დაახლოებით 27 000 სტუდენტს ₾30 მილიონამდე არსებული დავალიანება ჩამოეწერა - გიორგი ამილახვარი
საქართველოს განათლებისა და მეცნიერების მინისტრის, გიორგი ამილახვარის განცხადებით, საჯარო და კერძო უნივერსიტეტების საქართველოს მოქალაქე დაახლოებით, 27 000 სტუდენტს, არსებული დავალიანება, ჯამში, 30 მილიონ ლარამდე ჩამოეწერათ.
ამასთან, მინისტრის განცხადებიბთ, განახლებული პროგრამის ფარგლებში სასწავლო წლის 10 თვის განმავლობაში, ოქტომბრიდან ივლისის ჩათვლით, სახელმწიფო უმაღლესი საგანმანათლებლო დაწესებულებების წარმატებული სტუდენტები ყოველთვიურად, 150 ლარის ნაცვლად, იღებენ 300-ლარიან სტიპენდიას.
„აქამდე სტიპენდია თუ გაიცემოდა საშუალოდ 2 500 სტუდენტზე, 2023-2024 სასწავლო წლიდან გაზრდილ სტიპენდიას 5 000 წარმატებული სტუდენტი იღებს“, – აღნიშნა ამილახვარმა.
მისივე თქმით, 2023 წელს განათლების საერთაშორისო ცენტრმა საზღვარგარეთ სწავლის მიზნით საქართველოს 191 მოქალაქე დააფინანსა; ასევე, მაღალი აკადემიური მოსწრების საფუძველზე დაფინანსება გაუგრძელა გასულ წელს გამარჯვებულ 34 სტიპენდიანტს. მინისტრის ინფორმაციით, ჯამურმა ღირებულებამ 5.8 მილიონი ლარი შეადგინა.
დღის ტოპ 10 სიახლე
სხვა სიახლეები
სემეკმა 2 თვეში მოქალაქეებს უსაფუძვლოდ დარიცხული 350 ათასი ლარი ჩამოაწერა
18.08.2025.10:48
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2025 წლის ივლისსა და აგვისტოში მოქალაქეებს ელექტროენერგიის, ბუნებრივი გაზისა და წყალმომარაგების კომუნალური კომპანიების მიერ უსაფუძვლოდ დარიცხული თანხები ჩამოაწერა, ჯამში 350 000 ლარის ოდენობით.
კომუნალური კომპანიების წინააღმდეგ სემეკში შესული მოქალაქეთა საჩივრები შეეხებოდა უსაფუძვლოდ დარიცხულ თანხებს, ხანდაზმულ დავალიანებებს, გამანაწილებელ ქსელზე მიერთების პროცედურებსა და ვადებს.
სემეკი შეახსენებს ელექტროენერგიის, ბუნებრივი გაზის, სასმელი წყლისა და საირიგაციო წყლის მომხმარებლებს, თუ ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. კონსულტაციების მიღება შესაძლებელია როგორც ქოლ ცენტრში ნომერზე 16 216, ასევე სემეკის Facebook გვერდზეც. სემეკისთვის განცხადებით მიმართვა შესაძლებელია ელექტრონული ფორმით: https://bit.ly/3QiBM2O ასევე, იუსტიციის სახლის მეშვეობით.
GCCA-მ მომხმარებლის სასარგებლოდ შპს ,,ტოიოტა ცენტრი თბილისთან'' პირობითი ვალდებულების ხელშეკრულება გააფორმა
15.08.2025.11:01
მებაჟე ოფიცრებმა 750 გრამზე მეტი არადეკლარირებული ოქროს ნაკეთობების შემოტანის ფაქტი აღკვეთეს
14.08.2025.14:08
GCCA-ის გვერდის ავლით განხორციელებულ კონცენტრაციებთან მიმართებით სამი პირი დაჯარიმდა
13.08.2025.13:03
2025 წლის II კვარტალში ტელე და რადიო მაუწყებლების სარეკლამო შემოსავალი 12.1%-ით შემცირდა და 17.6 მილიონი ლარი შეადგინა
12.08.2025.14:06
