ADB-მ საქართველოს $233.2 მილიონიანი სესხი დაუმტკიცა - როგორია მიზნობრიობა
მანილა, ფილიპინები (24 ოქტომბერი, 2025 წელი) — აზიის განვითარების ბანკმა (ADB) დღეს დაამტკიცა 233.2 მილიონი აშშ დოლარის სესხი, რომელიც მიზნად ისახავს საქართველოში სოფლად მცხოვრები მოსახლეობისთვის უსაფრთხო და საიმედო წყალმომარაგების მიწოდებას.
შედეგებზე დამყარებული სასესხო პროგრამა — „საქართველო: სუფთა, ადგილობრივი და თანაბარი წვდომა წყლის რესურსებზე" — გამიზნულია საქართველოს სოფლად მცხოვრები მოსახლეობისთვის სასმელი წყლის მდგრადი, მედეგი და ინკლუზიური მიწოდების უზრუნველსაყოფად. პროგრამის ფარგლებში საქართველოს მასშტაბით სულ მცირე 100 სოფელში მოხდება წყლის ინფრასტრუქტურის გაფართოება და რეაბილიტაცია, რაც უზრუნველყოფს სუფთა სასმელი წყლის უწყვეტ მიწოდებას.
„ახალი პროგრამა აგრძელებს ADB-ის წყალმომარაგების მხარდაჭერის ათწლიან გამოცდილებას, რომლის შედეგად საქართველოს უკვე 13 ქალაქს 24-საათიანი წყალმომარაგება აქვს," — აღნიშნა ADB-ის მუდმივი წარმომადგენლობის დირექტორმა საქართველოში ლესლი ბეარმან ლამმა. „გაზრდილი მხარდაჭერა გააუმჯობესებს ცხოვრების პირობებსა და ეკონომიკურ შესაძლებლობებს საქართველოს სოფლებში, სადაც საბჭოთა პერიოდის მოძველებულ წყლის სისტემებში ინვესტიციების ნაკლებობაა."
დღის ტოპ 10 სიახლე
სხვა სიახლეები
შემოსავლების სამსახურის განცხადება - ტექნიკური ხარვეზის გამო დროებით შეჩერებულია საინფორმაციო საკომუნიკაციო ცენტრის - 2 299 299 მუშაობის პროცესი
27.10.2025.17:41
ფინანსთა სამინისტროს შემოსავლების სამსახური გაცნობებთ, რომ სატელეფონო ქსელის სისტემური დაზიანების გამო, დროებით შეჩერებულია საინფორმაციო საკომუნიკაციო ცენტრის - 2 299 299 მუშაობის პროცესი. აქტიურ რეჟიმში მიმდინარეობს ტექნიკური სამუშაოები, რათა დროულად მოხდეს მომსახურების სრული აღდგენა.
აქვე გაცნობებთ, რომ მომსახურების მიღება შესაძლებელია RS-ჩათის მეშვეობით ან დისტანციურ რეჟიმში, ისარგებლოთ შემოსავლების სამსახურის ვებგვერდზე www.rs.ge არსებული ელექტრონული სერვისებით.
შემოსავლების სამსახური ბოდიშს გიხდით შექმნილი დროებითი შეფერხებისთვის.
ეროვნულმა ბანკმა აუდიტორული ფირმების წარმომადგენლებთან იპოთეკური ობლიგაციების დანერგვის თემაზე სამუშაო შეხვედრა გამართა
27.10.2025.13:44
გარემოს ეროვნული სააგენტო მოსახლეობას ამინდის მოსალოდნელი გაუარესების შესახებ აფრთხილებს
27.10.2025.13:21
