ბიუჯეტში თანხები გაიზარდა და ავარიული საცხოვრებელი კორპუსების ჩანაცვლებისთვის 100 მილიონია გამოყოფილი - კახა კალაძე
დედაქალაქის მერმა, კახა კალაძემ გადაცემაში „იმედი LIVE“ აღნიშნა, რომ ბიუჯეტში თანხები გაიზარდა და ავარიული საცხოვრებელი კორპუსების ჩანაცვლებისთვის 100 მილიონია გამოყოფილი.
„გვქონდა გარკვეული გამოწვევები, იმიტომ, რომ ხშირ შემთხვევაში ვერ ვაღწევდით მოსახლეობის 100%-იან შეთანხმებას, რადგან ამის გარეშე შეუძლებელია პროექტის განხორციელება. ჩვენ არანაირი უფლება არ გვაქვს შევეხოთ კერძო საკუთრებას, თუ არ არის კონკრეტული მცხოვრების თანხმობა. თავიდან უფრო მეტი გამოწვევა იყო, რადგან რაღაცნაირად შეშინებული იყო მოსახლეობა და ამასაც თავისი ახსნა აქვს. იყო სამშენებლო კომპანიები, რომლებმაც უდიდესი პრობლემა შეუქმნა დედაქალაქის მოსახლოებას, გვახსოვს უამრავი დაუმთავრებელი შენობა რამხელა გამოწვევა იყო, მაგრამ აქაც ჩვენი ჩართულობით 12 ათასი ოჯახი გავაბედნიერეთ. როდესაც რამდენიმე პროექტი წარმატებით განვახორციელეთ, ხალხმა ეს დაინახა. ეს პროექტები უპრობლემოდ განხორციელდება და ავარიული საცხოვრებელი კორპუსების მაგივრად ადამიანებს ახალი, თანამედროვე ტიპის საცხოვრებელი ფართები გადაეცემათ, რომელიც იქნება გარემონტებული და მოწესრიგებული. იმედი მაქვს უფრო მეტი ადამიანი დაინტერესდება და ითანამშრომლებს მუნიციპალიტეტთან“, - აღნიშნა კახა კალაძემ.
დღის ტოპ 10 სიახლე
MAIZEN მომხმარებელს სააღდგომო კოლექციას სთავაზობს, სადაც გემო და ხელოვნება ერთ ისტორიად ერთიანდება
სხვა სიახლეები
საქართველოს საავიაციო ბაზარზე ახალი ევროპული ავიაკომპანია - Norwegian Air Sweden შემოდის
27.03.2026.21:02
2026 წლის ივნისიდან, თბილისს კიდევ ერთი ევროპული დედაქალაქი - კოპენჰაგენი (დანიის სამეფო) დაუკავშირდება პირდაპირი ავიარეისებით. ახალ საჰაერო ხაზზე ფრენებს ცნობილი სკანდინავიური დაბალბიუჯეტიანი ავიაკომპანიის, Norwegian-ის შვილობილი - Norwegian Air Sweden შეასრულებს.
სამოქალაქო ავიაციის სააგეტნოში წარმოდგენილი განაცხადის შესაბამისად, თბილისსა და კოპენჰაგენს შორის პირდაპირი ფრენები 27 ივნისიდან კვირაში 2 სიხშირით, ყოველ ოთხშაბათსა და შაბათს, ხოლო, 15 აგვისტოდან - ყოველ ოთხშაბათსა და კვირას შესრულდება.
საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ ავიაკომპანიას ფრენების განხორციელებისათვის აუცილებელი ნებართვა 23 მარტს მიანიჭა.
კოპენჰაგენი - თბილისი - კოპენჰაგენის მიმართულების დამატება გაზრდის საქართველოს დაკავშირებადობას სკანდინავიის ქვეყნებთან და ხელს შეუწყობს ჩრდილოეთ ევროპიდან ტურისტული ნაკადების მატებას ქვეყანაში. ამასთან, კოპენჰაგენის აეროპორტი წარმოადგენს ერთ-ერთ უმსხვილეს სატრანზიტო ჰაბს ევროპის რეგიონში, რაც ქართველ მგზავრებს დამატებით შესაძლებლობებას მისცემს კოპენჰაგენის გავლით იმგზავრონ სხვა ევროპული თუ ამერიკული მიმართულებებისკენ.
ნათია თურნავამ ცენტრალური და აღმოსავლეთ ევროპის საბანკო ასოციაციისა და ქართუ ბანკის მიერ ორგანიზებულ საერთაშორისო საბანკო კონფერენციაში მიიღო მონაწილეობა
27.03.2026.19:23
სსიპ გარემოსდაცვითი ინფორმაციისა და განათლების ცენტრსა და პროფესიულ კოლეჯ „აისი“-ს შორის ურთიერთთანამშრომლობის მემორანდუმი გაფორმდა
27.03.2026.16:45
დაბა ფასანაურის, ბარისახოსა და როშკას განაშენიანების გეგმების კონცეფციების საჯარო განხილვა გაიმართა
27.03.2026.16:41
თინათინ ნიბლოშვილის ინიციატივით ეთნიკური უმცირესობების წარმომადგენლებთან დასაქმების საკითხებზე შეხვედრა გაიმართა
27.03.2026.15:55
საქართველოში მიწის რესურსების მონაცემთა ერთიანი ბაზა 20-წლიანი წყვეტის შემდეგ შეიქმნა
27.03.2026.15:31
ღვინის ეროვნული სააგენტოს მხარდაჭერით, ჩენგდუში ქართული ღვინის მორიგი წარდგენა გაიმართა
27.03.2026.14:09
მებაჟე ოფიცრებმა ქუთაისის აეროპორტში არადეკლარირებული ოქროსა და ვერცხლის საიუველირო ნაკეთობების შემოტანის ფაქტები აღკვეთეს
27.03.2026.13:24
