სპორტი ნიშნავს ერის, ახალგაზრდების ჯანმრთელობას, ჩვენ უკვე დავაანონსეთ 2 მილიარდიანი პროგრამა სპორტული ინფრასტრუქტურის განვითარებისთვის - ირაკლი კობახიძე
სპორტი ნიშნავს ერის ჯანმრთელობას, ახალგაზრდების ჯანმრთელობას, სწორი ცხოვრების წესს და ამ კუთხითაც სპორტი იმსახურებს განსაკუთრებულ ყურადღებას, ჩვენ უკვე დავაანონსეთ 2-მილიარდიანი პროგრამა, რომელიც ამისთვის განხორციელდება, - განაცხადა საქართველოს პრემიერ-მინისტრმა ირაკლი კობახიძემ ტელეკომპანია „იმედის“ ეთერში განაცხადა.
როგორც მთავრობის მეთაურმა აღნიშნა, მნიშვნელოვანია ყველა მუნიციპალიტეტში სპორტის განვითარება, განსაკუთრებით კი ბავშვების ჩართვა სპორტში.
„ჩვენ მაქსიმალურად ვცდილობთ, რომ დავაფასოთ ყველა ის მიღწევა, რაც აქვს ქართულ სპორტს, ჩვენს სპორტსმენებს, ჩვენს გუნდებს. მეორე, რასაც ვაკეთებთ - სპორტული ინფრასტრუქტურის განვითარებაში გვინდა მსხვილი ინვესტიციის ჩადება. ეს მოიცავს პირველ რიგში მულტიფუნქციურ სპორტულ ცენტრებს, რაც განკუთვნილი იქნება მაღალი მიღწევების, ასევე მასობრივი სპორტისთვის. ახალი ინფრასტრუქტურის განვითარება გვჭირდება ასევე ფეხბურთისთვის, კალათბურთისთვის, სხვა სახეობებისთვის, განსაკუთრებით ბავშვთა სპორტის განვითარებისთვის. ჩვენ უკვე დავაანონსეთ 2-მილიარდიანი პროგრამა, რომელიც ამისთვის განხორციელდება. უნდა შევიდეთ ყველა მუნიციპალიტეტში და ყველგან უნდა ვიზრუნოთ სპორტის განვითარებაზე, განსაკუთრებით ბავშვების ჩართვაზე სპორტში“, - განაცხადა პრემიერ-მინისტრმა.
დღის ტოპ 10 სიახლე
სხვა სიახლეები
მაკა ბოჭორიშვილმა მონაწილეობა მიიღო საქართველოსა და აზერბაიჯანის რესპუბლიკას შორის ეკონომიკური თანამშრომლობის ერთობლივი მთავრობათაშორისი კომისიის მე-11 სხდომაში
30.10.2026.20:35
საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა მონაწილეობა მიიღო საქართველოსა და აზერბაიჯანის რესპუბლიკას შორის ეკონომიკური თანამშრომლობის ერთობლივი მთავრობათაშორისი კომისიის მე-11 სხდომაში, რომელიც საქართველოსა და აზერბაიჯანის პრემიერ-მინისტრების თანათავმჯდომარეობით გაიმართა.
სხდომის ფარგლებში, ყურადღება გამახვილდა ორ ქვეყანას შორის არსებული ურთიერთობების დინამიკასა და სხვადასხვა სფეროში თანამშრომლობის გაძლიერების შესაძლებლობებზე.
განსაკუთრებული ყურადღება დაეთმო სტრატეგიული პარტნიორობის მნიშვნელობასა და რეგიონში გრძელვადიანი მშვიდობის შენარჩუნების აუცილებლობას.
სხდომის ფარგლებში, საქართველოსა და აზერბაიჯანის პრემიერ-მინისტრებმა მე-11 მთავრობათაშორისი კომისიის ოქმს მოაწერეს ხელი. სხდომაში ორი ქვეყნის მთავრობის წევრები მონაწილეობდნენ.
სპორტისა და ახალგაზრდულ საქმეთა კომისიის თავმჯდომარემ, შალვა სუთიაშვილმა, ერთწლიანი მუშაობის ანგარიში წარადგინა
30.10.2026.20:21
საქართველოს პრემიერ-მინისტრი ირაკლი კობახიძე აზერბაიჯანის რესპუბლიკის პრემიერ-მინისტრ ალი ასადოვს შეხვდა
30.10.2026.17:59
საქართველოს ვიცე-პრემიერი მარიამ ქვრივიშვილი აზერბაიჯანის პრემიერ-მინისტრს ალი ასადოვს თბილისის საერთაშორისო აეროპორტში დახვდა
29.10.2026.16:49
