ComCom-მა სენაკსა და ხონში 1200-ზე მეტი პირი ციფრულ წიგნიერებაში გადაამზადა
კომუნიკაციების კომისიამ „ციფრული მხარდაჭერის პროგრამა" წარმატებით დაასრულა სენაკისა და ხონის მუნიციპალიტეტებში. ციფრული წიგნიერებისა და ინტერნეტის მიზნობრივად გამოყენების შესახებ სენაკში 46, ხოლო ხონში 39 სემინარი ჩატარდა, რომელთა ფარგლებშიც ჯამში 1200-ზე მეტი პირი გადამზადდა. შეხვედრების ფარგლებში ბენეფიციარებმა ციფრული წიგნიერებისა და ინტერნეტის უსაფრთხოდ გამოყენების შესახებ სრულიად უფასოდ აიმაღლეს ცნობიერება და გაეცნენ ისეთ მნიშვნელოვან საკითხებს, როგორებიცაა ინტერნეტში სასურველი ინფორმაციის მოძიება, Google-ის აპლიკაციებით სარგებლობა, სოციალური პლატფორმების მიზნობრივად გამოყენება და სხვა.
„ციფრული მხარდაჭერის პროგრამამ", რომელსაც კომუნიკაციების კომისია 2022 წლიდან საქართველოს რეგიონებში უწყვეტად ახორციელებს, უკვე 17 მუნიციპალიტეტის 247 სოფელი და დასახლებული პუნქტი მოიცვა. პროგრამის ფარგლებში კი 9000-მდე ბენეფიციარია გადამზადებული.
შეგახსენებთ, რომ „ციფრული მხარდაჭერის პროგრამა" პროექტ Log-in Georgia-ს შემადგენელი ნაწილია, რომელიც ინტერნეტიზაციის სახელმწიფო პროგრამის მხარდასაჭერად ტარდება. Log-in Georgia საქართველოს 500,000-მდე სოფლად მცხოვრებისთვის მაღალხარისხიანი ინტერნეტის მიწოდების შესაძლებლობის შექმნასა და ციფრული სერვისების სასარგებლო გამოყენების ხელშეწყობას ისახავს მიზნად. პროექტი მსოფლიო ბანკისა და ევროპის საინვესტიციო ბანკის თანადაფინანსებით ხორციელდება.
დღის ტოპ 10 სიახლე
სხვა სიახლეები
თბილისის საკრებულოს თავმჯდომარემ და საკრებულო წევრებმა აგვისტოს ომში დაღუპული გმირების საფლავები გვირგვინით შეამკეს
08.08.2025.13:10
2008 წლის რუსეთ-საქართველოს ომიდან 17 წელი გავიდა. თბილისის საკრებულოს თავმჯდომარემ, ზურაბ აბაშიძემ და წარმომადგენლობითი ორგანოს წევრებმა, მუხათგვერდის ძმათა სასაფლაოზე, რუსეთის აგრესიის შედეგად დაღუპული გმირების ხსოვნას პატივი მიაგეს. ზურაბ აბაშიძემ ქართველი მებრძოლების საფლავები გვირგვინით შეამკო და მათ ოჯახის წევრებს სამძიმარი გამოუცხადა. როგორც საკრებულოს თავმჯდომარემ განაცხადა, აგვისტოს ომის გმირების თავგანწირვა ისტორიას მუდამ დარჩება.
„პატივს მივაგებთ და ქედს ვიხრით 17 წლის წინ აგვისტოს ომში გმირულად დაღუპული ქართველი მებრძოლების და მშვიდობიანი მოქალაქეების ხსოვნის წინაშე. ეს ტრაგიკული დღე კიდევ ერთხელ გვახსენებს ომის დამანგრეველ შედეგებს და ჩვენი ქვეყნის ოკუპაციას რუსეთის მიერ. აგვისტოს ომის გმირების თავგანწირვა და თავდადება მუდამ დარჩება ისტორიას. მათ მაგალითზე მომავალი თაობები გაიზრდებიან“ - განაცხადა ზურაბ აბაშიძემ.
GCCA-მ ოთხი ფარმაცევტული კომპანია დომინანტური მდგომარეობის ბოროტად გამოყენებისთვის 560 000 ლარით დააჯარიმა
07.08.2025.10:38
გარემოს ეროვნული სააგენტოს ინფორმაციით, საქართველოს უმეტეს რეგიონში ამინდის მკვეთრი ცვლილებაა ნავარაუდევი
07.08.2025.10:17
ცესკომ და სწავლების ცენტრმა მუნიციპალიტეტის ორგანოთა არჩევნებისთვის სასწავლო პროგრამების განსახორციელებლად ტრენერების გადამზადება დაიწყო
06.08.2025.17:19
თბილისის მერი მუნიციპალურ ინსპექციას ავალებს, მშენებლობადასრულებული კორპუსების ექსპლუატაციაში დროულად მისაღებად შესაბამისი ღონისძიებები გაატაროს
06.08.2025.11:51
