დარჩება დამხმარე ინსტრუმენტად და ვერაფერი შეცვლის მასწავლებელს, - განაცხადა „დღის ქრონიკაში“ განათლებისა და მეცნიერების მინისტრმა ალექსანდრე წულაძემ.
„დღეს ყველა საუბრობს ხელოვნურ ინტელექტზე და მეოთხე ციფრული ინდუსტრიული რევოლუციის შედეგებზე. მე ხაზგასმით მინდა აღვნიშნო, რომ ხელოვნური განათლება, ისევე, როგორც ტექნოლოგიები, იქნება სწავლების ხელშემწყობი, თუმცა ეს არ იქნება მთავარი ან ძირითადი ინსტრუმენტი. ტექნოლოგიები ყოველთვის იყო და დარჩება დამხმარე ინსტრუმენტად და ვერაფერი შეცვლის მასწავლებელს. მასწავლებლის მნიშვნელობა მომავალშიც ისეთივე იქნება, როგორიც ეს იყო აქამდე. აქედან გამომდინარე, ჩვენ ზუსტად ვსაუბრობთ ხელოვნური ინტელექტის ეთიკური გამოყენების თაობაზე და იმ მეთოდებზე, რომელიც ყველაზე უსაფრთხო და ყველაზე საჭირო და სასარგებლო იქნება მოსწავლეებისთვის. ეს არ არის ჩვენი მსჯელობის და დისკუსიის ერთადერთი საკითხი.
ასევე ძალიან მნიშვნელოვანია ყველა ის მიმართულება და საფეხური განათლების კუთხით, სხვადასხვა ქვეყანაში დანერგილი სიახლეების გაზიარება იქნება ეს, პროფესიული თუ ზოგადი განათლება. ამ მხრივ შეიძლება ვთქვა, რომ ჩვენთვის ძალიან მნიშვნელოვანია მსგავს ფორმატში სხვადასხვა ქვეყნის გამოცდილების გაზიარება. მეორეს მხრივ, ასევე ვცდილობთ, რომ საქართველო წარმოვაჩინოთ საუკეთესოდ და ის პრაქტიკა, რაც არის საქართველოში სხვადასხვა მიმართულებით, წარმოჩენილი იყოს როგორც ერთ-ერთი საუკეთესო გამოცდილება“, - აღნიშნა ალექსანდრე წულაძემ.
„უძველესი სავაჭრო გზებიდან მომავლის ბაზრებამდე 2035“ – როგორ ჩაიარა ესპანურ-ქართული ბიზნესალიანსის ხედვის პრეზენტაციამ მადრიდში
20.05.2025.17:50
სამუშაო ადგილზე დასაქმებულთა რაოდენობა პირველ კვარტალში ახალ ისტორიულ მაქსიმუმზეა - საქსტატი
20.05.2025.15:32
სემეკისა და იუსტიციის სახლის ერთობლივი პროექტის ფარგლებში მელიორაციის მომსახურებების მიღება იუსტიციის სახლშია შესაძლებელი
20.05.2025.15:14
