ComCom-მა „ნამდვილი თუ მოგონილის?!“ ფარგლებში სკოლის მოსწავლეები გადაამზადა
კომუნიკაციების კომისიამ მედიაწიგნიერების კონკურსის “ნამდვილი თუ მოგონილის?!” ფარგლებში, „თბილისის ქართულ-ამერიკული სკოლის“ მერვე კლასის მოსწავლეები მედიაწიგნიერებაში გადაამზადა. საინფორმაციო შეხვედრას ComCom-ის მედიაწიგნიერების დეპარტამენტის წარმომადგენელი, ნინო მაჭავარიანი გაუძღვა, რომელმაც მონაწილეებს კონკურსის პირობებისა და საკონკურსო ნამუშევრების შექმნის შესახებ დეტალური ინფორმაცია მიაწოდა.
სემინარის ფარგლებში, მოსწავლეები BBC Academy-ის მასალების მეშვეობით, ყალბი ინფორმაციის აღმოჩენისა და ფაქტების გადამოწმების მეთოდებს გაეცნენ. ამასთან ერთად, შეისწავლეს ისეთი საკითხები, როგორებიცაა ყალბი ინფორმაციის სახეები, ფაქტისა და მოსაზრების გამიჯვნა, ინფორმაციის გადამოწმების მეთოდები და ფოტოებისა თუ ვიდეოების ფაბრიკაცია, რაც მათ საკონკურსო ნამუშევრის მომზადებაში დაეხმარებათ.
შეგახსენებთ, რომ ComCom-მა მედიაწიგნიერების კონკურსი „ნამდვილი თუ მოგონილი?!“, რომელიც მიზნად ახალგაზრდებში კრიტიკული აზროვნების უნარების განვითარებას ისახავს, უკვე მეთორმეტედ გამოაცხადა. საკონკურსო ნამუშევრების გამოგზავნა მე-8, მე-9, მე-10 და მე-11 კლასის მოსწავლეებს 10 აპრილამდე შეეძლებათ. გამარჯვებულებს კი კომუნიკაციების კომისია iPhone 16 Pro-ს, MacBook Air-სა და iPad Air-ს გადასცემს.
კონკურსის წესების შესახებ დეტალური ინფორმაცია შეგიძლიათ იხილოთ ბმულზე.
დღის ტოპ 10 სიახლე
სხვა სიახლეები
7 ნოემბრის დღის მეორე ნახევრიდან 9 ნოემბრის დილამდე დასავლეთ საქართველოს უმეტეს ტერიტორიაზე მოსალოდნელია ნალექი, აჭარასა და გურიის რეგიონში დროგამოშვებით ძლიერი ინტენსივობით - გარემოს ეროვნული სააგენტო
06.11.2026.18:03
გარემოს ეროვნული სააგენტო ამინდის შესახებ გაფრთხილებას აქვეყნებს.
„7 ნოემბრის დღის მეორე ნახევრიდან 9 ნოემბრის დილამდე დასავლეთ საქართველოს უმეტეს ტერიტორიაზე მოსალოდნელია ნალექი, აჭარასა და გურიის რეგიონში დროგამოშვებით ძლიერი ინტენსივობით. შესაძლებელია ელჭექი, ძლიერი ქარი, ზღვაზე 4-5 ბალიანი შტორმი, მაღალმთიან ზონებში ზოგან ძლიერი თოვა, ქარბუქი და ნისლი.
დიდთოვლობის, ქარბუქისა და ხილვადობის გაუარესების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.
მოსალოდნელმა ძლიერმა ნალექებმა შესაძლოა აჭარა-გურიის მდინარეებისა და მათი შენაკადების ქვემო წელში წყლის დონის მნიშვნელოვანი მატება, გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ურბანულ ტერიტორიებზე ცალკეული ადგილების დატბორვა გამოიწვიოს (საფრთხის დონე - საშუალო)“, - აღნიშნულია ინფორმაციაში.
ჯივიპი ქალაქ რუსთავში, იაღლუჯის რეზერვუარის მაგისტრალურ ქსელზე სარეაბილიტაციო სამუშაოებს ასრულებს
06.11.2026.17:54
ცანა-ლასდილის და უშგული-ლასდილის მონაკვეთებზე მაღალი გამავლობის ავტოტრანსპორტის მოძრაობა აღდგა
06.11.2026.14:23
მებაჟე ოფიცრებმა სგპ ,,სარფში" დიდი ოდენობით არადეკლარირებული მედიკამენტები აღმოაჩინეს
06.11.2026.10:56
ავთანდილ კასრაძემ ინდოეთის ელჩთან ორ ქვეყანას შორის ინოვაციებისა და ტექნოლოგიების სფეროში პარტნიორობის გაღრმავების პერსპექტივები განიხილა
05.11.2026.16:42
საუნივერსიტეტო ინოვაციების კონკურსის UNI4VERSE – FINEDU-ს გამარჯვებულმა გუნდმა GITA-გან 20,000-ლარიანი გრანტი მოიპოვა
05.11.2026.16:24
საავტომობილო გზების დეპარტამენტში ზამთრის სეზონისთვის მზადების საკითხებზე კონტრაქტორ კომპანიებთან შეხვედრა გაიმართა
05.11.2026.13:21
