ტრამპმა 175 მილიარდი დოლარის ღირებულების კოსმოსური თავდაცვის ახალი სისტემა წარადგინა
აშშ-ის პრეზიდენტმა, დონალდ ტრამპმა კოსმოსური თავდაცვის ახალი სისტემის, „ოქროს გუმბათის“ არქიტექტურა წარადგინა.
ახალი სისტემა, რომელსაც შეერთებული შტატების პრეზიდენტმა ხელოვნების ნიმუში უწოდა, ექსპლუატაციაში, სავარაუდოდ, ტრამპის პრეზიდენტობის ვადის ამოწურვამდე შევა. პროექტი ჯამური ღირებულება 175 მილიარდ დოლარს შეადგენს.
„მოხარული ვარ გაცნობოთ, რომ ოფიციალურად ავირჩიეთ თანამედროვე საჰაერო თავდაცვის სისტემებისთვის არქიტექტურა, რომელიც ხელოვნების ნიმუში იქნება. ახალი თაობის ტექნოლოგიები მოიცავს ხმელეთს, ზღვასა და კოსმოსს. კანადასაც სურს პროექტში მონაწილეობის მიღება და „ოქროს გუმბათის“ ქოლგის ქვეშ ყოფნა. ასე რომ მათთან ვილაპარაკებთ. მოხდება ამ პროექტის ინტეგრირება ჩვენი თავდაცვის შესაძლებლობებთან. საუბარია 175 მილიარდი დოლარის ღირებულების პროექტზე, რომელიც მზად იქნება ექსპლუატაციისთვის ჩემი საპრეზიდენტო ვადის ამოწურვამდე“, - თქვა ტრამპმა.
დღის ტოპ 10 სიახლე
სხვა სიახლეები
13 ივნისის ტრაგიკული დღე ქართველი ხალხის ერთიანობის სიმბოლოდ იქცა - ზურაბ აბაშიძე
13.06.2025.13:54
თბილისის საკრებულოს თავმჯდომარემ, ზურაბ აბაშიძემ 13 ივნისის სტიქიის შედეგად დაღუპულთა ხსოვნის მემორიალი ყვავილებით შეამკო და მათ ხსოვნას პატივი მიაგო. როგორც საკრებულოს თავმჯდომარემ განაცხადა, 2015 წლის, 13 ივნისი უახლეს ისტორიაში ერთ-ერთი უმძიმესი დღე იყო, თუმცა დიდ ტკივილთან ერთად, 13 ივნისის ტრაგიკული დღე ქართველი ხალხის ერთიანობის სიმბოლოდაც იქცა. ზურაბ აბაშიძის თქმით, მართლაც საამაყოა ის სიმამაცე და ერთობა, რომელიც თანამოქალაქეებმა სტიქიასთან ბრძოლაში გამოიჩინეს.
„13 ივნისის ტრაგედია უმძიმესი დღეა თითოეული ჩვენგანისთვის - ზუსტად 10 წლის წინ თბილისში მომხდარმა სტიქიამ 21 ადამიანის სიცოცხლე შეიწირა, ორი კი დღემდე დაკარგულად ითვლება. დიდ ტკივილთან ერთად, ეს დღე ჩვენი ერთიანობის სიმბოლოდაც იქცა. მართლაც საამაყოა ის სიმამაცე და ერთობა, რომელიც ჩვენმა თანამოქალაქეებმა სტიქიასთან ბრძოლაში გამოიჩინეს. განსაკუთრებული მადლობა ეკუთვნით მეხანძრე-მაშველებს, რომლებიც სტიქიის ეპიცენტრში მუშაობდნენ და მოქალაქეებს ეხმარებოდნენ. კიდევ ერთხელ, სამძიმარს ვუცხადებ გარდაცვლილთა ოჯახებს“- განაცხადა ზურაბ აბაშიძემ.
ქალთა და ბავშვთა საკითხებზე მომუშავე პარლამენტის დროებითმა კომისიამ საქმიანობის პრიორიტეტები განსაზღვრა
12.06.2025.13:58
უნგრეთთან მეორე სამიტი თანამშრომლობის, ფაქტობრივად, ყველა მიმართულებას შეეხებოდა - ლევან დავითაშვილი
12.06.2025.09:53
უნგრეთის პრემიერ-მინისტრის სასახლეში საქართველოს პრემიერ-მინისტრის დახვედრის ოფიციალური ცერემონია გაიმართა
11.06.2025.17:52
შალვა პაპუაშვილმა სახელმწიფო აუდიტის სამსახურის თანამშრომლებს გენერალური აუდიტორი გიორგი გაბიტაშვილი წარუდგინა
11.06.2025.17:51
