დაგეგმილი ღონისძიების გამო, ხიზანიშვილის ქუჩაზე საავტომობილო მოძრაობა დროებით შეიზღუდება
გლდანის რაიონში დაგეგმილი ღონისძიების გამო, 29 სექტემბერს, 15:00 საათიდან 22:00 საათამდე, ომარ ხიზანიშვილის ქუჩაზე გადაადგილება დროებით შეიზღუდება. კერძოდ, ომარ ხიზანიშვილისა და ილია ვეკუას ქუჩების კვეთიდან გადაადგილება შეზღუდული იქნება ცალმხრივ საგზაო მონაკვეთზე, ომარ ხიზანიშვილის ქუჩის მიმართულებით. ინფორმაციას თბილისის მერია ავრცელებს.
მათივე ცნობით, შეზღუდვის პერიოდში, ვეკუას ქუჩაზე შეიცვლება მოძრაობის მიმართულება და დროებით გახდება ორმხრივი, რაც ავტომობილებს ხიზანიშვილის ქუჩიდან მარჯვნივ მოხვევით, ვეკუას ქუჩაზე გადაადგილების საშუალებას მისცემს, ხოლო ხიზანიშვილის ქუჩიდან ვეკუას ქუჩის მიმართულებით მოძრავი ავტომობილები სვლას შეძლებენ უახლოესი მოსახვევის გამოყენებით.
მერიის ინფორმაციით, მცირე ცვლილებები შევა საზოგადოებრივი ტრანსპორტის მოძრაობის სქემაშიც. ავტობუსები - N304, N308, N323, N335, N339 და N351 ხიზანიშვილის ქუჩიდან ვეკუას ქუჩაზე მოსახვედრად, ხიზანიშვილის ქუჩის N73-თან მარჯვნივ გადაუხვევენ და შემდეგ იმოძრავებენ დადგენილი სქემით, ხოლო მიკროავტობუსი N417 ხიზანიშვილის ქუჩის N73-ის მიმდებარე ტერიტორიიდან მოხვევის შემდეგ, ვეკუას ქუჩაზე სვლას მარცხნივ მოხვევით განაგრძობს და სხვა სატრანსპორტო ნაკადებს შეუერთდება, რის შემდეგაც გლდანის VII მიკრორაიონიდან (ხიზანიშვილის ქუჩა) გადაადგილებას დადგენილი სქემით განაგრძობს.
დღის ტოპ 10 სიახლე
სხვა სიახლეები
საინფორმაციო შეხვედრა ყრუ და სმენადაქვეითებულ ამომრჩევლებთან
30.09.2025.18:05
საარჩევნო ადმინისტრაციის ორგანიზებით, საქართველოს ყრუთა კავშირთან თანამშრომლობით, ყრუ და სმენადაქვეითებულ ამომრჩევლებთან საინფორმაციო შეხვედრა გაიმართა.
შეხვედრის მიზანი იყო 2025 წლის მუნიციპალიტეტის არჩევნების შესახებ ამომრჩეველთა ინფორმირება, საარჩევნო პროცედურებისა და მომსახურების ხელმისაწვდომობის შესახებ დეტალური ინფორმაციის მიწოდება, ასევე ამომრჩეველთა საჭიროებების გაცნობა.
ცენტრალური საარჩევნო კომისიის (ცესკო) შეზღუდული შესაძლებლობების მქონე პირთა საკითხებზე მომუშავე სამუშაო ჯგუფის ხელმძღვანელმა გიორგი სანტურიანმა და მდივანმა ელენე ბობოხიძემ შეხვედრის მონაწილეებს 4 ოქტომბრის არჩევნების შესახებ ინფორმაცია და საარჩევნო ტექნოლოგიებთან დაკავშირებული სიახლეები გააცნეს. ცესკოს წარმომადგენლებმა მათ ინფორმაცია მიაწოდეს ინკლუზიური საარჩევნო გარემოს ხელშეწყობის მიზნით განხორციელებული და დაგეგმილი საქმიანობების შესახებ. შეხვედრა ინტერაქტიური იყო და შეხვედრის მონაწილეებმა ამომწურავი პასუხები მიიღეს საარჩევნო საკითხებთან დაკავშირებით მათთვის საინტერესო კითხვებზე.
შეხვედრა 29 სექტემბერს, ცენტრალური საარჩევნო კომისიის (ცესკო) შეზღუდული შესაძლებლობების მქონე პირთა საკითხებზე მომუშავე სამუშაო ჯგუფის საქმიანობის ფარგლებში,ქუთაისში გაიმართა. ინკლუზიური საარჩევნო გარემოს ხელშეწყობის, ამომრჩეველთა ინფორმირებისა და საარჩევნო პროცესში თანაბარი მონაწილეობის უზრუნველყოფის მიზნით ცესკო მომავალშიც გააგრძელებს საქართველოს სხვადასხვა ქალაქში საინფორმაციო შეხვედრების გამართვას.
საქართველოს ეროვნულმა ბანკმა სოფლის მეურნეობის სექტორის კვლევის პრეზენტაცია გამართა
30.09.2025.15:45
,,ყაზბეგის" გამშვებ პუნქტზე 750 გრამამდე ოქროს ნაკეთობების შემოტანის ფაქტი აღიკვეთა
30.09.2025.14:35
აღმაშენებლის ხეივნის მე-15 კილომეტრზე დაგეგმილი სამუშაოების გამო საავტომობილო მოძრაობა შეიზღუდება
29.09.2025.20:15
2025 წლის 4 ოქტომბრის არჩევნებისთვის საარჩევნო კომისიების წევრთა ტრენინგები დასრულდა
29.09.2025.18:25
ჯივიპიმ ილიაუნის სამეცნიერო პიკნიკზე წყლის სრული ციკლის შესახებ ინტერაქტიული თამაში წარადგინა
29.09.2025.16:49
