18 თებერვალს დღის საათებში, „თეკლათის“ დაცულ სარკინიგზო გადასასვლელზე მიმდინარე სამუშაოების გამო ავტოტრანსპორტის მოძრაობა დროებით შეიზღუდება
საქართველოს ინფრასტრუქტურის სამინისტროს საავტომობილო გზების დეპარტამენტის ინფორმაციით, სს „საქართველოს რკინიგზის“ მიერ, საერთაშორისო მნიშვნელობის თბილისი-სენაკი-ლესელიძეს საავტომობილო გზის 281-ე კმ-ზე, (სენაკი-ქვალონის გადასარბენის მე-5 კმ. პკ2-ში) მდებარე ე.წ. „თეკლათის“ დაცულ სარკინიგზო გადასასვლელზე, ფენილის ქვეშ არსებული ლიანდაგის შეკეთებისა და სარკინიგზო გადასასვლელის საავტომობილო გზის მისასვლელებთან ორივე მხარეს დაზიანებული ასფალტ-ბეტონის საფარის აღდგენის სამუშაოები ჩატარდება. რის გამოც, 2026 წლის 18 თებერვალს 10:00 საათიდან 18:00 საათამდე, სამუშაოთა წარმოებისათვის საჭიროა, სავალი ნაწილის დროებითი ჩაკეტვა და ავტოტრანსპორტის მოძრაობის დროებით გადართვა საერთაშორისო მნიშვნელობის სენაკი-ფოთი (ასაქცევი)-სარფისა და შიდასახელმწიფოებრივი მნიშვნელობის ჭალადიდი-ხორგა-ხობის საავტომობილო გზებზე.
დღის ტოპ 10 სიახლე
სხვა სიახლეები
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი - გარემოს ეროვნული სააგენტო
03.04.2026.13:30
5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი, - აღნიშნულია გარემოს ეროვნული სააგენტოს განცხადებაში.
„3 აპრილის დღის ბოლოდან 5 აპრილამდე საქართველოში მოსალოდნელია დროგამოშვებით ნალექი, ზოგან ძლიერი. შესაძლებელია ელჭექი და ქარის გაძლიერება. 5-6 აპრილს აღმოსავლეთ საქართველოში, მათ შორის დედაქალაქში, იქროლებს დასავლეთის ძლიერი ქარი.
მოსალოდნელმა ნალექებმა შესაძლებელია მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს (საფრთხის დონე საშუალო)“, - აღნიშნულია განცხადებაში.
რთველის სამზადისი წელს ადრე დავიწყეთ, რაც მოგვცემს შესაძლებლობას პროცესი უფრო ორგანიზებულად წარიმართოს - ლევან მეხუზლა
03.04.2026.10:46
აჭარის ფინანსთა და ეკონომიკის მინისტრი ედნარ ნატარიძე ფორუმს თემაზე „პროფესიული განათლება და ბიზნესი-თანამშრომლობა რეგიონული განვითარებისათვის“ დაესწრო
03.04.2026.09:45
აუტიზმის შესახებ ცნობადობის ამაღლების საერთაშორისო დღესთან დაკავშირებით ბექა მიქაუტაძე ბავშვთა და მოზარდთა ცენტრ „პროსპეროს“ ესტუმრა
02.04.2026.15:37
უშუალოდ ბაგა-ბაღის ჭიშკრის წინ არ უნდა მოხდეს ცხოველის დატოვება, თუმცა ეს არ ზღუდავს ახლო ტერიტორიაზე მის დაბრუნებას - ლაშა ავალიანი
02.04.2026.14:48
