ზურაბ ჩიკვილაძე დედაქალაქის საკრებულოს სხდომაზე სიტყვით გამოსვლისას თბილისის 2026 წლის წლის ბიუჯეტის ზრდას მიესალმა
თბილისის საკრებულოს ფრაქციის „ქართული ოცნება - დემოკრატიული საქართველო“ თავმჯდომარე ზურაბ ჩიკვილაძე დედაქალაქის საკრებულოს სხდომაზე სიტყვით გამოსვლისას თბილისის 2026 წლის წლის ბიუჯეტის ზრდას მიესალმა.
„გამორჩეული დღე გვაქვს დედაქალაქში - 300 მილიონით მოიმატა ქალაქის ბიუჯეტმა. სწორედ ჩვენი მშვიდობიანი განვითარება გვაძლევს ბიუჯეტის ზრდის საშუალებას, რაც, თავის მხრივ, ჩვენი დედაქალაქის კიდევ უფრო მეტად განვითარებისა და მოდერნიზების საშუალებას გვაძლევს“, - განაცხადა ზურაბ ჩიკვილაძემ.
ზურაბ ჩიკვილაძე სხდომაზე სიტყვით გამოსვლისას საკრებულოს ფრაქცია „ხალხის ძალის“ მიერ წამოყენებულ ინიციატივას გამოეხმაურა.
„ფრაქცია „ხალხის ძალის“ თავმჯდომარე მნიშვნელოვანი ინიციატივით გამოვიდა. საკრებულოს სახელდებისა და სიმბოლიკის კომისიის თავმჯდომარემ, ლევან აბაშიძემ, დაგვიდასტურა, რომ, სამწუხაროდ, დედაქალაქში ჯერი კიდევ არის დარჩენილი მსგავსი დასახელების ქუჩები. ვიცი, რომ კომისია ამაზე იმსჯელებს და საკრებულო შესაბამის ნაბიჯებს გადადგამს. ეს ყველაზე მტკივნეული და მნიშვნელოვანი თემაა ჩვენი საზოგადოებისთვის. ბოლშევიზმთან დაკავშირებული ჩვენი ისტორია ხომ ყველაზე მტკივნეული და ტრაგიკულია. ტრაგიკული იყო ჩვენი გასაბჭოება 1921 წელს, რაც სწორედ ღოღობერიძის მსგავსი ქართველი ბოლშევიკების - მახარაძის, ორჯონიკიძის - დახმარებით მოხდა“,- განაცხადა ზურაბ ჩიკვილაძემ.
დღის ტოპ 10 სიახლე
სხვა სიახლეები
ისეთი სახელდებები, რომლებიც ჩვენს ისტორიასთან და დღევანდელობასთან აბსოლუტურ წინააღმდეგობაში მოდის, უნდა გადაფასდეს - ბექა ოდიშარია
30.01.2026.18:07
თბილისის საკრებულოს განათლებისა და კულტურის კომისიის თავმჯდომარე, ბექა ოდიშარია საკრებულოში ფრაქცია „ხალხის ძალის“ თავმჯდომარის, ზაქარია წიკლაურის ინიციატივას - ლევან ღოღობერიძის ქუჩისთვის ამბროსი ხელაიას სახელის მინიჭებასთან დაკავშირებით, გამოეხმაურა და განაცხადა, რომ თუ არსებობს ისეთი სახელდებები, რომლებიც ჩვენს ისტორიასთან და დღევანდელობასთან აბსოლუტურ წინააღმდეგობაში მოდის, უნდა გადაფასდეს.
„ჩემთვის მართლაც სიახლე იყო, რომ თბილისში არ გვაქვს ამბროსი ხელაიას ქუჩა. მინდა, ამ ინიციატივისთვის ჩვენს კოლეგას მადლობა გადავუხადო. ასევე, ვიზიარებ სახელდებისა და სიმბოლიკის კომისიის თავმჯდომარის პოზიციას, რომ ყველა მსგავსი ინიციატივა კომისიური წესით განვიხილოთ“- განაცხადა ბექა ოდიშარიამ.
ზურაბ ჩიკვილაძე დედაქალაქის საკრებულოს სხდომაზე სიტყვით გამოსვლისას თბილისის 2026 წლის წლის ბიუჯეტის ზრდას მიესალმა
30.01.2026.18:07
თბილისის საკრებულოს სარევიზიო კომისიამ 2025 წლის მეორე ნახევრის მუშაობის ანგარიში წარადგინა
30.01.2026.16:55
მიმაჩნია, რომ ჩვენ შევძლებთ როგორც ფასების რეგულირებას, ასევე ჩვენი მოსახლეობის კეთილდღეობაზე ზრუნვას - ნინო ვარდოსანიძე
30.01.2026.16:53
ფილტვის კიბოს სკრინინგი დაავადების ადრეულ სტადიაზე დიაგნოსტირების საშუალებას მოგვცემს - ბექა მიქაუტაძე
30.01.2026.16:13
სეთი უპრეცედენტო მაჩვენებლის მქონე ბიუჯეტი დედაქალაქს არასდროს ქონია - ლევან არველაძე
30.01.2026.15:58
