„აბრეშუმის გზის ფორუმის" პანელზე მოხსენებას Nokia Mobile Networks-ის ევროპის მიმართულებების უფროსი ვიცე-პრეზიდენტი გააკეთებს

საზოგადოება

მარიამ ქვრივიშვილმა საქართველოში სერბეთის ელჩთან გაცნობითი შეხვედრა გამართა

13.10.2025.20:23

ეკონომიკისა და მდგრადი განვითარების მინისტრმა მარიამ ქვრივიშვილმა გაცნობითი ხასიათის შეხვედრა გამართა საქართველოში სერბეთის ელჩთან ტატიანა პანაიოტოვიჩ - სვეტკოვიჩთან.

შეხვედრაზე განხილულ იქნა ორმხრივი სავაჭრო - ეკონომიკური ურთიერთობების პრიორიტეტული მიმართულებები, მათ შორის, ვაჭრობის, ტრანსპორტის, ტურიზმის, სამოქალაქო ავიაციის, ენერგეტიკისა და სხვა სექტორებში. მხარეებმა ხაზი გაუსვეს პოზიტიურ შედეგებს, რომელიც ორ ქვეყანას შორის პირდაპირი ავიამიმოსვლის დაწყებას მოჰყვა როგორც სამოქალაქო ავიაციის, ისე ტურიზმის სექტორებში.

საუბარი შეეხო საქართველო - სერბეთის მთავრობათაშორისი ეკონომიკური კომისიის სხდომის ახლო მომავალში ჩატარების საკითხს, რომლის დროსაც განხილულ იქნება პრიორიტეტული ორმხრივი ეკონომიკური საკითხები. ასევე ყურადღება გამახვილდა საქართველოსა და სერბეთს შორის თავისუფალი ვაჭრობის შეთანხმებასთან დაკავშირებით მოლაპარაკებების დაწყების მნიშვნელობაზე.

შეხვედრაზე ყურადღება გამახვილდა 22-23 ოქტომბერს თბილისის აბრეშუმის გზის ფორუმთან დაკავშირებით. ქართულმა მხარემ იმედი გამოთქვა, რომ სერბეთის დელეგაცია მაღალი რანგით იქნება წარმოდგენილი.

შეხვედრას ასევე დაესწრნენ მინისტრის მოადგილე გენადი არველაძე და სამინისტროს ვაჭრობის განვითარებისა და საერთაშორისო ეკონომიკური ურთიერთობების დეპარტამენტის უფროსი გივი ზედელაშვილი.

ნათია თურნავა აშშ-ში საერთაშორისო სავალუტო ფონდისა და მსოფლიო ბანკის ყოველწლიურ შეხვედრებში მონაწილეობს 13.10.2025.17:24