საქართველო როგორც ნოვატორი რეგიონში კიდევ უფრო დააახლოებს ბანკების რეზოლუციის ჩარჩოს ევროდირექტივასთან - S&P
საერთაშორისო სარეიტინგო სააგენტო S&P Global Ratings-მა საბანკო სექტორის რისკის შეფასების მორიგი განახლება გამოაქვეყნა. დოკუმენტში მიმოხილულია ცენტრალური აზიისა და კავკასიის რეგიონის საბანკო სექტორის საერთო ტენდენციები, ძლიერი და სუსტი მხარეები, მთავარი გამოწვევები და მაკროეკონომიკური რისკები.
ეკონომიკისა და საბანკო სექტორის რისკების საერთო შეფასების მიხედვით, საქართველო ქვეყნების მე-7 ჯგუფში მოხვდა, რაც ყაზახეთთან ერთად საუკეთესოა რეგიონში.
ანგარიშში გავლენიანი სარეიტინგო კომპანია ხაზგასმით აღნიშნავს, რომ საქართველოს საბანკო სექტორის რეგულირება და ზედამხედველობა მოწინავეა რეგიონში.
სააგენტოს შეფასებით, პორტფელში IFRS Stage 3 სესხების წილის მიხედვით, ქართული ბანკების აქტივების ხარისხი საუკეთესოა რეგიონში, ხოლო საკრედიტო რისკის ხარჯი მინიმალური.
აღსანიშნავია ისიც, რომ ქართული ბანკების წმინდა საპროცენტო მარჟა ყველაზე დაბალია რეგიონში.
სარეიტინგო სააგენტო S&P მოელის, რომ საქართველო როგორც ნოვატორი რეგიონში, ევროდირექტივასთან კიდევ უფრო დააახლოებს ბანკების რეზოლუციის ჩარჩოს, რომელიც არსებითად ევროკავშირში მოქმედ დირექტივას (BRRD) ეფუძნება.
დღის ტოპ 10 სიახლე
სხვა სიახლეები
Fitch-მა „თიბისის დაზღვევის“ რეიტინგი BB დონეზე დაადასტურა, ნეგატიური პროგნოზით
13.08.2025.12:00
საერთაშორისო სააგენტო Fitch Ratings-მა დაადასტურა TBC Insurance -ის სადაზღვევო ფინანსური მდგრადობის (IFS) რეიტინგი 'BB'-ზე, ნეგატიური პროგნოზით.
TBC Insurance-ის რეიტინგი ასახავს კომპანიის პოზიციას საქართველოს შიდა სადაზღვევო ბაზარზე, ადეკვატურ კაპიტალიზაციას, მყარ ფინანსურ შედეგებს, მაღალ საინვესტიციო რისკს, ზომიერ რეზერვების რისკებს.
TBC Insurance-ის საინვესტიციო და აქტივების რისკები კონცენტრირებულია ადგილობრივ ბაზარზე, ძირითადად ადგილობრივი ბანკის დეპოზიტებსა და ადგილობრივი კომპანიების ობლიგაციებში. Fitch-ის შეფასებით, სუვერენული საკრედიტო ხარისხის გაუარესება შესაძლოა ნეგატიურად აისახოს როგორც ადგილობრივი ბანკის, ისე სხვა ადგილობრივი ემიტენტების საკრედიტო ხარისხზე.
TBC Insurance-ს დაკავშირებულ მხარეებთან მიმართებით ინვესტიციების მაღალი კონცენტრაცია აქვს, რაც აისახება Fitch-ის შეფასებაში მისი საინვესტიციო და აქტივების რისკის შესახებ. 2024 წლის ბოლოსთვის, TBC Bank-ისა და ჯგუფის სხვა წევრების წილი შეადგენდა კომპანიის ნაღდი ფულისა და საბანკო დეპოზიტების 61%-ს, ხოლო საერთო ინვესტიციების 52%-ს.
